ᐱᔪᓐᓂᕈᓐᓇᙱᑦᑐᒥᒃ ᐊᓐᓂᐊᖃᕐᓂᖅ

ᐱᔪᓐᓂᕈᓐᓇᙱᑦᑐᒥᒃ ᐊᓐᓂᐊᖃᖅᑐᑦ ᐊᑯᓂᐊᓗᒃ ᒪᒥᑕᐅᔪᓐᓇᙱᑦᑐᒥᒃ ᐊᓐᓂᐊᖃᓱᑦ ᐃᓚᓐᓂᑯᑦ, ᐱᔪᓐᓂᕈᓐᓇᙱᑦᑐᒥᒃ ᐊᓐᓂᐊᖃᖅᑐᑦ ᐃᓄᓯᓕᒪᖏᓐᓂ ᐊᓐᓂᐊᓱᖑᔪᑦ. ᐱᔪᓐᓃᕈᓐᓇᙱᑦᑐᒥ ᐋᓐᓂᐊᖃᕐᓗᓂ ᐱᓕᕆᔪᓐᓇᖅᑐᑎᑦ ᖃᓄᐃᙱᑉᐹᓪᓕᕈᑎᒃᓴᓂᒃ ᐱᐅᔪᓐᓃᑲᓐᓂᕐᓂᐊᖏᓐᓇᕕᑦ. ᐋᓐᓂᐊᓯᐅᖅᑎᒋᔭᐃᑦ ᐃᑲᔪᕈᓐᓇᖅᐳᖅ ᐋᓐᓂᐊᕆᔭᐃᑦ ᐸᓚᕐᔫᒥᔪᓐᓇᕐᓂᐊᕐᒪᑦ ᐃᓅᓯᕆᒃᑑᔪᓐᓇᕐᓂᐊᕋᕕᑦ ᓂᕈᐊᕈᓐᓇᕐᓗᑎᑦ, ᐃᓅᓕᓴᐅᑎᑎᒍᑦ, ᐊᒻᒪ ᐊᓯᐊᒍᑦ ᑲᒪᒋᔪᓐᓇᕐᒥᔭᐃᑦ. ᐱᔪᓐᓃᕈᓐᓇᙱᑦᑐᒥᒃ ᐋᓐᓂᐊᓖᑦ ᖁᕕᐊᓱᑦᑎᐊᕈᓐᓇᓲᑦ, ᐃᓅᓯᕆᒃᑑᕙᒃᖢᑎᒡᓗ.

ᐊᑲᐅᓂᖅᓴᓂᒃ ᓂᕈᐊᖃᑦᑕᕐᓂᖅ ᐱᔪᓐᓃᕈᓐᓇᙱᑦᑐᒥ ᐋᓐᓂᐊᖅᑖᙱᔾᔪᑕᐅᔪᓐᓇᖅᑐᖅ ᑕᐃᒃᑯᓄᖓᓗ ᐋᓐᓂᐊᓕᖕᓄᑦ ᖃᓄᐃᙱᑉᐹᓪᓕᕈᑕᐅᔪᓐᓇᕆᓪᓗᓂ.

ᐅᑯᐊ ᑕᕝᕙ ᐊᑲᐅᓂᖅᓴᐃᑦ ᓂᕈᐊᕆᔪᓐᓇᖅᑕᑎᑦ ᐃᓚᖏᑦ:

  • ᓱᐴᖅᑐᖃᑦᑕᙱᑉᐹᓪᓕᕐᓗᑎᑦ ᓄᖅᑲᕐᓗᑎᓪᓘᓃᑦ. ᐃᑲᔪᖅᑕᐅᓂᐊᕋᕕᑦ, ᐋᓐᓂᐊᓯᐅᖅᑎᒧᑦ ᐅᖃᓪᓚᒍᓐᓇᖅᐳᑎᑦ, ᖃᕋᓴᐅᔭᒃᑯᓪᓘᓃᑦ [nuquits.ca], ᓄᖅᑲᕋᓱᐊᕐᓂᕐᒧᓪᓘᓃᑦ ᓯᒡᒐᓕᐊᒥᒃ ᐅᖄᓚᔪᓐᓇᕆᕗᑎᑦ 1-866-368-7848−ᒧᑦ.
  • ᓱᐴᖅᑐᖅᑐᖃᖅᑎᓪᓗᒍ ᐳᔪᖓᓄᑦ ᐊᒃᑐᖅᑕᐅᑦᑕᐃᓕᒪᓗᑎᑦ, ᐊᔪᕐᓇᙱᒃᑳᖓᑦ
  • ᖁᐃᒃᑎᓗᐊᖅᑕᐃᓕᒪᓗᑎᑦ ᐅᖁᒪᐃᓐᓂᕆᔭᐃᑦ ᐃᒃᐱᒋᓗᒍ
  • ᐆᒻᒪᕆᖕᓂᖅ ᖃᐅᑕᒫᖅ ᐅᕝᕙᓘᓃᑦ ᖃᐅᑕᒫᑲᓴᑦᑎᐊᖅ
  • ᓄᓇᒥᖔᖅᑐᓂᒃ ᓂᕿᑐᖃᑦᑕᕐᓗᑎᑦ, ᓂᕿᑦᑎᐊᕙᖕᓂᓘᓃᑦ ᓂᐅᕕᖅᑕᐅᔪᕕᓂᕐᓂᒃ. ᐊᑐᕈᓐᓇᖅᑕᐃᑦ ᓄᓇᕗᒻᒥ ᓂᕿᑦᑎᐊᕙᐃᑦ ᓇᓗᓇᐃᖅᓯᔾᔪᑎᖓ ᑎᒥᖕᓄᑦ ᐱᐅᔪᓂᒃ ᓂᕆᖃᑦᑕᕐᓗᑎᑦ.
  • ᒪᓕᒃᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᒥᖃᑦᑕᕐᓗᓂ ᖃᐅᔨᒪᔾᔪᑎᐅᔪᖅ
  • ᐃᓕᑦᑎᓂᖅ ᖃᓄᖅ ᕿᓄᐃᓵᕐᓗᓂ ᐊᑲᕐᕆᔪᓐᓇᕐᒪᖔᖅᐱᑦ ᐃᓱᒪᔮᖏᓐᓂᖅᓴᐅᔪᓐᓇᕐᓂᐊᕋᕕᑦ
  • ᐊᕐᕌᒍᑕᒫᖅ ᐋᓐᓂᐊᕐᕕᖕᒧᑦ ᖃᐅᔨᓴᖅᑕᐅᕙᒡᓗᑎᑦ ᑎᒥᓕᒫᑯᑦ ᐊᒻᒪ ᖃᐅᔨᓴᕈᑕᐅᔭᕆᐊᖃᓲᑦ ᐊᑐᖁᔭᐅᔪᑦ ᐊᑐᖅᐸᒡᓗᒋᑦ ᐋᓐᓂᐊᓯᐅᖅᑎᕕᑦ ᐅᖃᐅᓯᕆᔭᖏᑦ.

ᖃᕋᓴᐅᔭᒃᑯᑦ ᑐᑭᓯᒋᐊᒃᑲᓂᕈᒪᒍᕕᑦ ᐅᑯᐊ ᓇᕿᓪᓗᒋᑦ: