ᐃᕕᐊᖏᒃᑯᑦ ᐋᓐᓂᐊᖃᕐᓂᖅ ᐋᓐᓂᐊᖑᕗᖅ ᐱᒋᐊᖅᐸᒃᖢᓂ ᐃᕕᐊᙱᐅ ᑕᖏᖓᒍᑦ. ᐃᕕᐊᖏᒃᑯ ᐋᓐᓂᐊᖅᑲᕐᓂᖅ ᐱᒋᐊᖃᑦᑕᖅᑐᖅ ᒥᑭᑦᑐᒥ ᖃᑦᑎᖕᓂᖃᖕᖢᑎᒃ ᐃᒃᐱᒋᔭᐅᔪᓐᓇᕋᔭᖏᒻᒥᔪᖅ. ᐊᕐᓇᐃᑦ ᐃᕕᐊᖏᒃᑯᑦ ᐋᓐᓂᐊᖅᑖᒐᔪᖕᓂᖅᓴᐃᑦ ᐊᖑᑎᓂᑦ.
ᖃᓄᐃᓕᐅᕈᓐᓇᖅᐳᖓ ᐱᔪᓐᓃᖅᐹᓪᓕᖅᑎᑦᑎᓗᖓ ᐃᕕᐊᖏᒃᑯᑦ ᐋᓐᓂᐊᖅᑖᕐᓂᕐᒧᑦ?
- ᓯᒡᒐᓕᐊᖅᑐᙱᓐᓂᓴᐅᓗᑎᑦ ᓄᖃᕐᓗᑎᓪᓘᓐᓃᑦ. ᐃᑲᔪᖅᑕᐅᓂᐊᕋᕕᑦ, ᐋᓐᓂᐊᓯᐅᖅᑎᒧᑦ ᐅᖃᕐᓗᑎᑦ, ᖃᕋᓴᐅᔭᒃᑯᓪᓘᓃᑦ [ nuquits.ca ], ᓄᓇᕗᒻᒥᓘᓃᑦ ᓄᖅᑲᕈᒪᓂᕐᒧᑦ ᐅᖄᓚᕝᕕᒃ ᐅᓇ 1-866-368-7848.
- ᒪᓕᒃᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᒥᖃᑦᑕᕐᓗᓂ ᖃᐅᔨᒪᔾᔪᑏᑦ ᐃᒥᐊᓗᖕᒧᑦ
- ᑲᔪᓯᑦᑎᑦᑎᐊᕆᑦ ᐅᖁᒪᐃᓐᓂᕆᔭᐃᑦ ᐃᒃᐱᒋᓗᒍ
- ᓄᓇᒥᖔᖅᑐᓂᒃ ᓂᕿᑐᖃᑦᑕᕐᓗᑎᑦ, ᓂᕿᑦᑎᐊᕙᖕᓂᓘᓃᑦ ᓂᐅᕕᖅᑕᐅᔪᕕᓂᕐᓂᒃ. ᐊᑐᕈᓐᓇᖅᑕᐃᑦ ᓄᓇᕗᒻᒥ ᓂᕿᑦᑎᐊᕙᐃᑦ ᓇᓗᓇᐃᖅᓯᔾᔪᑎᖓ ᑎᖓᑎᒥᖕᓄᑦ ᐱᐅᔪᓂᒃ ᓂᕆᖃᑦᑕᕐᓗᑎᑦ.
- ᐆᒻᒪᕆᖕᓂᖅ ᖃᐅᑕᒫᖅ ᐅᕝᕙᓘᓃᑦ ᖃᐅᑕᒫᑲᓴᑦᑎᐊᖅ
- ᐊᕐᕌᒍᑕᒫᕐᒧᑦ ᖃᐅᔨᓴᖅᑕᐅᔭᖅᑐᖅᐸᒡᓗᑎᑦ ᐋᓐᓂᐊᕐᕕᔅᓯᓐᓄᑦ
ᑭᓲᕙ ᐃᕕᐊᖏᒃᑯᑦ ᑕᕐᕋᖅᑐᖅᑕᐅᓂᖅ ᖃᐅᔨᓴᖅᑕᐅᓂᖅ?
ᐃᓛᓐᓂᒃᑯᑦ, ᐃᓗᐊᖅᓴᐃᔩᑦ ᖃᐅᔨᓴᖅᑕᐅᖁᔨᕙᒃᑐᑦ ᐃᕕᐊᖏᒃᑯᑦ ᑕᕐᕋᖅᑐᖅᑕᐅᓂᕐᒧ ᖃᐅᔨᓴᖅᑕᐅᓂᕐᒥᑦ. ᐃᕕᐊᖏᒃᑯᑦ ᑕᕐᕋᖅᑐᖅᑕᐅᔪᑦ ᖃᐅᔨᓴᖅᑕᐅᕙᒃᑐᑦ ᕿᓂᖅᖢᑎᒡᓗ ᖃᑦᑎᖕᓂᕐᒥᑦ ᐋᓐᓂᐊᖑᑐᐃᓐᓇᕆᐊᓕᖕᓂ. ᓄᓇᕗᒻᒥᑦ, ᐃᕕᐊᖏᒃᑯᑦ ᑕᕐᕋᖅᑐᖅᑕᐅᓂᖅ ᐊᑐᖅᑕᐅᕙᒃᑐᑦ ᐊᕐᓇᓄᑦ ᖃᐅᔨᓴᖅᑕᐅᓪᓗᑎᒃ ᐋᓐᓂᐊᖅᑖᑐᓐᓇᕆᐊᓕᖕᓂᑦ ᐅᕝᕙᓘᓐᓃᑦ ᓇᓂᓯᔪᖃᕐᓂᖅᐸᑦ ᖃᑦᑎᖕᓂᕐᒥᑦ.
ᐃᕕᐊᖏᒃᑯᑦ ᑕᕐᕋᖅᑐᖅᑕᐅᓂᕐᒧᑦ ᖃᐅᔨᓴᖅᑕᐅᔪᓐᓇᖅᑐᑦ ᐃᖃᓗᖕᓂᑦ. ᐃᓛᓐᓂᒃᑯᑦ ᐃᕕᐊᖏᒃᑯᑦ ᑕᕐᕋᖅᑐᖅᑕᐅᓂᕐᒧᑦ ᐱᓕᕆᔭᐅᕙᒃᑐᖅ ᖃᓪᓗᓈᓂᑦ ᐋᓐᓂᐊᕐᕕᖕᒧᐊᕌᖓᒥ.
ᖃᖓ ᐅᖃᖃᑎᖃᕆᐊᖃᕋᔭᕋᒪ ᐋᓐᓂᐊᓯᐅᖅᑎᒥᑦ?
ᖃᐅᔨᔾᔪᓯᖃᕈᕕᑦ ᑖᒃᑯᓂᖓ ᖃᐅᔨᔾᔪᑕᐅᔪᓐᓇᖅᑐᓂ, ᐃᓗᐊᖅᓴᐃᔨᒧᑦ ᐅᖃᖃᑎᖃᕐᓗᑎᑦ.
- ᖃᑦᑎᖕᓂᖃᕈᕕᑦ ᐅᓂᒃᑯᑦ ᐅᕝᕙᓘᓐᓃᑦ ᐃᕕᐊᖏᒃᑯᑦ
- ᐊᓯᔾᔨᖅᐸᓪᓕᐊᒃᐸᑦ ᐃᕕᐊᖏᐅ ᓴᓇᒪᓂᖓ, ᐊᖏᓂᖓ, ᐊᒻᒪᓗ ᖃᓄᐃᓕᖓᓂᖓ
- ᐃᕕᐊᖏᐅᑉ ᐅᕕᓂᖓ ᐊᓯᔾᔨᖅᐸᓪᓕᐊᒃᐸᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᕕᐊᖏᒃᑯᑦ ᐋᓐᓂᐊᖃᕐᓂᕐᒥᑦ, ᐃᓗᐊᖅᓴᐃᔨᒧᑦ ᐅᖃᖃᑎᖃᕆᑦ ᐋᓐᓂᐊᕐᕕᔅᓯᓐᓂᑦ ᐅᕝᕙᓘᓐᓃᑦ ᖃᐅᔨᒋᐊᕈᓐᓇᖅᐳᑎᑦ ᐋᓐᓂᐊᖃᓇᖏᑦᑐᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᑲᓇᑕᒥᑦ ᐃᑭᐊᕿᕕᖓᓄᑦ.
