ᐊᐅᐸᓪᓛᓂᖅ ᖁᐱᕐᕈᐊᕐᔪᐃᑦ ᐃᓅᓕᓴᒐᒃᓴᐅᙱᑦᑐᓃᙶᐳᖅ (ᑕᐃᔭᐅᕙᖕᒥᔪᖅ ᐊᐅᐸᓪᓛᑦ (ᓇᔾᔨᐊᒧᑦ ᐅᓗᐊᓇᖅᑐᑦ). ᓇᔾᔨᔪᖅ/ᓯᖓᐃᔪᖅ ᐊᐅᐸᓪᓛᓂᖃᖅᑐᖅ ᐊᐃᑦᑐᐃᔪᓐᓇᖅᐳᖅ ᓇᔾᔨᐊᖓᓄᑦ, ᐃᓗᓯᕐᓗᔾᔪᑕᐅᑐᐃᓐᓇᕆᐊᓕᒃ.
ᖃᐅᔨᔾᔪᑕᐅᔪᓐᓇᖅᑐᑦ
ᖃᐅᔨᔾᔪᑕᐅᕙᒃᑐᓂ ᐃᒃᐱᒍᓱᙱᑦᑐᐃᓇᕆᐊᖃᖅᐳᑎᑦ ᐅᓪᓗᓄᑦ 14 ᐅᕝᕙᓘᓐᓃᑦ 21 ᐊᓂᒍᓚᐅᖅᑎᓪᓗᒋ ᐊᒃᑐᖅᑕᐅᓐᓂᕐᒪᖔᖅᐱᑦ ᖁᐱᕐᕈᐊᕐᔪᐃᑦ ᐃᓅᓕᓴᒐᒃᓴᐅᙱᑦᑐᓄ. ᐃᓄᐃᑦ ᐃᓚᖏᑦ ᖃᐅᔨᔾᔪᑕᐅᔪᓐᓇᖅᑐᓂ ᐃᒃᐱᒍᓱᒃᐸᙱᑦᑐᑦ. ᐊᒃᑐᖅᑕᐅᓯᒪᔪᖅ ᐃᓄᒃ ᐊᐃᑦᑐᐃᔪᓐᓇᖅᐳᖅ. ᖃᐅᔨᔾᔪᑕᐅᔪᓐᓇᖅᑐᑦ ᐊᐅᐸᓪᓛᓂᕐᒧᑦ ᐅᑯᐊᖑᕗᑦ:
- ᐆᑎᕐᓇᕈᔪᖕᓂᖅ
- ᕿᓕᖅᓯᓇᐃᑦ ᐳᕕᓪᓗᑎ, ᐱᓗᐊᖅᑐᒥ ᓯᐅᑎᐅᑉ ᑐᓄᐊᒍᑦ ᓂᐊᖁᖅᐱᓪᓗᒍ ᑐᓄᐊᒍᑦ
- ᐊᒥᕐᓗᓕᕋᔭᖅᖢᓂ ᑮᓇᕐᒥ ᐱᒋᐊᕐᓗᓂ ᓯᐊᒻᒪᒡᓗᓂ ᖁᖓᓯᕐᒧᑦ, ᓴᒡᕕᖕᒧᑦ ᑎᒥᐅᓪᓗ ᐊᓯᐊᒍᑦ
- ᓄᑕᖅᑲᑦ ᐊᖓᔪᒃᖡᑦ ᒪᒃᑯᒃᑐᓪᓗ ᐃᒥᒥᒍᑦ ᐋᓐᓂᐊᑐᐃᓐᓇᕆᐊᓖᑦ, ᐃᒡᒋᐊᕐᓗᖕᓂᖅ, ᑎᒥᒃᑯᓪᓗ ᐋᓂᐊᑲᑕᖕᓂᖅ
- ᓄᑕᖅᑲᑦ ᓄᑲᖅᖡᑦ ᐊᒥᕐᓗᒥᑐᐊᖅ ᐱᖃᕈᓐᓇᖅᑐᑦ
ᐊᐅᐸᓪᓛᓂᖃᕈᕕᑦ, ᐊᐅᑦᑐᐃᔪᓐᓇᖅᓂᖅᐹᖑᕗᑎᑦ ᐅᓪᓗᐃᑦ ᐱᖓ)ᑦ ᐊᒥᕐᓗᒃᑕᐃᑦ ᐱᒋᐊᓚᐅᖅᑎᓪᓗᒍ ᑎᑭᓪᓗᒍ ᐅᓪᓗᐃᑦ 5-ᒻ ᐊᒥᕐᓗᐃᑦ ᓴᖅᑭᓚᐅᖅᑎᓪᓗᒋ.
ᐊᐅᐸᓪᓛᓂᖅ ᐊᓯᐅᒐᔪᒃᑐᑦ ᐃᖢᐊᖅᓴᐅᑎᑐᙱᑲᓗᐊᕐᓗᓂ
ᐊᐅᐸᓪᓛᓕᖅᑕᐃᓕᒪᓂᖅ
ᓴᐳᔾᔨᑦᑎᐊᕙᐅᓛᖑᔪᖅ ᐃᓚᒌᖑᔪᓄᑦ ᐊᐅᐸᓪᓛᓂᖅᑖᖅᑕᐃᓕᒪᓗᓂ ᑲᐴᑎᒧᑦ ᐋᓐᓂᐊᓕᕇᒃᑯᓯᖅᐅᓗᓂ. ᑲᓇᑕᒥ, ᐋᓐᓂᐊᓕᕇᒃᑯᓯᖅᑕᖃᖅᐳᖅ ᓴᐳᔾᔪᑎᓯᒪᔾᔪᑎᓂᒃ ᐊᐅᐸᓪᓛᓄᑦ (ᓱᕈᓯᕐᓃᒐᔪᖕᓂᖅᓴᐅᓲᑦ), ᕿᓕᖅᓯᓇᐅᔭᕐᓗᖕᓂᕐᒧᑦ ᓰᖅᑕᐅᑎᒥᓂᒃ ᐊᐅᐸᓪᓛᓪᓗ (ᓇᔾᐊᒧᑦ ᐅᓗᕆᐊᓇᖅᑐᑦ). ᐅᓄᕐᓂᖅᓴᐅᔪᑦ ᐃᓄᐃᑦ ᑲᐱᔭᐅᓲᖑᔪᑦ ᓄᑕᕋᐅᓂᕐᒥᓂᒃ (ᑕᑯᓗᒍ ᖃᖓᒃᑯᑦ ᖃᖓᒃᑯᑦᑲᐱᔭᐅᓲᖑᖕᒪᖔᑕ ᑭᓱᒧᑦ)). ᑖᒃᑯᐊ ᐊᑭᖃᙱᑦᑐᑦ ᓄᓇᕗᒻᒥᐅᓕᒫᓄᑦ ᐋᓐᓂᐊᕕᖕᒥ.
