ᑎᒥᒃᑯᑦ ᐅᖅᓱᖃᓗᐊᕐᓂᖅ ᑎᒥᐅ ᐅᖅᓱᓕᐅᖃᑦᑕᖅᑕᖏᑦ ᐱᒻᒪᕆᐅᓪᓗᓂ ᓂᕿᓂ ᐊᕕᒃᑐᐃᓂᕐᒧᑦ. ᐃᓚᖏᑦ ᓇᓂᔭᐅᓯᒪᔪᑦ ᓂᕿᓂᑦ. ᐅᖅᓱᖃᓗᐊᖅᑐᑦ ᐱᕚᓪᓕᖅᑎᑦᑎᔪᓐᓇᖅᑐᖅ ᐆᒻᒪᑎᒃᑯᑦ ᐊᑲᐅᖏᓕᐅᕈᑎᓂᒃ.
ᒪᕐᕉᖕᓂᑦ ᐊᔾᔨᒌᖏᑦᑐᓂ ᐅᖅᓱᖅᑕᖃᖅᐳᖅ. ᑐᑭᓕᐅᕆᓗᒍ:
- ᐊᑦᑎᒃᓯᓯᒪᔪᒥᑦ ᐅᕿᙱᓐᓂᖓ ᐅᖅᓱᐃᑦ (LDL) ᓱᕋᒃᓯᔪᓐᓇᕐᒪᑦ ᑎᒥᒃᑯᑦ ᐅᖅᓱᖅᑕᖃᓗᐊᖅᐸᑦ.
- ᖁᑦᑎᒃᓯᓯᒪᔪᒥᑦ ᐅᕿᖏᖓ ᐅᖅᓱᐃᑦ (HDL) ᑎᒥᒧᑦ ᓱᕋᖅᓯᔪᓐᓇᖏᑦᑐᖅ.
ᐅᓄᕐᓂᖅᓴᐃᑦ ᖃᑦᑎᒃᓯᓯᒪᔪᒥᑦ ᐅᖅᓱᖃᓗᐊᖅᑐᑦ ᖃᐅᔨᔾᔪᓯᖃᒐᔪᖏᑦᑐᑦ.
ᐊᑦᑎᓯᓯᒪᔪᒥᑦ ᐅᖅᓱᖃᓗᐊᖅᑐᑦ ᑎᒥᒥᑦ ᑕᐃᔭᐅᒐᔪᒃᑐᖅ ᖁᑦᑎᒃᓯᓯᒪᔪᖅ ᐅᖅᓱᖃᓗᐊᕐᓂᕐᒥᑦ. ᓱᒃᑲᐃᑦᑐᒥ ᓯᒥᒃᒥᔪᓐᓇᖅᑐᖅ ᑕᖃᓂᑦ (ᑕᖃᐃᑦ ᐊᐅᖕᒥᑦ ᐊᖅᑯᑎᒋᔭᐅᕙᒃᑐᑦ). ᑕᖃ ᓯᒥᒃᑳᖓᒥᑦ, ᐊᐅᒃ ᐊᖅᑯᓵᕈᓐᓇᐃᓪᓕᔪᓐᓇᕐᒪ ᑎᒥᐅ ᐊᐅᓚᔾᔪᑎᖏᓐᓄᑦ. ᖁᑦᑎᑎᓯᒪᔪᖅ ᐅᖅᓱᐃᑦ ᐱᔪᓐᓇᐅᑎᖃᕈᓐᓇᕐᓂᖅᓴᐅᕗᖅ ᓄᑮᖅᑎᓂᕐᒥᑦ, ᑕᖅᑐ ᐊᒻᒪᓗ ᐆᒻᒪᓯᕆᓂᕐᒥᑦ, ᐅᕝᕙᓘᓐᓃᑦ ᐃᒃᐱᓐᓂᐊᔾᔪᑎᓂ ᓇᑲᑦᑎᓂᕐᒥᑦ.
ᐊᑐᓕᖁᔭᐅᔪᑦ ᓂᕆᑦᑎᐊᖃᑦᑕᕐᓂᕐᒥᑦ ᐱᔪᓐᓃᖅᐹᓪᓕᖅᑎᑦᑎᓂᕐᒧᑦ ᐃᓅᓕᓴᖅᑎᑦᑎᓂᕐᒧᑦ ᐊᑦᑎᒃᓯᓂᕐᒧᑦ ᐅᖅᓱᖃᓗᐊᕐᓂᕐᒥᑦ:
- ᓂᕿᑦᑎᐊᕙᖕᓂ ᓂᕆᕙᒡᓗᑎᑦ ᐱᖃᓯᐅᑎᕙᒡᓗᒋᑦ ᐃᖃᓗᐃᑦ, ᐱᕉᖅᑐᑦ, ᓰᕐᓇᖅᑐᑦ, ᑕᖅᑑᔭᕐᓂᑦ, ᐊᒻᒪᓗ ᐃᓇᓗᖕᓄᑦ ᐃᖏᕐᕋᑦᑎᐊᑎᑦᑎᔪᑎᓂᒃ ᐊᒻᒪᓗ ᐸᓚᐅᒑᓂᑦ.
- ᓂᖀᑦ ᐆᖅᓱᖃᖅᑐᑦ ᐊᖏᓗᐊᖏᑦᑐᓂ ᓂᕆᔭᐅᖃᑦᑕᕆᐊᓖᑦ. ᐊᐅᒃᑯᑦ ᓱᑲᖃᓗᐊᖅᑐᑦ, ᖁᑦᑎᒃᓯᓯᒪᔪᒥᑦ ᓯᖒᔭᕐᓂᖃᖅᑐᑦ ᐊᐅᒃᑯᑦ, ᑕᖅᑐᖏᓐᓂ ᐊᑐᕉᓐᓃᕐᓂᖏᑦ ᐅᕝᕙᓘᓐᓃᑦ ᐆᒻᒪᓯᕆᔪᑦ ᓇᐅᑦᑎᖅᓱᖃᑦᑕᕆᐊᓖᑦ ᖃᓄᑎᒋ ᐅᖅᓱᖃᓗᐊᖅᑐᓂ ᓂᕆᖃᑦᑕᕐᓂᕐᒥᑦ.
- ᑲᔪᓯᑦᑎᑦᑎᐊᕆᑦ ᐅᖁᒪᐃᓐᓂᕆᔭᐃᑦ ᐃᒃᐱᒋᓗᒍ
- ᐆᒻᒪᕆᖕᓂᖅ ᖃᐅᑕᒫᖅ ᐅᕝᕙᓘᓃᑦ ᖃᐅᑕᒫᑲᓴᑦᑎᐊᖅ
- ᓯᒡᒐᓕᐊᖅᑐᙱᓐᓂᓴᐅᓗᑎᑦ ᓄᖃᕐᓗᑎᓪᓘᓐᓃᑦ. ᐃᑲᔪᖅᑕᐅᓂᐊᕋᕕᑦ, [ nuquits.ca ],ᓄᓇᕗᒻᒥᓘᓃᑦ ᓄᖅᑲᕈᒪᓂᕐᒧᑦ ᐅᖄᓚᕝᕕᒃ ᐅᓇ 1-866-368-7848.
- ᒪᓕᒃᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᒥᖃᑦᑕᕐᓗᓂ ᖃᐅᔨᒪᔾᔪᑎᐅᔪᖅ
- ᐊᕐᕌᒍᑕᒫᖅ ᐋᓐᓂᐊᕐᕕᖕᒧᑦ ᖃᐅᔨᓴᖅᑕᐅᕙᒡᓗᑎᑦ ᑎᒥᓕᒫᑯᑦ ᐊᒻᒪ ᖃᐅᔨᓴᕈᑕᐅᔭᕆᐊᖃᓲᑦ ᐊᑐᖁᔭᐅᔪᑦ ᐊᑐᖅᐸᒡᓗᒋᑦ ᐋᓐᓂᐊᓯᐅᖅᑎᕕᑦ ᐅᖃᐅᓯᕆᔭᖏᑦ. ᖃᓄᐃᑦᑐᓂᒃ ᐃᓅᓕᓴᐅᑎᓂᒃ ᐊᑐᓪᓗᐊᕐᒪᖔᖅᐱᑦ ᐅᖃᐅᑎᔪᓐᓇᕐᒫᑎᑦ ᐱᔪᓐᓇᖅᑕᕐᓂᒃ.
ᐃᑲᔫᑎᔅᓴᑦ:
ᑎᒥᒃᑯᑦ ᐅᖅᓱᖃᓗᐊᕐᓂᖅ (ᐃᕿᑦᑎᐊᕙᓕᕆᓂᕐᒧᑦ ᑐᓂᐅᖃᒐᒃᓴᑦ)
