ᐃᓇᓗᐊᑦ ᑎᒥᐅᑉ ᐃᓚᒋᕚ ᓂᕿᒥᑦ ᓯᖃᓪᓕᑎᑦᑎᕙᒃᖢᓂ. ᓂᕆᔭᕗᑦ ᐃᖏᕐᕋᕙᒃᐳᖅ ᐊᕿᐊᕈᑦᑎᒍᑦ, ᐃᓇᓗᐊᒃᑯᑦ ᐊᓇᕙᐅᒃᑯᓪᓗ. ᐃᓇᓗᐊᑦ ᐱᕙᓪᓕᐊᕙᒃᐳᑦ ᐆᒪᑦᑎᐊᕆᖕᓇᖅᑐᓂᒃ ᐃᒥᕐᓂᒡᓗ ᓂᕆᔭᑦᑎᓐᓂ.
ᐊᓇᕙᐅᒃᑯᒃ ᐃᒃᐱᓐᓇᐃᑦᑐᓕᓂᖅ ᐱᒋᐊᖅᑐᖅ ᑕᐃᔭᐅᕙᒃᐳᖅ ᐃᓛᓐᓂᒃᑯᑦ ᐃᑎᐅᑉ ᐅᖏᐅᑖᒍᑦ ᐃᒃᐱᓐᓇᐃᑦᑐᓕᓂᐅᓂᕋᖅᑕᐅᕙᒃᑐᖅ ᐅᕝᕙᓘᓐᓃᑦ ᐃᖅᖢᒃᑯᑦ ᐃᒃᐱᓐᓇᐃᑦᑐᓕᓂᐅᓂᕋᖅᑕᐅᓪᓗᓂ (ᐊᑎᖅᑕᐅᓯᒪᔪᑦ ᐊᓇᕙᐅᑉ ᐃᓚᖓ) ᓄᓇᕗᒻᒥᐅᑦ ᐃᒃᐱᓐᓇᐃᑦᑐᓕᓂᖃᒐᔪᖕᓂᖅᐹᖑᒋᕗᑦ ᐃᑎᐅᑉ ᐅᖏᐅᑖᒍᑦ ᑐᒡᓕᒋᔭᐅᓪᓗᓂ ᐳᕙᒃᑯᑦ ᐃᒃᐱᓐᓇᐃᑦᑐᓕᓂᖅ
ᑕᐃᒪᓐᓇᐃᑐᖅ ᐃᒃᐱᓐᓇᐃᑦᑐᓕᓂᖅ ᐱᕈᖅᓯᒪᔪᕋᓛᖑᓪᓗᓂ ᐱᒋᐊᖅᐸᓪᓕᐊᒐᔪᒃᐳᖅ ᐃᓄᐊᓗᐊᒥᒃ ᓇᓗᓇᐃᖅᑕᐅᔾᔪᑎᖃᕋᓂ. ᑕᒪᓐᓇ ᑕᐃᔭᐅᕙᒃᐳᖅ "ᐱᕈᖅᓯᒪᔪᖅ ᖃᑦᑎᒃᑐᖅ". ᐱᕈᖅᓯᒪᔪᖅ ᖃᑦᑎᒃᑐᖅ ᐃᖏᒡᓕᕙᓪᓕᐊᑐᐃᓐᓇᕆᐊᖃᖅᐳᖅ ᓇᓗᓇᐃᖅᑕᐅᔾᔪᑎᖃᕈᓇᖅᖢᓂ ᓲᕐᓗ ᐋᐅᓈᕐᓂᖅ, ᓴᓗᑦᑎᓐᓂᖅ, ᐅᕝᕙᓘᓐᓃᑦ ᐊᓇᖅᐸᒃᑕᐃᑦ ᐊᓯᔾᔨᕐᓗᓂ. ᐱᕈᖅᓯᒪᔪᑦ ᖃᑦᑎᒃᑐᑦ ᓇᓂᔭᐅᒐᔪᒃᐳᑦ ᖃᐅᔨᓴᖅᑕᐅᓂᒃᑯᑦ ᐊᕐᕌᒍᓕᖕᓄᑦ 50-ᒥ 74-ᒧ ᐊᒃᑯᓐᓂᖏᓐᓂ. ᐃᒃᐱᓐᓇᐃᑦᑐᓕᓄᑦᑕᐅᖅ ᐊᓯᖏᓐᓄᑦ ᐃᑲᔫᑎᕙᒃᐳᖅ ᖃᐅᔨᓴᖅᑕᐅᓂᒃᑯᑦ ᓇᓂᓯᓐᓇᖅᐳᖅ ᒥᑭᓐᓂᖓᓂᑦ. ᓇᓂᔭᐅᓵᓕᑎᓪᓗᒍ ᐃᒃᐱᓐᓇᐃᑦᑐᓕᓂᖅ ᓯᐊᒻᒪᒃᑎᑦᑕᐃᓕᔪᓐᓇᕐᓂᖅᓴᐅᕗᖅ ᑎᒥᐅ2 ᐊᓯᖏᓐᓄᑦ.
ᐃᑎᐅᑉ ᐅᖏᐅᑖᒍᑦ ᐃᒃᐱᓐᓇᐃᑦᑐᓕᓂᖅᑖᖅᑕᐃᓕᓂᖅ ᐅᕝᕙᓘᓐᓃᑦ ᐊᓇᕙᐅᒻᑯᒃ ᐃᒃᐱᓐᓇᐃᑦᑐᓕᓂᖅᑖᖅᑕᐃᓕᓂᖅ ᒥᒃᖠᕚᓪᓕᖅᑎᑦᑐᓐᓇᖅᐸᑦ ᒪᑯᐊ ᐊᑐᕐᓗᒋᑦ:
- ᒪᓕᒃᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᒥᖃᑦᑕᕐᓗᓂ ᖃᐅᔨᒪᔾᔪᑎᐅᔪᖅ ᐃᒥᐊᓗᖕᒧᑦ
- ᓯᒡᒐᓕᐊᖅᑐᙱᓐᓂᓴᐅᓗᑎᑦ ᓄᖃᕐᓗᑎᓪᓘᓐᓃᑦ ᐃᑲᔪᖅᑕᐅᓂᐊᕋᕕᑦ, ᐋᓐᓂᐊᓯᐅᖅᑎᒧᑦ ᐅᖃᕐᓗᑎᑦ, ᖃᕋᓴᐅᔭᒃᑯᓪᓘᓃᑦ [nuquits.ca] ᓄᓇᕗᒻᒥᓘᓃᑦ ᓄᖅᑲᕈᒪᓂᕐᒧᑦ ᐅᖄᓚᕝᕕᒃ ᐅᓇ 1-866-368-7848.
- ᖁᐃᑦᑎᓗᐊᖅᑕᐃᓕᒪᓗᑎᑦ ᐅᖁᒪᐃᓐᓂᕆᔭᐃᑦ ᐃᒃᐱᒋᓗᒍ
- ᐆᒻᒪᕆᖕᓂᖅ ᖃᐅᑕᒫᖅ ᐅᕝᕙᓘᓃᑦ ᖃᐅᑕᒫᑲᓴᑦᑎᐊᖅ
- ᓂᕆᖃᑦᑕᕐᓂᖅ ᐃᓇᓗᖕᓄᑦ ᐃᖏᕐᕋᑦᑎᐊᑎᑦᑎᔾᔪᑎᖃᑦᑎᐊᖅᑐᓂ, ᓲᓗ ᐸᓚᐅᒑᒃᓴᑦᑎᐊᕙᑦ, ᐱᕈᖅᑐᑦ, ᐸᐅᕐᖓᐃᑦ ᐊᓯᖏᓪᓗ ᓰᕐᓇᖅᑐᑦ, ᖃᖅᑯᐊᒐᐃᑦ ᐱᕈᖅᓯᐊᒃᓴᓪᓗ, ᐱᕈᖅᓯᐊᒃᓴᓪᓗ (ᓂᓕᕐᓇᐃᑦ, ᐲᔅ ᓕᓐᑐᓪᔅᓗ).
- ᖃᐅᔨᓴᖅᑕᐅᓂᖅ ᐊᓇᐃᑦ FIT ᖃᐅᔨᓴᖅᑕᐅᓂᐅᓂᕋᖅᑕᐅᔪᖅᐅᖃᕆᐊᒃᓴᖓᓂᒃ ᖃᐅᔨᓴᖅᑕᐅᓂᖅ). ᐃᓄᐃᑦ ᐊᕐᕌᒍᓖᑦ 50−ᒥᑦ 74−ᒧᑦ ᓇᓗᓇᐃᖅᑕᐅᔾᔪᑎᖃᖏᑦᑐᑦ ᖃᐅᔨᓴᖅᑕᐅᖃᑦᑕᖁᔭᐅᕗᑦ ᒪᕐᕉᒃ ᐊᕐᕌᒎᒃ ᐊᓂᒍᕌᖓᒥᒃ. ᓇᓗᓇᐃᖅᑕᐅᔾᔪᑎᖃᖅᑐᑦ ᐃᓄᐃᑦ ᐅᕝᕙᓘᓐᓃᑦ ᐃᓚᒌᑦ ᑕᐃᒪᓐᓇᐃᑦᑐᒥᒃ ᐃᒃᐱᓐᓇᐃᑦᑐᓕᓂᕐᒥᑦ ᐱᔾᔪᓯᓖᑦ ᖃᐅᔨᓴᖅᑕᐅᓂᖃᑐᐃᓐᓇᕆᐊᖃᖅᐳᑦ ᐊᔾᔨᒋᙱᑕᖓᓂᑦ ᖃᐅᔨᓴᖅᑕᐅᓂᕐᒥᑦ.
ᐅᖃᖃᑎᖃᕐᓗᓂ ᐋᓐᓂᐊᓯᐅᖅᑎᒥᑦ ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᑲᓇᑕᒥ ᐃᑭᐊᖅᑭᕕᒃ ᑐᑭᓯᒋᐊᒃᑲᓐᓂᕐᓗᓂ ᐃᑎᐅᑉ ᐅᖏᐅᑖᒍᑦ ᐃᒃᐱᓐᓇᐃᑦᑐᓕᓂᐅᓂᖅ ᐅᕝᕙᓘᓐᓃᑦ ᐊᓯᖏᓐᓂᑦ ᐃᒃᐱᓐᓇᐃᑦᑐᓕᓃᑦ.
