ᐋᓐᓂᐊᓕᕇᒃᑯᑏᑦ

ᐋᓐᓂᐊᓕᕇᒃᑯᑏᑦ (ᖃᐅᔨᒪᔭᐅᔪᑦ ᑲᐴᑏᑦ ᐅᕝᕙᓘᓐᓃᑦ ᑲᐱᔭᐅᓂᖅ) ᐃᑲᔫᑎᐅᔪᑦ ᑎᒥᒧᑦ ᓴᐳᔾᔨᔪᓐᓇᕆᐅᖅᓴᕐᓂᕐᒧᑦ ᐋᓐᓂᐊᖑᔪᓂ. ᐋᓐᓂᐊᓕᕇᒃᑯᑎᓕᖅᑕᐅᓃᑦ ᓴᐳᒻᒦᓲᑦ ᓄᑕᕋᓛᓂᒃ, ᖃᑕᙳᑎᒌᓂᒃ, ᓄᓇᓕᖕᓂᓗ ᐱᕐᔪᐊᖅᑐᓄᑦ ᐋᓐᓂᐊᓄᑦ. ᐅᓄᖅᑐᑦ ᐋᓐᓂᐊᑦ ᐱᑕᖃᒐᔪᒍᓐᓃᖅᑐᑦ ᐋᓐᓂᐊᓕᕇᒃᑯᑎᖅᑕᐅᖃᑦᑕᕐᓂᒃᑯᑦ.

ᓄᑕᖃᐃᑦ ᐋᓐᓂᐊᓕᕇᒃᑯᑎᓂᒃ ᑲᐱᔭᐅᒐᔪᒃᑐᑦ ᓴᐳᔾᔨᑎᑦᑎᓂᕐᒧᑦ ᓄᑕᕋᓛᕐᓄᑦ ᐃᓐᓇᕐᓄᓪᓗ. ᐃᓛᓐᓂᒃᑯᑦ ᓴᐴᑎᔾᔪᑏᑦ ᑎᒥᒥᖃᑦᑕᖅᑐᑦ ᐃᓅᓯᓕᒫᕐᒧᑦ. ᐃᓚᖏᑦ ᐃᓐᓇᐃᑦ ᐃᑲᔫᑎᖃᖃᑦᑕᖅᑐᑦ ᐃᓛᒋᐊᖅᓯᒪᔪᓂ ᐋᓐᓂᐊᓕᕇᒃᑯᑎᓂᒃ ᐅᕙᓘᓐᓃᑦ ᓴᙱᔪᓂ ᐋᓐᓂᐊᓕᕇᒃᑯᑎᓂᒃ.

ᖁᓕᑦ ᐅᖓᑖᓄᑦ ᐋᓐᓂᐊᖅᑕᖃᖅᑐᖅ ᑲᓇᑕᒥ ᐱᑎᙱᑦᑐᓐᓇᖅᑕᑦ ᓄᑕᕋᐅᓂᕐᒥ ᐋᓐᓂᐊᓕᕇᒃᑯᑎᓕᖅᑕᐅᓂᒃᑯᑦ. ᐃᓚᖏᑦ ᐱᕐᔪᐊᕐᒪᑕ ᑐᖁᑎᑦᑎᔪᓐᓇᖅᖢᑎᒡᓗ. ᑖᒃᑯᐊ ᐋᓐᓂᐊᖑᔪᑦ ᐊᑐᙱᑎᑕᐅᔪᓐᓇᖅᑐᑦ ᓄᑕᕋᐅᓂᕐᒥ ᐋᓐᓂᐊᓕᕇᒃᑯᑎᓕᖅᑕᐅᓂᒃᑯᑦ:

  • ᓴᐅᓂᙳᓇᖅ (ᓴᐅᓂᙳᓂᖅ)
  • ᑎᖑᒡᓗᖕᓇᖅ ᐊᐃᑦᑐᕐᓘᑕᐅᒍᓐᓇᖅᑐᒥᒃ
  • ᖁᐃᕿᓐᓇᖅᑐᖅ (ᖁᐃᖅᓱᑰᔨᓂᖅ)
  • ᐳᕙᒃᑯᑦ ᐃᒻᒪᑦᓯᒪᓂᕐᒥ ᐋᓐᓂᐊᖅ
  • ᐊᐅᐸᓪᓚᑳᒌᒃᑯᑎ (ᐊᐅᐸᓪᓛᓂᖅ)
  • ᕿᓕᖅᓯᓇᐅᔭᕐᓗᖕᓂᖅ ᓰᖅᑕᐅᑎᒥ
  • ᕿᒥᕐᓗᓗᓇᖏᑦᑐᒧᑦ ᐋᓐᓂᐊᖅ
  • ᐊᐅᐸᓪᓛᑦ
  • ᓄᕙᖕᓅᖓᔪᑦ ᓄᕙᒃᔪᐊᕐᓇᖅᑐᑦ ᖃᓄᐃᑦᑑᓂᖓ b
  • ᐃᒡᒋᐊᕐᓗᖕᓇᖅᑐᖅ/ᐄᔮᕐᓗᖕᓇᖅᑐᖅ
  • ᓲᖑᓂᖅᓴᖅ ᐊᐅᐸᓪᓛᑦ (ᐊᐅᐸᓪᓛᑦ (ᓇᔾᔨᐊᒧᑦ/ᓯᖓᐃᒧᑦ ᐅᓗᕆᐊᓇᖅᑐᖅ)
  • ᐊᐃᑦᑕᕈᓐᓇᐃᓪᓕᓐᓇᖅᑐᖅ
  • ᓄᑮᕈᑎᓐᓇᖅᑐᖅ
  • ᐅᕕᓂᒃᑰᕐᓗᓂ ᐊᐃᑦᑐᕐᓗᖕᓇᖅᑐᖅ (HPV)