ᑲᓇᑕᐅᑉ ᒪᓕᒐᒃᓴᖏᑦ ᐃᒥᐊᓗᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗᐱᑎᑦᑎᕙᒃᐳᖅ ᖃᐅᔨᔾᔪᑕᐅᔪᓐᓇᖅᑐᓂᒃ−ᑐᙵᕕᓕᖕᓂᒃ ᐅᖃᐅᔾᔪᐃᓂᕐᒥᒃ ᐃᒥᐊᓗᖕᒧᑦ ᐃᑲᔪᖅᑐᐃᔪᒪᓂᕐᒧᑦ ᐃᓄᖕᓂᒃ ᑐᓴᐅᒪᑦᑎᐊᕐᓗᓂ ᐋᖅᑭᒃᓯᒪᓕᖅᑎᑦᑎᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ. ᑖᓐᓇ ᖃᐅᔨᒪᔾᔪᑎᒃᓴᖅ ᑐᙵᕕᖃᖅᑎᑕᐅᕗᖅ ᑭᖑᓪᓕᖅᐹᒥᒃ ᖃᐅᔨᓴᕈᑕᐅᓚᐅᖅᑐᒥᒃ ᐃᒥᐊᓗᖕᒧᑦ−ᐊᒃᑐᐊᓂᓕᖕᓄᑦ ᐊᑦᑕᕐᓇᖅᑐᓂᒃ ᐊᒻᒪ ᐃᓇᖏᖅᓯᔾᔪᑕᐅᕙᒃᖢᓂ ᑲᓇᑕᐅᑉ ᐅᓗᕆᐊᓇᓗᐊᙱᑦᑐᒥ ᐃᒥᐊᓗᖃᑦᑕᕐᓂᕐᒧᑦ ᖃᐅᔨᒪᔾᔪᑎᖏᑦ(LRDGs) ᓴᖅᑭᑕᐅᓚᐅᖅᓯᒪᔪᖅ 2011-ᒥ.

ᖃᐅᔨᒪᔾᔪᑎᒃᓴᖅ ᑐᙵᕕᖃᖅᐳᖅ ᓇᖕᒥᓂᖅᓱᕈᓐᓇᕐᓂᕐᒥᑦ ᐋᓐᓂᖅᑎᑦᑎᙱᓐᓂᖅᓴᐅᓂᕐᒧᑦ ᐊᒻᒪ ᐃᓱᒪᒋᔭᐅᓪᓗᐊᑕᖅᑐᖅ ᐃᓄᐃᑦ ᑲᓇᑕᒥᐅᑦ ᖃᐅᔨᒪᔪᐃᓐᓇᐅᖕᒪᑕ ᐃᒥᐊᓗᒃᑕᐅᕙᒃᑐᓕᒫᑦ ᐊᑦᑕᕐᓇᕈᓐᓇᕐᓂᖏᓐᓂᒃ.

ᐱᓪᓗᐊᑕᐅᓂᖏᑦ ᖃᐅᔨᒪᔨᑕᕐᒥᙶᖅᑐᑦ ᐅᑯᐊᖑᕗᑦ:

• ᐊᑦᑕᕐᓇᖅᑐᖅᑕᖃᐃᓐᓇᖃᑦᑕᖅᐳᖅ ᐊᒃᑐᐊᓂᓕᖕᒥᑦ ᐱᓇᓱᐊᕈᓯᑕᒫᑦ ᐃᒥᐊᓗᖃᑦᑕᕐᓗᓂ ᐊᑦᑕᕐᓇᕐᕈᓐᓇᕐᓂᖓ ᐃᒪᐃᑦᑑᕗᖅ:
  • 0-ᓂᒃ ᐱᓇᓱᐊᕈᓯᑕᒫᑦ ᐃᒥᙲᓐᓇᕐᓗᓂ— ᐃᒥᐊᓗᖃᑦᑕᙱᓐᓂᖅ ᐃᑲᔫᑎᖃᖅᐳᖅ, ᓲᕐᓗ ᖃᓄᐃᙱᑦᑎᐊᕐᓂᖅᓴᐅᓗᑎᑦ, ᓯᓂᑦᑎᐊᕐᓂᖅᓴᐅᕙᓕᕐᓗᑎᓪᓗ.
  • 2ᐃᒥᐊᓗᒃᑕᐅᒐᔪᒃᑐᑦᑐᖔᓂᓘᓐᓃᑦ ᐱᓇᓱᐊᕈᓯᕐᒥ —ᐊᖅᑯᓵᖅᓯᔾᔮᙱᓚᑎᑦ ᐃᒥᐊᓗᖕᒧᑦ−ᐊᒃᑐᐊᓂᓕᖕᒧᑦ ᖃᓄᐃᓕᖓᕈᑕᐅᕙᒃᑐᒧᑦ ᐊᓯᖕᓄᓪᓘᓐᓃᑦ.
  • 3-6 ᐃᒥᐊᓗᒃᑕᐅᒐᔪᒃᑐᑦ ᐱᓇᓱᐊᕈᓯᕐᒥ −ᐊᑦᑕᕐᓇᕈᑎᒋᔭᑦ ᐱᕙᓪᓕᐊᓗᓂ ᖃᔅᓯᑲᓪᓚᖕᓂᒃ ᐊᔾᔨᒌᙱᑦᑐᓂᒃ ᐋᓐᓂᐊᖅᑖᕆᔭᐅᓲᓂᒃ, ᐃᓚᓕᐅᔾᔭᐅᓪᓗᑎᒃ ᐃᕕᐊᖏᒃᑯᑦ ᐊᒻᒪ ᐃᖅᖢᒃᑯᑦ ᐋᓐᓂᐊᖅᑖᕐᓂᖅ, ᐱᕚᓪᓕᓲᖑᔪᑦ ᑕᐃᒪᓐᓇ ᐃᒥᖅᑎᒋᔪᓄᑦ.
  • 7−ᓂᒃ ᐃᒥᒐᐅᒐᔪᒃᑐᓂᒃ ᐅᖓᑖᓂᓘᓐᓃᑦ ᐱᓇᓱᐊᕈᓯᕐᒥ— ᐆᒻᒪᑎᕐᓗᓕᑐᐃᓐᓇᕆᐊᖃᕐᓃᑦ ᐅᕝᕙᓘᓐᓃᑦ ᐆᒻᒪᓯᕆᖃᑦᑕᓕᕈᕕᑦ ᐅᔾᔨᕐᓇᖅᑐᒥᒃ.
  • ᐊᓯᓕᒫᖏᓐᓄᑦ ᐃᒥᐊᓗᒃᑕᐅᒐᔪᒃᑐᓄᑦ ᐃᒥᐊᓗᒃ ᐱᔾᔪᑕᐅᓗᓂ ᐊᑦᑕᕐᓇᕈᑕᐅᓕᕈᓐᓇᖅᐳᖅ.
• ᐃᒥᐊᓗᖃᑦᑕᕐᓂᖅ ᒪᕐᕉᒃ ᐅᖓᑖᓂ ᐃᒥᐊᓗᒃᑕᐅᒐᔪᒃᑐᓂᒃ ᑕᒪᐃᓐᓄᑦ ᐊᒃᑐᐊᓂᖃᖅᐳᖅ ᐊᑦᑕᕐᓇᖅᓯᒃᑲᓐᓂᖅᑐᒧᑦ ᐋᓐᓂᕐᓂᕐᒧᑦ ᐃᒻᒥᒧᑦ ᐊᓯᒥᓄᓪᓗ, ᐃᓚᐅᓪᓗᑎᒃ ᐃᓕᙵᖕᓃᑦ ᐋᓐᓂᖅᑎᕆᓃᓪᓗ.
• ᓯᖓᐃᓕᕌᖓᑦ ᓯᖓᐃᓕᕋᓱᒃᑎᓪᓗᒍᓘᓐᓃᑦ, ᖃᐅᔨᒪᔭᐅᙱᑦᑐᖅ ᐊᑦᑕᕐᓇᙱᒃᑲᓗᐊᕐᒪᖔᑦ ᐃᒥᐊᓗᖃᑦᑕᕆᐊᒃᓴᖅ.
• ᐃᕕᐊᖏᕐᒥ ᐊᒫᒪᒃᑎᑦᑎᓂᖅ, ᐃᒥᐊᓗᖃᑦᑕᙱᓪᓗᓂ ᐊᑦᑕᕐᓇᙱᓛᖑᕗᖅ.
• ᓇᓃᒃᑲᓗᐊᕈᕕᑦ ᐃᒥᐊᓗᖕᓂᕆᖃᑦᑕᖅᑕᑦ, ᖃᓄᐃᙱᑦᑎᐊᕈᓯᕐᓄᑦ, ᐃᒥᐊᓗᙱᓐᓂᖅᓴᐅᓪᓗᓂ ᐱᐅᓂᖅᓴᐅᕗᖅ.

ᒪᓕᒃᑕᐅᒋᐊᖃᖅᑐᖅ ᐃᒥᕐᓂᕐᒥᒃ

ᐱᐊ, ᕙᐃᓂ, ᐃᒥᐊᓗᐃᓪᓗ ᑕᐃᒎᓯᓕᑦ ᐊᔾᔨᒌᖏᖦᖢᑎᒃ ᐃᒥᐊᓘᔪᑦ, ᐊᑐᓂᓗ ᐊᔾᔨᒌᖏᑦᑐᓂᒃ ᖃᓄᑎᒋ ᐃᒥᐊᓗᖃᖅᑐᑦ.  ᑖᓐᓇ ᐃᓚᖏᓐᓂᒃ ᖃᓄᐃᑦᑑᓂᖏᓐᓂᒃ ᐃᒥᐊᓗᖕᓂ ᓴᙱᓂᖅᓴᐅᑎᑦᑎᓪᓗᓂ ᐊᓯᖏᓐᓂᒃ, ᐊᓱᐃᓛᒃ ᐊᖏᓂᖓ ᒪᓕᒃᑕᐅᔭᕆᐊᓕᒃ ᐃᒥᕐᒥᕐᒧᑦ ᐊᔾᔨᒋᙱᖦᓗᓂᐅᒃ ᐊᑐᓂ.

ᑕᒪᒃᑯᐊ ᐊᑐᓂ ᐃᒥᐊᓗᒐᒃᓴᐃᑦ ᓴᙱᓂᖏᑦ ᐊᔾᔨᒌᖑᔪᑦ:

• 12 ᐊᐅᓐᔅ (ᐊᑕᐅᓯᖅ ᓇᑉᐸᕐᓗ ᐃᕐᖑᓯᕐᒧᑦ) ᐱᐊ ᐃᓚᖃᕐᓗᓂ 5% ᐳᓴᓐᑎ ᐃᒥᐊᓗᖕᒥᒃ
• 5 ᐊᐅᓐᔅ (0.6 ᐃᕐᖑᓯᕐᒧᑦ) ᕙᐃᓂ ᐃᓚᖃᕐᓗᓂ ᖁᓕᓂᑦ 12% ᐳᓴᓐᑎᒧᑦ ᐃᒥᐊᓗᖕᒥᒃ
• 1.5 ᐊᐅᓐᔅ (0.2 ᐃᕐᖑᓯᕐᒧᑦ) ᓴᙱᔪᖅ ᐃᓚᖃᕐᓗᓂ 40% ᐳᓴᓐᑎ ᐃᒥᐊᓗᖕᒥᒃ

ᐱᕐᔪᐊᖑᔪᖅ ᑐᑭᓯᐅᒪᓗᒍ ᐊᑕᐅᓯᖅ ᒪᓕᒃᑕᐅᔭᕆᐊᓕᒃ ᐃᒥᕐᓇᕐᒪᖔᑦ.  ᐃᒥᕈᒪᓕᕈᕕᑦ, ᐃᑲᔪᕐᓂᐊᖅᑖᑎᑦ ᖃᐅᔨᒪᐃᓐᓇᕐᓗᒍ ᖃᓄᑎᒋ ᐃᒥᐊᓗᖕᒥᒃ ᐃᒥᕐᒪᖔᖅᐱᑦ ᖃᐅᔨᒪᓂᐊᕋᕕᑦ ᑎᑭᐅᑎᓂᕐᓂᒃ ᐃᓱᓕᕝᕕᒋᔭᕆᐊᖃᖅᑕᕐᓄᑦ.