Kanadaup Ikajuutikhait Tannganun Aanniaqtailinirmullu pidjutigijaat itquumajumik pihimajunun uqaudjiudjutikhanun ikajuutigijaami inungnun ihuaqtumik ihumaliurianginnik inmik aanniaqtailinikkut. Ikajuutikhaq pihimajuq kingulliqpaanin qaujihaidjutinin tannganun pihimajunun ajuqhautinin himmautigijaalu Kanadaup Qajangnaitkutinnuanun Tannganik Imirnikkut Ikajuutikhat (LRDG-nga) piliuqhimajuq 2011-mi.
Ikajuutikhaq pihimajuq ukpirijaujamun pilaarutikhanun mikhilaarutijaami ihuirutinun naunaittunullu ihumagijaujamun taaffumunga taimaa inuit nunaqaqtun Kanadami pilaarutikhaqaqtun ilihimajaami taimaa tamaita tannganik atuqtun ajuqhautiqaqtun.
Ihumagilluagakhat ikajuutit talvanga ikajuutikhanin ilagijait:
- Pihimmaarutiqaqtuq ajuqhautinun pihimajunun havainnirni tanngaturnikkut taimaa ajuqhautiginiarungnaqhijainun taimaa:
- imingittun tamainni havainirni — Iminginniaq ikajuutikhaqaqtuq, ukunatut nakuutqijaq aanniaqtailinikkut, nakuutqijarlu hinigiami.
- malruk atuqpagainun imirnikkut ikitqijaanilluuniin atauhirmi havainirmi — Piniarungnaqhijutit pihimailirlugit tannganun pihimajunun pidjutit ilingnun aallanulluuniin uumai pidjutimi.
- 3–6 atuqpagainun imirnikkut atauhirmi havainirmi — Pidjutiginiarungnaqhijarnun piqalirnikkut ikittunun aallatqiinun kansamik, iliagijainun iviangirmun unalu ikhungni kaansa, amigairjuumivaktun uumani pidjutaani.
- 7 atuqpagainun imirnikkut atauhirmi havainirmi — Qajangnautit uumatikkut aanniarutinik nukiiqtittinirmik amigairjuumijuq uumani pidjutaani.
- tamaita ilaliutihimajun atuqpagainun imirnikkut akhut amigairjuumijuq ajuqhautinun tannganin pihimajunun ajuqhautinun.
- Imirniq amigaitqijamin malrungnin atuqpagainun imirnik imiraangat pidjutiqaqtuq amigairjuumivlutik qajangnautinun aanniriami inminun aallanullu, ilagijaa aaniqtunun ningarnirmullu.
- Hingaihimagumik hingainahuritillugilluuniin, ilihimajaqangittuq qajangnaittumik qaffiunirmun tanngaturnikkut aturiami.
- Amaamaktittigaangat iviangirnin,tanngatunginiq qajangnaitqijaujuq.
- Humaangittuq humiitkuvin uuktuqhutit, aanniarutiqarnaittaarni, ikitqijaq tannganik nakuutqijaujuq.
Imiqtaunginnaqtuq
Pia, wain, taanngatlu aalatqiingujut taannganik, tamaitalu aalatqiqaqtun hakuqijauniatigut taanngat. Haffuuuma mikhaatigut taanngat hakugitqijaujut aadlatqianit, talvauvuklu aktilaangit taanngaqtaullualiqtauvaktumik aallatkiingngugamik tamaita.
Tamaita hapkua taanngaqtaullualiqtauvaktut piqaqtun adjikimik hakuginiit taanngamik:
- 12 oz. (1.5 qalluti) biamik 5-pusanik taanngaq
- 5 oz. (0.6 qalluti) wain 10-nik 12-nikpusanik taanngaq
- 1.5 oz. (0.2 qalluti) taanngamik 40-pusanik taanngamik piqaqtuq
Akhuuqnaqtuq ilihimaniq kangikhijukhat hunajuq atauhiq taanngaqtaullualiqtauvaktut. Imirumaguvin, ikajurniatatin naunaijaami qaffinik imiqtuntin ilihimapqailutin imiruijaami.
