Nunallaani Inuuhiqattiangnikkut Pinahuagutit (CWP) maniliqtuiyut nunallanun pihimayut pinahuagutit ihuqhiyuumigahuagutit uvalu inuuhiqattiangnigutikhait attautit, ilagiit uvalu nunallaat.
Hapkua pinahuagutit havaktauyut ihumaliqinikkut, niginikkut, hingaiyaqtunun, uvalu nutaqanun aaniaqtailinikkut, iqaiyangnikkut hulilukaagutit, aaniqtailidjutit, nuliqinikkut aaniangnaitumik, tipiaakutigut, uvalu ipigalaingnikkut.
Hunat tikinahuagutait hapkua Nunallaami Inuuhiqattiangnikkut Pinahuagutit?
Hapkua pinahuagutit tugaaqhimayait imaa:
- Havaklugit ilihimayauyut uvlau ayuitait taimaalu Nunavunmiun havagiangini idjuhikhainik, havaklugit, uvalu ilaulutik aaniaqtailinikkut uvalu inuuhiqattiangnikkut pinahuagutini.
- Akhuugutigilugit ilitugidjutit uvalu kangiqhimalugit aaniaqtailinikkut ayuqhautit.
- Ihuaqhiyuumiqlugit qanuginiit hapkua, piyaangnigit, pitquhikkut ihuaqtut kangiqhidjutit uvalu kivgaqtuutit nunallaat aktilaangitigut.
Qanuq attatuti nunallaat havakpagit inmi Nunallaanun Inuuhiqattiangnikkut Pinahuagutitik?
Attautit nunallaat havaktait Nunallaani Inuuhiqattiangnikkut Upalungaiyautit (CWP) tunihiyaamingnik Nunallaani Inuuhiqattiangnikkut Pinahuagutitik.
Havagiangani una CWP, attautit nunallaat naunaiyaqhugit inmi hivuliuyukhat aaniaqtailinikkut uvalu inuuhiqattiangnikkut. Una CWPngit titiraqhimayut qanuq hapkua hivuliuyukhat uqautauniaqat. Pinahuagutit uvalu havaktakhat angiqtauyut hapkunanga Nunallaanun Aaniaqtailinikkut uvalu Inuuhiqattiangnikkut Katimayiinin (CHWC) uvalu/uvaluuniin Haalat Katimayiinin uvaluuniin kivgaqtuqtuq Timiqutilik (qanuginiitigut nunallaat). Angiqtaukpata, kivgaqtuqtuq timiqutilik tuyuqhugit mangit ikayuutikhat pinahuagutinun uvalu havaktakhanun.
Talvunga upingaamut 2017, tamaita 25 Nunavunmi nunallaat piqaqtut nutaamik, amigaitunun-ukiunun Nunallaat Inuuhiqattiaqnikkut Upalungaiyautinik. Upalungaiyautit aktilaangit malgungmin talimanun ukiunik hivitunikhait.
Tamaita 25 Nunallaat Inuuhiqattiangnikkut Upalungaiyautait qungiaginagilagit ataani.
