PIYAANGANI CWP MANIKTAQVIKHAT

Havakuvin nunallaanun pihimayunik inuuhiqattiangnikkut pinahuagutinik, piyaangniagungnaqhiyutit maningmik piinagialgit hapkunuuna nunallaat Nunamingni Inuuhiqattiangnikkut Upalungaiyautit (CWP). Uqaqatigilugit Nunallaani Inuuhiqattianikkut Aulapkaiyi (CWC) ilitugitiagumaguvin.

Kia piyaaqait nunallaat inuuhiqattiangnikkut pinahuagutit mangit?

Quyaginaq inuk, havaqatigiit, katimayiit uvaluuniin havakviit nunallaami uuktuinagialgit haffuminga nunallaani inuuhiqattiangnikkut pinahuagutinun manikhat haamlatkutigut uvaluuniin Nunallaat Aaniaqtailinikkut uvalu Inuuhiqattiangnikkut Katimayiit (CHWC).

Ilangit uuktuutit ilauyut:

  • Ilauyutit nunallaami aulagutiyumayut miqhuqatigiiktukhanik angnagutinik nunallaami inulgamiit katimaviani.
  • Munaqhiuyutit kina nutaaq nunallaamun uvlau aulagutiyumayutit iqaiyangnikkut pinahuagunmun munaqhitkuni.
  • Ilihaiyiuyutit aulagutiyumayutit ilihaguiqata atuqtuuyangnikkut uvaluuniin ulapqidjutinik.
  • Havaktutit niqilialiuqtut igavingmi nunangni uvalu ihagiahuktutit ilaliutikhamik maningmik angmaumayaangani.
  • Inulgamingnun aulapkaiyiuyutit uvalu ihagiahuktutit manikhamik ihuaqhaidjutikhamik igalaangmik inulgamiit katimaviani taimaalu hulilukaagutit aulayaangini.

Picture09.png

Hunat hulidjutit piinagialgit hapkununga nunallaanun inuuhiqattiangnikkut pinahuagutinun mangit?

  1. Quyaginaq pinahuagutit uvaluuniin havaktakhat tapkua ikayuutauyut aaniatailingmun uvalu inuuhiqattiangningmun nunallaanun ilauyunun.
  2. Quyaginaq pinahuagutit angiqtauhimayut Nunallaani Aaniaqtailinikkut uvalu Inuuhiqattiangnikkut Katimayiit (CHWC), haamlat katimayiit, uvaluuniin kivgaqtuqtut timiqutilgit (qanuginiitigut nunallaat)uvalu ihuaqtut hapkununga CWPmun.

Kimut uqangniaqik mihaanun piyaangani manikmik nunallanun inuuhiqattiangnikkut pinahuagutinun manikmik?

Nunallaami Inuuhiqattiangnikkut Aulapkaiyi (CWC) uvani Kivgaqtuqtut Timiqutit hivayaluaqtakhat haffumunga CWP maniliqtuidjutaanun. Tamavyaini nunallaani Haamlatkut Kivgaqtuqtut Timiqutit. Uqaqatigilugit hapkua CWCkut pinahuagutingnun uvlau hunat ihagiaginiaqtatit tukhiutini. Ukua CWCkut hivumuuqtiniaqtait hapkununga CHWCkunun uvaluuniin haaamlat katimayiinun ihumaliugutauyaangani.

Ikayuqtiqagumaguvin tuyugiangani tukhiutit, hapkunungaulutin nunallaami  Aviktuqhimayut Inuuhiqattiangnikkut Pinahuagutikkut Aulapkaiyimun (RWPC) uvaluuniin Nunallaami Aaniaqtailinikkut Pivallianingmun Aulapkaiyit (CHDC), uvaluuniin tuhaqtilugit wellness@gov.nu.ca.

Kia angiqtait havaktaghat uvalu pinahuagutikkut tukhiutit?

Nunallaat Aaniaqtailinikkut uvalu Inuuhiqattiangnikkut Katimayiit (CHWC) ihivgiuqtait tamaita tukhiutit uvalu uuktuutit tuyuqtauyut haffumungare CWPmun manikhat. Ihumaliugutaukpata kitut pinahuagutit tuniyauniaqtut maningmik, katimayiit havangniaqtaat una CWP, uvaluuniin tuyuqlutik apiqhuunmik ihuaqhaqlugu una CWP. Aviktuqhimayut aaniaqtailinikkut uvalu inuuhiqattiangnikkut iligiit ihivgiungniaqtaat pinahuagut kivgaqtuqhugit Munaqhiliqiyit.

CWP tuniyaukpat, tukhiutit tuyuinagiaqaqat?

Piqagungnaiqat CWPmun manikhamik tuniyakhamik, piqaqtunik pingahunik piyakhanik:

  1. Apiqhuutit ihuaqhaqnikhaanun CWP: uqaqatigilugit CWCkut, hivumuuqtiniaqtaat apiqhuut hapkununga CHWCkunun angmaniqata ihuaqhagiangani CWP maniliqtugiangani pinahuagutit.
  2. Qiniqhialutik aalanik ikayuutikhanik maningmik: uqaqatigilugit Nunallaami Aaniaqtailinikkut Pivallianikkut Aulapkaiyianun (CHDC) qinihiayaangani aalanik ikayuutikhanik maniliqtuiyukhanik hilataani CWPkut. Amigaitut katimayiit tuyuqtuiyut tukhiutinik tamaani ukiumi, uvalu pinahuagutit piyaangniagungnaqhiyuq. Qagitauyaliqivikuuqlugu wellness@gov.nu.ca uqaqatigiyaangani ukua CHDCkut.
  3. Nutaqaiuqluni aipaaguuqtukhamik: uqautigilugit pinahuagutitit humi CHWCkut ihumaliugutigiliqagit ihagiagiyauyut uvalu hivuliuyukhat aipaagu.