ᐱᔪᓐᓇᕐᓂᕐᒥ ᓄᓇᓕᓐᓂ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᓂᕐᒧᑦ

ᑲᒪᒋᔭᖃᕈᕕᑦ ᓄᓇᓕᓐᓂ-ᑐᙵᕕᖃᕐᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᓕᕆᐊᒥ, ᐱᔪᓐᓇᕐᓂᖃᖅᑐᑎᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᐅᑎᑕᐅᔪᓂᑦ ᓄᓇᓕᑦᓯᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ ᐱᕙᒌᔭᕐᓂᕐᒧᑦ (CWP). ᐅᖃᖃᑎᒋᒍᒃ ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ (CWC) ᖃᐅᔨᒋᐊᑲᓐᓂᕐᓂᕐᒧᑦ.

ᑭᒃᑯᑦ ᐱᔪᓐᓇᕐᒪᑕ ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᓂᕐᒧᑦ?

ᐃᒻᒥᑰᖅᑐᓄᑦ, ᑲᑎᙵᐅᖅᑐᓄᑦ, ᑲᑎᒪᔨᓄᑦ ᑲᑐᔾᔨᖃᑎᒌᓄᓪᓘᓐᓃᑦ ᓄᓇᓕᓐᓂᑦ ᑐᑦᓯᕋᕈᓐᓇᖅᑐᑦ ᓄᓇᓕᓐᓂᑦ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᖅᑯᑎᖃᕐᓗᓂ ᕼᐋᒻᒪᓚᒃᑯᖏᓐᓂᑦ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᑲᑎᒪᔨᓄᑦ (CHWC).

ᐅᑯᐊ ᐆᑦᑑᑎᒋᔭᐅᔪᑦ:

  • ᓄᓇᓕᓐᓃᖔᖅᓯᒪᓗᑎᑦ ᐱᒋᐊᖅᑎᑦᓯᒍᒪᓂᕐᒥᑦ ᒥᖅᓱᑎᑦᓯᓂᕐᒥᑦ ᒪᒃᑯᑦᑐᓄᑦ ᐊᕐᓇᓄᑦ ᓄᓇᓕᑦᓯᓐᓂ ᒪᒃᑯᑦᑐᒃᑯᕕᖓᓂᑦ.
  • ᐋᓐᓂᐊᓯᐅᖅᑎᐅᔪᑎᑦ ᓄᑖᖑᑦᓱᑎᑦ ᓄᓇᓕᓐᓂ ᐱᒋᐊᖅᑎᑦᓯᒍᒪᑦᓱᑎᓪᓗ ᐃᖃᐃᓕᓴᕐᓂᕐᒧᑦ ᐱᓕᕆᐊᑦᓴᒥ ᐋᓐᓂᐊᕐᕕᒻᒥ.
  • ᐃᓕᓐᓂᐊᑎᑦᓯᔨᐅᒍᕕᑦ ᐱᒋᐊᖅᑎᑦᓯᒍᒪᒍᕕᑦ ᐃᓕᓐᓂᐊᕇᕋᐃᑉᐸᑕ ᓂᔾᔭᐅᓯᔭᖅᑎᑦᓯᓂᕐᒥᑦ ᐱᙳᐊᑎᑦᓯᓂᕐᒥᓪᓘᓐᓃᑦ ᐱᓕᕆᐊᑦᓴᒥ.
  • ᖃᔪᖅᑐᕐᕕᒻᒥᑦ ᐊᐅᓚᑦᓯᒍᕕᑦ ᓄᓇᓕᑦᓯᓐᓂᑦ ᑮᓇᐅᔭᖃᖅᑎᑕᐅᑲᓐᓂᕆᐊᖃᕈᕕᓪᓗ ᒪᑐᐃᖓᖏᓐᓇᖁᓪᓗᒍ.
  • ᒪᒃᑯᑦᑐᓄᑦ ᐱᓕᕆᐊᑦᓴᓄᑦ ᑲᒪᔨᐅᒍᕕᑦ ᑮᓇᐅᔭᖃᖅᑎᑕᐅᔭᕆᐊᖃᖅᓱᑎᓪᓗ ᐃᒐᓛᓂᑦ ᓴᓇᓂᕐᒧᑦ ᒪᒃᑯᑦᑐᒃᑯᕕᒻᒥ ᐱᓕᕆᐊᑦᓴᐃᑦ ᑲᔪᓯᖏᓐᓇᖁᑦᓱᒋᑦ.

Picture09.png

ᖃᓄᐃᑦᑐᐃᑦ ᐱᓕᕆᐊᑦᓴᐃᑦ ᐱᔪᓐᓇᕐᓂᖃᖅᑲᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᓂᕐᒥᑦ?

  1. ᖃᓄᐃᑦᑐᑐᐃᓐᓇᐃᑦ ᐱᓕᕆᐊᑦᓴᐃᑦ ᐱᓕᕆᐊᑦᓴᐅᒍᓐᓇᖅᑐᓄᓪᓘᓐᓃᑦ ᐃᑲᔫᑎᓕᓐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᓪᓂᕐᒧᓪᓗ ᓄᓇᓕᓐᓂᒥᐅᑕᓄᑦ.
  2. ᐱᓕᕆᐊᑦᓴᐃᑦ ᐊᖏᖅᑕᐅᓯᒪᔪᑦ ᓄᓇᓕᓐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᖏᑦᑎᐊᕐᓂᕐᒧᓗ ᑲᑎᒪᔨᖏᓐᓂᒃ (CHWC), ᕼᐊᒻᒪᓚᒃᑯᑦ ᑲᑎᒪᔨᖏᓐᓄᑦ ᐊᑭᓖᔾᔪᔨᔪᓪᓘᓐᓃᑦ ᑐᑦᑕᕐᕕᒻᒥ (ᒪᓕᓪᓗᑎᒃ ᓄᓇᓕᓐᓂᖓᖅᑐᓂ).

ᑮᓇᒥ ᐅᖃᖃᑎᖃᓚᖓᕗᖓ ᐱᔪᓐᓇᕐᓂᕐᒧᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᓂᕐᒧᑦ?

ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ (CWC) ᐊᑭᓖᔾᔪᔨᔪᓂ ᑐᑦᑕᕐᕕᖓᓂᑦ ᑐᑭᓯᒋᐊᕐᕕᐅᔪᓐᓇᖅᑐᖅ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ. ᐃᓚᖏᓐᓂ ᓄᓇᓕᓐᓂᑦ, ᕼᐋᒻᒪᓚᒃᑯᑦ ᐊᑭᓖᔾᔪᔨᔨᐅᖃᑦᑕᖅᑐᑦ ᑐᑦᑕᕐᕕᐅᑦᓱᑎᒃ. ᐅᖃᖃᑎᒋᒍᓐᓇᖅᑕᐃᑦ ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ ᐱᓕᕆᐊᑦᓴᑉᐱᑦ ᒥᑦᓵᓄᑦ ᓱᓇᖃᕆᐊᖃᕐᒪᖔᓪᓗ ᑐᑦᓯᕋᐅᑎᓐᓂᑦ. ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ ᑐᓂᔪᓐᓇᖅᑕᖓ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᑲᑎᒪᔨᓄᑦ ᕼᐋᒻᒪᓚᒃᑯᓐᓄᓪᓘᓐᓃᑦ ᑲᑎᒪᔨᖏᓐᓄᑦ ᐃᓱᒪᑦᓴᖅᓯᐅᕈᑕᐅᓂᐊᖅᑎᓪᓗᒍ.

ᐃᑲᔪᖅᑕᐅᒋᐊᖃᕈᕕᑦ ᑐᓂᓯᓂᕐᒧᑦ ᑐᑦᓯᕋᐅᑎᒥᑦ, ᐃᑲᔪᖅᑕᐅᒍᓐᓇᖅᑐᑎᑦ ᓄᓇᓕᓐᓂ ᐊᕕᑦᑐᖅᓯᒪᔪᓄ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᓕᕆᐊᓄᑦ ᑲᒪᔨᒧ (RWPC) ᓄᓇᓕᓐᓂᓪᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑲᒪᔨᒧ (CHDC), ᖃᐅᔨᒃᑲᕐᓗᒍᓘᓐᓃᑦ wellness@gov.nu.ca.

ᑭᒃᑯᑦ ᐊᖏᖃᑦᑕᕐᒪᑕ ᐱᓕᕆᐊᓂᑦ ᐱᓕᕆᐊᖑᓂᐊᖅᑐᓂᓪᓗ ᑐᑦᓯᕋᐅᑎᓂᑦ?

ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᑲᑎᒪᔨᓄᑦ (CHWC) ᕿᒥᕐᕈᖃᑦᑕᖅᑐᑦ ᐃᓘᓐᓇᖏᓐᓂᑦ ᐱᔪᒪᔾᔪᑎᓂ, ᑐᑦᓯᕋᐅᑎᓂᑦ ᐱᒐᓱᐊᕈᑎᓂᓪᓗ ᑐᓂᔭᐅᔪᓂᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ.  ᓇᓗᓇᐃᖅᑕᐅᑉᐸᑕ ᓇᓪᓕᐊᒃ ᐱᓕᕆᐊᑦ ᑮᓇᐅᔭᖃᖅᑎᑕᐅᓂᐊᕐᒪᖔᑕ, ᑲᑎᒪᔩᑦ ᐱᕙᓪᓕᐊᑎᑦᓯᓂᐊᖅᑐᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ, ᑐᓂᓯᓂᐊᖅᑐᐃᓪᓘᓐᓃᑦ ᑐᑦᓯᕋᐅᑎᒥᑦ ᐋᖅᑭᒋᐊᖅᑕᐅᖁᔨᓂᕐᒥᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᐅᑎᒥᑦ. ᐊᕕᑦᑐᖅᓯᒪᔪᓂ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᐱᓕᕆᖃᑎᒌᑦ ᕿᒥᕐᕈᓂᐊᖅᑐᑦ ᐱᓕᕆᐊᒧᑦ ᑐᑦᓯᕋᐅᑎᒥ ᑭᒡᒐᖅᑐᐃᓗᑎᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᑦ.

ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ ᓴᓂᕐᕙᑦᑕᐅᓯᒪᒌᖅᐸᑦ, ᑐᑦᓯᕋᐅᑎ ᓱᓕ ᑐᓂᔭᐅᒍᓐᓇᖅᑳ?

ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᓴᓂᕐᕙᕋᑦᓴᖃᖏᑉᐸᑦ, ᐱᖓᓱᐃᑦ ᓇᓖᕌᕈᓐᓇᕐᓂᐅᔪᑦ:

  1. ᑐᑦᓯᕋᐅᑎ ᐋᖅᑭᒋᐊᕆᖁᔨᓂᕐᒧᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᐅᑎᒥᑦ: ᐅᖃᖃᑎᒋᒍᒃ ᓄᓇᓕᓐᓂᑦ ᖃᓄᐃᙱᑦᓯᐊᖅᑐᓕᕆᔨᓯ, ᑐᓂᓯᓂᐊᖅᑎᓪᓗᒍ ᑐᑦᓯᕋᐅᑎᒥ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᑲᑎᒪᔨᓄᑦ (CHWC) ᖃᓄᐃᑦᓴᕋᔭᖏᒻᒪᖔᑕ ᐋᖅᑭᒋᐊᕆᓂᕐᒥᑦ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᕐᓂᕐᒧᑦ ᐱᕙᒌᔭᐅᑎᒥᑦ ᑮᓇᐅᔭᖃᖅᑎᑦᓯᓂᕐᒧᑦ ᐱᓕᕆᐊᒥ.
  2. ᕿᓂᕐᓂᕐᒥᑦ ᐊᓯᖏᓐᓂᑦ ᐱᕕᐅᔪᓐᓇᖅᑐᓂ ᑮᓇᐅᔭᖃᖅᑎᑕᐅᓂᕐᒧᑦ: ᐅᖃᖃᑎᒋᓗᒍ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑲᒪᔨᒧ (CHDC) ᓇᓂᓯᓂᕐᒧᑦ ᐊᓯᖏᓐᓂᑦ ᐱᕕᐅᔪᓐᑐᓂ ᑮᓇᐅᔭᖃᖅᑎᑕᐅᓂᕐᒧᑦ ᓯᓚᑖᓂ ᓄᓇᓕᓐᓂ ᖃᓄᐃᙱᑦᓯᐊᕋᓱᐊᓂᕐᒧᑦ ᐱᕙᒌᔭᕐᓂᕐᒧᑦ. ᐊᒥᓱᑦ ᑲᑐᔾᔨᖃᑎᒌᑦ ᓴᖅᑭᑎᑦᓯᒐᔪᖃᑦᑕᖅᑐᑦ ᑐᑦᓯᕋᐅᑎᓕᐅᖁᔨᓂᕐᒥᑦ ᐊᕐᕌᒎᑉ ᐃᓗᐊᓂ, ᐱᓕᕆᐊᓪᓗ ᐱᔪᓐᓇᕐᓂᖃᕋᔭᖅᑐᖅ. ᐃᕐᖐᓐᓇᑦᑕᐅᑦ wellness@gov.nu.ca ᑲᓲᑎᓂᐊᕐᓗᒍ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑲᒪᔩᑦ.
  3. ᐅᑕᖅᑭᒋᑦ ᐊᕐᕌᒎᓂᐊᖅᑐᒥ: ᓴᖅᑭᑎᑦᓯᓗᑎᑦ ᐱᓕᕆᐊᑦᓴᕐᓂᑦ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᙱᑦᓯᐊᕋᓱᐊᕐᓂᕐᒧᓪᓗ ᑲᑎᒪᔨᖏᑦ ᓇᓗᓇᐃᖅᓯᒐᓱᐊᖅᑎᓪᓗᒋᑦ ᐱᔭᕆᐊᖃᖅᑐᓂᑦ ᓯᕗᓪᓕᐅᔾᔨᒋᐊᖃᕐᓂᕐᒥᓪᓗ ᐊᕐᕌᒎᓛᖅᑐᒥ.