ᓄᓇᓕᖕᓂᑦ ᖃᓄᐃᖏᑦᑎᐊᕐᓂᕐᒧᑦ ᑐᓴᒐᒃᓴᖅ

ᓄᓇᓕᖕᓂᑦ ᖃᓄᐃᖏᑦᑎᐊᕐᓂᕐᒧᑦ ᑐᓴᒐᒃᓴᖅ − "ᐃᓅᓯᑦᑎᐊᕆᖕᓂᖅ: ᑐᓴᓴᒐᒃᓴᖅ ᓄᓇᕗᒻᒥᑦ ᖃᓄᐃᖏᑦᑎᐊᕐᓂᕐᒧᑦ ᓄᓇᓕᒃ"

ᐅᓄᖅᓯᒋᐊᖅᑎᑦᑎᓂᖅ ᐅᔾᔨᖅᓴᑦᑎᐊᕐᓂᕐᒧ ᐊᔾᔨᒋᖏᑦᑐᓄᑦ ᓄᓇᓕᖕᓄᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᖅ ᓄᓇᕗᒻᒥᑦ, ᐃᑲᔫᑎᐅᔪᑦ ᐃᓚᐅᖃᑕᐅᓂᕐᒧᑦ, ᓄᓇᓕᖕᓄᑦ ᖃᓄᐃᖏᑦᑎᐊᕐᓂᕐᒧᑦ ᑐᓴᒐᒃᓴᑦ, ᐃᓅᓯᑦᑎᐊᕆᖕᓂᖅ, ᐊᑐᐃᓐᓇᐃᑎᑦᑎᓲᖑᕗᖅ ᐱᕕᒃᓴᒥᑦ ᓄᓇᓕᖕᓄᑦ ᖃᓄᐃᖏᑦᑎᐊᖅᑐᓕᕆᓂᕐᒧᑦ ᐊᐅᓚᑦᑎᔨᓄᑦ (CWCs) ᐊᒻᒪᓗ ᐱᓕᕆᐊᖑᔪᖅ ᐊᒃᑐᐊᓂᖃᖅᑐᖅ ᐃᖅᑲᓇᐃᔭᖅᐸᒃᑐᓄᑦ ᖃᓄᐃᖏᑦᑎᐊᖅᑐᓕᕆᓂᕐᒥᑦ ᐱᓕᕆᐊᓂᑦ ᓇᖕᒥᓂᖃᖃᑕᐅᕙᒃᖢᑎᒃ ᐃᓕᓐᓂᐊᖃᑎᒌᒃᐸᒃᖢᑎᓗ ᐱᓕᕆᐊᖑᔪᓄᑦ. ᐊᑐᖅᑕᐅᔪᓐᓇᖅᑐᖅ ᐱᔾᔪᑎᒃᓴᒥᑦ ᓄᓇᓕᖕᓄᑦ ᓇᖕᒥᓂᖃᑎᒌᒡᓗᑎᒃ ᐃᓕᓐᓂᐊᖃᑎᒌᒡᓗᑎᒃ ᐃᓅᖃᑎᒌᓄᑦ ᐱᓕᕆᐊᖑᔪᓂ ᐊᔾᔨᒌᖏᑦᑐᓂᑦ. ᐱᕕᒃᓴᐅᔪᖅ ᐃᓕᓐᓂᐊᕈᑕᐅᔪᓐᓇᖅᑐᖅ ᖃᓄᖅ ᑮᓇᐅᔭᖁᑎᑖᕈᓐᓇᕐᒪᖔᑕ, ᐱᒋᐊᖅᑎᑦᑎᔪᓐᓇᕐᒪᖔᑕ ᐊᒻᒪᓗ ᑲᔪᓯᑎᑦᑎᔪᓐᓇᕐᒪᖔᑕ ᐱᓕᕆᐊᖑᔪᓄᑦ, ᑕᐅᑐᙳᐊᖅᐸᒃᑕᖏᑦ ᐊᒻᒪᓗ ᑐᕌᕆᔭᖏᑦ, ᐊᒻᒪᓗ ᖃᓄᖅ ᐊᓂᒎᑎᕙᖕᒪᖔᑕ ᐊᔪᕐᓇᖅᑐᖅᓯᐅᖅᑕᐅᕙᒃᑐᓂᑦ.

ᑐᓴᒐᒃᓴᖅᑖᕈᒪᒍᕕᑦ, ᐅᕝᕙᓗᓐᓂᑦ ᐅᓂᒃᑳᒥᑦ ᓇᒃᓯᐅᔾᔨᔪᒪᒍᕕᑦ ᓄᓇᓕᖕᓄᑦ ᐱᓕᕆᐊᓂᑦ ᒥᒃᓵᓄᑦ ᐃᕐᖐᓐᓈᖅᑐᐊᒃᑯᑦ  embracelife@inuusiq.com.

ᑕᑯᒋᐊᕈᒪᒍᕕᑦ ᑐᓴᒐᒃᓴᐅᓚᐅᖅᑐᓂᑦ, ᖃᐅᔨᒋᐊᕈᓐᓇᖅᐳᑎᑦ Resources section.