ᓄᓇᓕᖃᑦᑎᐊᖅᑐᓕᕆᔨᓄᑦ ᐱᓕᕆᐊᖅ (CWP) ᑮᓇᐅᔭᖁᑎᖏᑦ ᓄᓇᓕᖕᓂᖔᖅᑐᓂ ᐱᓕᕆᐊᖑᕙᒃᑐᑦ ᐱᐅᓯᑎᑦᑎᕙᓪᓕᕐᓗᓂ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒥᑦ ᐃᓄᖕᓄᑦ, ᐃᓚᒌᓄᑦ, ᐊᒻᒪᓗ ᓄᓇᓕᖕᓄᑦ.
ᑖᒃᑯᐊ ᐱᓕᕆᐊᑦ ᐊᒃᑐᐊᓂᖃᖅᑐᑦ ᐃᓱᒪᒧᑦ ᖃᓄᐃᖏᑦᑎᐊᕐᓂᕐᒧᑦ, ᓂᕿᑦᑎᐊᕙᓕᕆᓂᕐᒧᑦ, ᓯᖓᐃᔪᓄᑦ ᐊᒻᒪᓗ ᓄᑕᕋᕐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐃᖃᐃᓕᓴᖃᑦᑕᕐᓂᕐᒧᑦ, ᐋᓐᓂᖅᑕᐃᓕᒪᓂᕐᒧᑦ, ᓄᓕᐊᕐᓂᕐᒥᑦ ᐃᓕᓐᓂᐊᖅᑎᑦᑎᓂᖅ, ᓱᐴᖅᑐᖃᑦᑕᓗᐊᕈᓐᓃᕐᓂᕐᒧᑦ, ᐊᒻᒪᓗ ᐅᐃᕆᓯᒪᖃᑦᑕᕐᓂᕐᒧᑦ.
ᑭᓲᕙ ᑐᕌᕆᔭᐅᔪᖅ ᓄᓇᓕᖃᑦᑎᐊᖅᑐᓕᕆᔨᓄᑦ ᐱᓕᕆᐊᖅ?
ᐱᓕᕆᐊᖑᔪᑦ ᑐᕌᕆᔭᖃᖅᑐᖅ:
- ᐱᕚᓪᓕᖅᑎᑦᑎᓂᖅ ᖃᐅᔨᒪᓂᕐᒥᑦ ᐊᔪᙱᑕᖃᕐᓂᕐᒥᓗ ᓄᓇᕗᒻᒥᐅᑦ ᐋᕿᒃᓯᒪᓂᖃᕈᓇᕐᓗᑎᑦ, ᓴᕿᑎᑦᑎᔪᓐᓇᕐᓗᑎᒃ ᐊᒻᒪᓗ ᐃᓚᐅᖃᑕᐅᔪᓐᓇᕐᓗᑎᒃ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᓂᑦ.
- ᐱᔪᒥᓇᖅᓯᑎᒃᑲᓐᓂᕐᓗᒋᑦ ᖃᓄᐃᖏᑦᑎᐊᕐᓂᖅ ᑐᑭᓯᐅᒪᑎᓪᓗᒋᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᔪᕐᓇᕈᑕᐅᕙᒃᑐᑦ.
- ᐱᐅᓯᕚᓪᓕᖁᓪᓗᒋᑦ ᐱᐅᓂᖓ ᐅᑯᓂᖓ, ᐊᒻᒪᓗ ᐊᖅᑯᑎᖃᕐᓂᖅ ᐱᖁᓯᓕᕆᓂᕐᒥᑦ ᓈᒻᒪᓛᒥᑦ ᑐᓴᖅᑕᐅᑎᑦᑎᔾᔪᑎᓂᒃ ᐱᔨᑦᑎᕋᕐᓂᕐᓗ ᓄᓇᓕᖕᓄᑦ ᐊᕝᕙᓯᓕᖕᓂᖓᓄᑦ ᓈᒻᒪᓛᒥᑦ.
ᖃᓄᖅ ᓄᓇᓕᐅᔪᑦ ᓴᕿᑎᑦᑎᕙᒃᐸᑦ ᓄᓇᓕᖃᑦᑎᐊᖅᑐᓕᕆᔨᓄᑦ ᐱᓕᕆᐊᓂᑦ?
ᓄᓇᓖᑦ ᓴᕿᑎᑦᑎᕙᒃᑐᑦ ᓄᓇᓕᖃᑦᑎᐊᖅᑐᓕᕆᔨᓄᑦ ᐱᕙᒌᔭᐅᑎᓂᒃ (CWP) ᐱᕙᓪᓕᐊᑎᑦᑎᓗᑎᒃ ᓄᓇᓕᖏᓐᓄᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᓂᒃ.
ᓴᕿᑦᑎᑦᓗᓂ ᓄᓇᓕᖃᑦᑎᐊᖅᑐᓕᕆᔨᓄᑦ ᐱᕙᒌᔭᐅᑎᒥᑦ, ᓄᓇᓕᖕᓂᖔᖅᑐᑦ ᓇᓗᓇᐃᖅᓯᓯᒪᓗᑎᒃ ᓯᕗᓪᓕᐅᔾᔭᐅᔭᕆᐊᓕᖕᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᖏᑦᑎᐊᕐᓂᕐᒧᓗ. ᓄᓇᓕᖕᓄᑦ ᖃᓄᐃᖏᑦᑎᐊᕐᓂᕐᒧᑦ ᐱᕙ ᒌᔭᐅᑎ ᓇᓗᓇᐃᔭᖅᓯᒪᔪᖅ ᑖᒃᑯᓂᖓ ᓯᕗᓪᓕᐅᔾᔭᐅᔭᕆᐊᓖᑦ ᐅᖃᐅᓯᕆᔭᕆᐊᓖᑦ. ᐱᓕᕆᐊᒃᓴᑦ ᖃᐅᔨᔭᓴᖅᑕᐅᔪᓪᓗ ᐊᖏᖅᑕᐅᓗᓂ ᓄᓇᓕᖕᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᓄᐃᖏᑦᑎᐊᕐᓂᕐᒧᓗ ᑲᑎᒪᔨᖏᓐᓂᒃ (CHWC) ᐊᒻᒪᓗ/ᐅᕝᕙᓘᓐᓃᑦ ᕼᐊᒻᒪᓚᒃᑯᑦ ᑲᑎᒪᔨᖏᓐᓂᑦ ᐅᕝᕙᓗᓐᓃᑦ ᐊᑭᓖᔾᔪᔨᔪᖅ ᐱᒍᔾᔨᔨᔩᑦ (ᒪᓕᒃᖢᑎᒃ ᓄᓇᓕᖕᓂᖓᖅᑐᓂ). ᐊᖏᖅᑕᐅᒃᐸᑦ, ᐊᑭᓖᔾᔪᔨᔪᖅ ᐱᒍᔾᔨᔨᔩᑦ ᑎᑎᕋᓚᐅᕐᓗᑎᒃ ᑮᓇᐅᔭᒃᓴᖁᑎᓂᒃ ᐃᑲᔪᕈᑎᓂ ᐱᓕᕆᐊᖑᓂᐊᖅᑐᒧᑦ ᖃᐅᔨᓴᖅᑕᐅᓂᐊᖅᑐᓄᓗ.
2017−ᒥ ᐅᐱᕐᖔᒃᑯᑦ ᐱᒋᐊᖅᖢᒍ, 25−ᖑᔪᑦ ᓄᓇᕗᒻᒥ ᓄᓇᓕᓕᒫᑦ ᓄᑖᒥᒃ, ᐊᕐᕌᒍᒐᓴᖕᓄᑦ ᑐᕌᖓᔪᓂᒃ ᓄᓇᓕᖃᑦᑎᐊᖅᑐᓕᕆᔨᓄᑦ ᐸᕐᓇᐅᑎᖄᓂᒃᑐᑦ.
25−ᖑᔪᑦ ᓄᓇᓖᑦ ᓄᓇᓕᖃᑦᑎᐊᖅᑐᓕᕆᔨᓄᑦ ᐱᕙᒌᔭᐅᑏ ᖃᐅᔨᒋᐊᖅᑕᐅᔪᓐᓇᖅᑐᖅ ᐊᑖᓂ.
