ANGAYUQQANGULIHAAT

Quvianagaaluq nutaranikaffi! Nutaranikagan quvianaqpiaqtuq inuuhirni, aallannguqpaktuqlu inuuhirmun  Amigaitut nutaat angayuqqaat ayukhalikpaktut.  Ikayuqtigilugit piqpagiyatit ikayuutauttaaqtut. Huliluqaqatigilugin angayuqqaatin, qitunngat, aattaatiaq/anaanattiaq, ilanatlu.

Ingumaguvin ayukhaliruvinluuniin malguungni havainniitni amigaittuniluunniit, uqaqvigilugu munaqhi munaqhitkuni. Kangiqhittiarumaguvit, takulugu [Ihumaliqinikkut Inuuhirinikkut ilangani ].

Hinikhutik Mirraat Tuquvaktut Aanniaqhimaittumik (SIDS).

Huigangat mirraanuaq Hinikhutik Mirraat Tuquvaktut Aanniaqhimaittumik (SIDS) ayungnaqhivaktuq angayuqqanun, ilaqatigiik, tamaita nunallaanilu. Hinikhutik Mirraat Tuquvaktut Aanniaqhimaittumik (SIDS) huurligiak huiqpaktut hiniktillugit mirraaq. Hinikhutik Mirraat Tuquvaktut Aanniaqhimaittumik (SIDS) tuquttaqtut hivullirmi ukiumi inuuhirni. Tapkua mirraat tuquyut SIDS-min tikingittut siksinik tatqiqhiutinik. Taiguqtauvakhimayugaluaq iglirmi huiqhimayuq.

Ikiglitikhat Hinikhutik Mirraat Tuquvaktut Aanniaqhimaittumik (SIDS).

Ilihimangittut huuq Ikiglitikhat Hinikhutik Mirraat Tuquvaktut Aanniaqhimaittumik (SIDS). Qanuriliurutikhangit ikikliyumiqtitiyaangat ayungnautinik taima SIDS-nik ukuanguyut taimailiuriaqaqtun:

  • Inaqtittilirangat mirraanuaq hinigianganik halaktittilugit;
  • Igluaqatigiktut, iglimiingituni, mirraaq
  • Iviangirnin Maamaktitiniq
  • Tunihilugu mirraanuaq higaaqtuqangitumik iglungmi hingaitilunik nuttaganikkumiklu, amaqtillunilu higaaqtailiniktukhat
  • Piqaqtailutik angiyunik iglim qaliktakhaanik kahuktailidjutikhat, qippiit, ulapqiuyanikluuniin

Hinikhutik Mirraat Tuquvaktut Aanniaqhimaittumik (SIDS) Kangiqhidjutikhaq

Inunnguiniq Anggayuqqaanggulihaaqtunut Ilihaidjutaa

Inunnguiniq nutaqqiqiyut ihuaqtunik inugiami.

Hivulliuqtauyuq hapkuninga Qaujigiartiit Munaqhiliqidjutinut Ihivriuqvianni (QHRC), tamna Inunnguiniq Anggayuqqaanggulihaaqtunut Ilihaidjutaa pihimayuq hapkuninga Inuit Qaujimajatuqangit (IQ). Tamna pinahuarut havaktauhimayuq Nunavunmi, Nunavummiunin, Nunavummiunun, pidjutiqaqtuq hapkuninga nutaraliurnikkut uqaudjaunikkut hapkuninga Inirnikhaat Uqautjiyiit Katimayingit. Tamna pinahuarut havaktauhimayuq haffumunga “hakugingninnga nunagiyaptingnik, piqatigiyavullu, mahulingainiq piqpagiyainik nutaqqanun.” Piyukhaugaluit inikhaqaqtittilutik uqautigiyanginni mamihainiq naglikhaarnirmit; akhuuqtait Inuit ilihimayamnik, unipqaat ihumamikkuuqtaillu hapkuninga nutaqqiqidjutitik; unalu havaangit ilagiaqtunik nunalingnilu nutaqqiqiyut.

 Aulaniaqtun Inunnguiniq Aulapkaiyi

Ihumaguvin uuktugumayutin uuminga Inunnguiniq Aulapkaiyi, ilihaidjutikhanik tuniyauvaktun haffuminga QHRC-kut qablunatun Inuktitutlu ukiumi tamaat. Kangiqhittiarumayut ilihadjutimik uvani.

Inuulihaat Nirittiarutikhait

Naunaiyattiarumaguvin hunamik niqhiurniaqin ilingnik mirraanuatlu, takulugu [Nirittiarutikhat Hingaiyanun mirraanuanutlu].