Tingukliurniq

Tingukliurniq (Hepatitis )tingungani aanniarut taimaitumik aanniarunmin aulajuq. Amigaittut aanniarutit tingukliurniq (hepatitis) aanniarunmut.

  • Hepatitis A. Hamna aanniarut anaanittuq (arnarmi) aanniaqtup inuup. Hiammittaaqtuq aanniarut arnarmit aktuutaugummi niqikhamut imarmutluuniit aallamit inungmit nirijumit niuqqaqtumitluuniit.
  • Hepatitis B. Hamna aanniarut hiamitiqtaaqtun aktuqtaunirmit aanniarutiqaqtunit timimit kuvijaaqtunit qapungmit, uttungmit qapungmit, aungmitluuniit. Nulliarinikkut hiamitiqtaaqtunik aanniarutit (STI). Hepatitis B hiamitilimaittuq inungnit tahiurutijunit, atuqatigiiktut alluutinik, kapurautinnik akkiutanikluuniit, kunningnikkut, iqitkumikluuniit, qalakhurnirmit, tagjurnirmit, maamaktitigumikluuniit iviangirmit.
  • Hepatitis C. Hamna aanniarut hiamitpaktuq akturnirmit aanniaqtup aunganit—imatut aallat atuqhimajainnit kapuutinit atuqtauhimajut anngajarnaqtunik kapuutinit (pilluajuittuq) uhungmut puungitumik nuliarnirmit.

Mihingnautait tingukliurniq

Aallatqiiktut tingukliurniq (hepatitis) aadjikkivjaktunik mihingnautiqarunaqhijut kihimi ilangit inuit aanniaqtut mihingnautiqangittut. Mihingnaittumik ilihimannaittumiklu aanniarutiqaqtut hiamitirivakhutiklu aanniarunmik aallanut.

 

  • Unaguhuinnaliqhunni

  • Nirianginnaliqhunni aqiarurliurniq (mirianguinnaliqhunni)

  • Kaagunaiqhunni

  • Qapakpalliaplunni qapakhiqhimaittumik
  • Uluriahuliqhunni talliqpimigut taanni tulimaaqarvingmigut (tinguqarnirminni)
  • Kidjaumainaliqhunni
  • Aannirlaqaqiplunni timiminut
  • Uvinnialu quriqtittunni (jaundice), taaqtituni qua quijarangammi, imaaluuniit aannait qakuqhivjakhutik

Amihunik mihingnautiqaliruvit, upautidjavutit munaqhinut taaktimutluuniit. Auktaaqhirlutit naunailihaaqhungujuq aannialiruvit imaatut tingukliurniq (hepatitis).

Aanniaqtailitikhat

Kapukhiutikhat

Kapukhiutikhaqaqtut aannialiqtailitikhainnik tapkunanga Hepatitis A unaluB.  Malrungnik kapukhiutikhangnik imaalu ivjaktumik 100% nakuuqpiaktumik. Inungmiitkuvit aanniaqtumik imaatut Hepatitis, kapukhiutikhaq aannialiqtailitikhat aanniarunmik. Kapijauttaaqtutit hanianungaqhimaguvit aanniaqtumut imaatut Hepatitis.

Kapuutikhaittuq aanniaqtailitikhanik Hepatitis C.

Aanniaqtailitikhat atuqtakhat pittailitikhannik Hepatitis A

  • Uaqpaglugit algakkit nirinahualiruvit niuqarahualiruvitluuniit
  • Uarlugit ahiat nauhimajutluuniit niritinnagit

Aanniaqtailitikhat atuqtakhat Aanniaqtailitikhannik tapkunanga Hepatitis Bunalu  C

  • Havaakkuvit munaqhitkunni, maliklugit hivuranaitkutikhat maliktakhat. Aturlutit aannialiqtailitikhannik algangnik aannuraaniklu, imnaalu ihuaqtumik iqqarlugit kapuuttit aallallu ipiktut atuqtauhimajut.
  • Kakiniliqtuqtauguvit qaujaniqtaulutitluuniit , timikkut kakiniqtuqtauguvit, mihingnairutikharnik kakinikkut, naunaidjavatit ingilrutait atuqtakhaillu atauhiinnarmik atuqtaujakhainnik imaaluuniit haluummaqtiqtauyakhainnik uunnarjuaqtumut.
  • Kapuutikkut angajarnaqtunik aturuvit, aallanut atuqtihuirlugit kapuutikhatit imaaluuniit aallat ingilrutit kapijauhimajumut aunnaarnianut matukhat, alluutit imarluuniit.
  • Atuqhimmarlutit qajangnaitkutikhanik nuliarumaguvit. Nulliqinahuaruvit, uhut puungit aturlutit ikikliyumirutikharnik ayungnautingnik pinnaitumik HPV allaniklu STI aanniarnaqtunik. Uqarvigilugu piqatgijat (tit) nuliqinikkut piqatititnuliqitaitigut.

Havautikhainnik

Nakuuhinahuarutikhait aanniaqtunut Hepatitis A

Hepatitis A nakuuhittaaqtuq inminik. Naammakhinarirumaguvit, niuqaqqattarlutit imirmik nirilutitlu niqigiktunik niqinik.

Hamna aallangajuq aallanit tinguklungnaqtunit, hepatitis A-mik nakuuhinariqpaktuq hivituniraalungmik aanniajuittuq imaalu tinguanut huungiutilimaittuq. Aanniaruvit haffumanga, unnaruiqhittiadjavutit nakuuhijarni qitukpaluguirnirnut. Nakuuhivalliadjutingnut, amigaqhuqhimaittumik hanaqilukaariarni. Amigakhuruvit, aannialiffaarniaqtutit.

Atauhiinnarmik aanniaqhungujutit Hepatitis A-mik. Nakuuhiguvit, timit aannialaqiffaalimaittuq taimaatut.

Havauhikhannik Hepatitis B-mik imaaluuniit Hepatitis C-mik

Uqaqatigulugit munaqhitkut taaktimutluuniit qanuqtut havautikhainnik Hepatitis B-mik imaaluuniit Hepatitis C-mik. Ilangit inuit tunijaujariaqaqtut imaittunik antiviral havautinik. Ilanginnut inungnut ihuarluangittuq. Tingukliqpallangitkuvit, havautitugakhaittutit. Havautiturumalutit ihumaliuruvit, nakuutqijaujuq aallatqiinik havautituruvit nakuuhitikhainnik aanniarutivit.

Nakuuhinnaqtuq havautikhainnik tamaita Hepatitis (A, B, C) ilingnik munrittiarlutin nakuuhijarni. Nakuuhivallianiarunaqhijutit ingutaaqpallialiruvit imaalu nirilutit niqigiktunik niqinik. Niuqqaqtaililutit taanngarnik angajaarnaqtuniklu pidjutiqaqtunik tingungnut ikajuutaujut inngattarnaittumik