Ubluq tamaat-Inuuhirmingni

Iqaiyaqqattarutikhat timimut ingutarutikhat ikayuutauyut inungnut taminut qanuqtutliqaak ukiulingnut uvaluuniit iqaiyaqattayuitkaluaqtunullu. Ilangit ikayuutauyut timimut ingutarutikhat hapkuanguyut:

  • Ikiglitikhat aannialaitkutikhanut
  • Munariplugillu ihumalungnaitkutikhat
  • Hakugingnaqtullu haunirnut timingnullu
  • Hakugingnaqtullu umanmut puvvangnullu ihuaqhiyuumirnakhunillu aunganut ingilranianut
  • Ihuaqhiyuumirnaqhunillu ihumakkut inuuhikhamut, quviahurnirmut, hinittiarnaqhunillu
  • Ihuaqhiyuumirnaqhunillu nilittittangini niriyanut
  • Ihuaqhiyuumirnaqhunillu timimut nangidjariknianut ikhivadjaringnianullu ulluadjinnaitumiklu (iiglitikhaniklu ulrunnaitumik)
  • Unnaguhuiqhimanirmik inuukharnaqtumiklu
  • Ikayuutauplunillu puvvallakpallarnaitumik

Amaigaitpiaktut aallatqiikhutiklu timimut ingutaarutikhat. Nunavut piqaqtuq amigaitpiaktunik hulilukaarvikhanik upaktakhaniklu alianaqtunik, qayangnaituniklu timimut ingutaalukarvikhanik hulilukaarvikhaniklu.

Hamna ilanngit timimut ingutaalukarvikhanik hulilukaarvikhaniklu:

  • Pihuuyarlutit baisikurlutitluuniit iliharvingmut havagvingnulluuniit
  • Nunami pikkuvit sikiiruvitluuniit
  • Hituaqattaqniq, ulapqilutikluuniit hunamikliqaak, kaliqattarlutikluuniit
  • Hulilukaarvingmungaulutit ulapqivingmutluuniit hilami
  • Iqalukhiurniq, ahiaqtarniq paunngaqtarniq, amaumayunik algangniq
  • Qinmiqturnik sikiituyarniruuniit
  • Qajaqtuuyarniq kanukkutluuniit
  • Nirumiaqhuni niqikhanik niuvvavingmit
  • Pualriqhuniq apuutailaipluni
  • Haluummaqhiniq iglumik, natirmik pirluiyainiq, hiavaluiyarniq iglumik
  • Amigaitpiaktullu aallat!

Iqaiyarnahaaruvit hivituyumik, qayagidjavutit hulilukaarnahualiruvit. Uqarvigidjavat munaqhigiyat apiqqutikhaqaruvit.

Timimut ingutaalukarvikhanik hulilukaarvikhaniklu maliktakhat aallatqiiktut, pidjutaupluni qaffinik ukiuqariakhat. Naunairyuumigumaguvit atuqtakharniklu takulugit activity guidelines aallatqiiktunut ukiulingnut.

Canadian Sport for Life (CS4L) timiqutauyuq havakpaktut ihuaqhiyuumirumaplugit ihuarningillu ulapqidjutikhat timimut ingutaalukarvikhanik hulilukaarvikhaniklu Kanatami. Naunairyuumigumaguvit atuqtakharniklu takulugit qaritauyakkurutaani..