QANIRMUN AANNIAQTAILITIKHAT

Nakuuyuq qanirmut aanniaqtailitikhat ikayuutauvaktut hapkununga:

  • Kigullilaitkutikhat kiguutinullu aunnaittumik
  • Pittailitikhatit aannialiqtailitikhangit kiguutiqarvingnut
  • Ikayutauyut inungnut tamuttiariarnaqtumik niriyamingnik niqinik
  • Ikayuutauyut inungnut uqattiariangini tukihinnaqtumik

Kiguutigikhaqpaglutit kukkillivaglutitlu malruiqturailutit ubluq tamaatikayuutauyuq qanirirnaqtumik qanirlirnaittumiklu. Qanikkut aanniaqtailitikhat anginiqaqtuq tamainut inuuhirmut—nutaqqat, inirnirit, inirnikhanullu.

Inuk nirihuirangami, kiguutaita qannginut haluumairunikpaktut. Kukillitarangat kiguutigikharniklu ikayutauvaktut haluummaqtiqhugu qan'nganungaqtiqtuq haluumailruq, kiguutigikhangittarangat aulalimaittuq naptuhivakhunillu. Hamna audjutauvaktuq kiguutinut, kiguutiqarviillu nakungikhutik, ahiit kiguutit ingutaaliqhutik. Kiguutit qan'ngani halumailruk naptuhiyarangami taiyauvaktuq imatut calculus. Kiguhiqiyiinnait unngavaqtiqtaaktat hamna calculus. Taimaitumik kiguutigikharnik anginiqaqtuq haluumaqtiriangani halumairua kiguutingnit.

Huuq qanikkut aanniaqtailitikhat anginiqaqqaa?

Haluummaqtiyuittaragamikkik kiguutitik kiguutainut audjutivaktut, kiguutiqarviit aannialiqhutiklu, uvaluuniit kiguutaiqhutik. Munarittiangitkangamikkik qanikkut aanniaqtailitikhat pidjutauvaktut:

  • Ihuaqtumik tamudjaringnaqturlu niriyanik niliktittanginillu niqit
  • Angiklinnaqtumiklu timiminilu aglivalliatjutanut
  • Hivurannaqtuq puviniarunaqhiyuk aunnalirlutiklu kugutiqarvitit
  • Inuuhirmi. Kiguutit auningit kiguutiqarviit aanniaruhirangamik aannialaqitivaktut ilaani aungani sukarlungniq (diabete) puvvagliqhutikluuniit.
  • Takuumahiq inuum inminik nakuuridjuhia

Ubluq tamaat Munaqhitikhatit

  • Kiguutigikhaqpaglutit kukkillivaglutitlu malruiqturailutit ubluq tamaat. Ikayuqpaglugit nutaqqat kiguutigikhaqtitlugit kukkillivaglutiklu malruiqturailutit ubluq tamaat inmingnik kiguutigihayukhittirlugit.
  • Nirivaglutitlu nakuuyunik niqigiktunik.
  • Higaarluruivyarlutit higaaktaililutitluuniit. Higaayukkuvit, ihivriuqhiqtitpadjavakkit qaniitlu kigutiqarvikkilu aanniaruhiriaqhainik.

Takulugu Nunavut Qun'nguyuktut kangiqhittiarumaguvit qanuqtut munaqhitikharnik kiguutingnik qanikkut aanniaqtailitikhaniklu!

Qanikkut Aanniaqtailitikhat Ihivriuqhiqpaglutit

Ilangit hapkuat nunangit—Iqaluit, Kangiqliniq, Arviat, Ikpiaryuk—kiguhiqiyiqaqtut nunamingnittunik ukiuq naatugu. Aallat nunaginut tikitpaktut kiguuhiqiyit amihuiqtugalugu ukingani.

Nunavummiut ihivriuqhiqattaqpaktukhauyut kiguuhiqiyimit tikitkaikpata nunmingnut. Apiqhurlugit munaqhiqarviit kiguuhiqiyinit ikayuutikhainik nunangni.

Talvungaulutit qaritauyakkut Nunavunmi Qun'nguyuktut, (Nunavut Smiles) www.nunavutsmiles.ca kangiqhittiarumaguvit.