Tipaakuq

Tipaakut aannianaliqititiliqtuq Nunavunmiutat ilaqaqtunik nunalaangitlu.  Avatquhimayuq napanga Nunavunmiutat higaanginaqtun Nunavunmi puvaklungningit naunairutait amigaitqiyauliqtun Kanatami.

Tipaakuknik higaanginaqtunik hivuliqtigiliqtaat umaliurnikkut nikiiktitivakhunilu, aituihimaaqhuniklu talvuuna aanniarutmun puvaklungnirmik aanningnirlungnikkut (TB). Qaffiunuanik ilaqaqtunik Nunavunmi ayungnautiqayuitun tipaakuktuqtunik..

Nakuuyuq tuhaadjutikhaq taima ituq Nunavunmiutat mamigiaqaqtun higaakhimarnirmin. Inuit higaakhuikhimayut ikikliyumiktitivakhimayut aanniarnaitumik huigianganikluuniit higaarnirmin higaagungnaigaangamik qilaminuaq. Inulramiit higaayuitun higaagungnaiqpaktun inuuhiaini hivunganirmi. Nutaqqat biipiinuatlu naigaangamik higaaktun puuyurnik hiutaingit maqitpaktun aningnirlulikpakhutiklu. Higaagungnaitunik pidjutiqarniaqtun Nunavunmiunun - inungnik, ilaqaqtunik, nunalaangitlu.

Inuuhimaarnik Tipaakutuyuitunik - Higaagungnaiqtunik

Havakviangit Aanniaqtailiqiyitkut atuquhimaanginaqtun higaagunaiqtunik nunalaangit ikayuutikharnik inungnik kituliqaak ihumaliuqtunik higaagunaiqtunik. Havakvik aulahimaanginaqtun tipaakuktugungnaiqtunik, munagidjutikharnik, taimaaqtunik, higaaqpalaagungnaiqtuniklu.

Kangiqhittiarumaguvit tipaakuknik ikayuutikharniklu piumaguvit taimaagianganik:

  • Hivayaqlugu Nunavunmi Taimaarniaqhimayunik Higaarnik uvani 1-866-368-7848.
  • Munarhiliarlutin, uqaqqatigilugu Nunalaani Aanniaqtailinikut Kivgaktiunga (CHR), apigilugulu taaktit qanuq taimaagianganik higaarnik.
  • Kangiqhitiarutikhanun qiniqlugu “Tipaakuq Inikhaqangituq Hamani” Facebookmi.
  • Tipaakuq Inikhaqangituq Hamani” Auladjutikhaq Naunairutingnik Hanaqidjutikharniklu

Higaarnik Kangikhidjutikhangit

  • Higaangit aanniarutiluaqpaktuq. Taimaarniq higaarnik higaagungnaiqtuniklu ihuatqiyauyuq puvaknin aanniarutiqarnaitumik.
  • Atauhirnik tallimanik inungnik huiqpakhimayut Nunavunmi higaarnirmin.
  • Tipaakuqaqtunik atuinaqtun aituihimaanginaqtun hiamitirutingnik aanniarutmik puvaklungnirmik aanningnirlungnikkutlu (TB).
  • Taima 24nik ikaakninik higaagungnaigianganik, inuum inuuhiani umalungnikkut umalungnainiaqtun.                                      
  • Nunavunmiutat tautungniaqtun angirmik amigaitilaangat ukiunganik ilauniaqtun inuuhirminun ikikliyumirumik auladjutikhangit puvaklungnikkut aanniarutmin.