Avaaqhimaniq qaritami aanirutauyuq pipkaidjutivaktuq qaritaanutlu hungiutauluni ayuqhautinikluuniit—tadjakaffuk hivituyumikluuniin aallannguqtuq qanuqtun qarituayaq havakpaktuq.
Naunaitkutanginnik naunaitkutatlu uuminnga niaqumikni avaaqhimayuq
- Qauyimahuiqtuq
- Niaqurliuryuaniq
- Takpingadjiliruvit
- Ayuqhaliqat pihugiamini
- Ulapitaarniq
- Uqaqtuq kangikhirnaitumik
- Uqaqluliqaat
- Mihigilimaituq (tupallimaituq)
- Ilangit naunaitkutat takunaqniarunakhiyut 24-mik 72-mun ikaakninik aanirutanin.
- Ilihimaliruvin avaaqhimayuqaqtuq, munaqhivingmungauguit hivayarluginluuniin qilamiurutinut qilamik.
Qanuriliurutikhangit ikikliyumiqtitiyaangat Avaaqhimaniq
- Ulapqiruvin, atuqlugin atuquyauhimayut atuqpagainut maligluginlu maliktakhangit.
- Nahat aanirnaikutit atuquyauhimayut hapkuningamun hulilukaarutinik:
- Ulapqiyut aktungnautit, ukunanitut haaki
- Sikiituuq Handattuqtuqluuniin
- Baisikkaqtuq
- Akhaluutimiluuniin, nakuutqiaq aturiami ikhivauttanut taphiit.
- Munagilugin nutaqqat humi iyukkainaqniaqtuq, ukunanitut ulapqivingmi.
- Nutaraanuaqaqqan aimavingni pulaqtunluuniin: Ihumagiyukhauyutin iliuraqtukhaq hapukutirlugu qulaani ataanilu mayurautini, piqaqqan iglumni.
- Biasikkaqtut atuqpaktut naunaitkuhiqaqtunik aannuraangani talirnilu naunaitkutinik ikumaktaqtut/qaumaquttimikluuniin biasikkaqminun takuyauttiani taarmi.
Nahaq Aaniqtailinikkut Naunaitkutit
Nahat ikayuutauvaktut aanirnaitumik niaquqmun imatun 80-pusanik!
Pitquyauyut nutaqqat inirnirinlu atuqtukhat ihuaqtumik unguvallaituq nahaq, baisikkliruvin, hantakkut, sikiituukuluuniin.
Naunaiyami ihuaqtuq nahaq, aturlugu tamna 2V1 maliktakhaq!
- Tamna nahaq ihuaqtuq naunaiyumaruviuk malrunik uuktutigilugin inugainginik qulaani qablutin
- Tamna tirriqhaq V-mik piyuqhaq ataani hiutiptingni
- Atauhiq inugaq uuktuutigilugu namayakhanik pilaitkuntaanik tablupkitlu
