ᐊᕙᖃᑦᑕᕐᓂ

ᖃᕋᓴᒃᑯᑦ ᐊᓐᓂᖅᑐᕕᓂᐅᓗᓂ ᐊᕚᓚᐅᖅᓯᒪᓗᓂ ᖃᕋᓴᕐᒧᑦ ᐃᓕᖅᑯᓯᖅᓱᕈᓐᓂᕐᓇᖅᑐᖅ ᐊᔪᕈᑎᑕᕐᓇᖅᖢᓂᓘᓃᑦ − ᕿᓚᒥᐅᔪᒃᑯᑦ ᐃᓚᓐᓂᓗ ᐃᓕᖅᑯᓯᖅᓱᕈᓐᓂᕈᑕᐅᔪᓐᓇᖅᖢᓂ ᐃᓅᓯᓕᒫᕐᒧᑦ; ᖃᕋᓴᖅ ᐃᓕᖅᑯᓯᖅᓱᕈᓐᓃᓲᖅ.

ᖃᐅᔨᔾᔪᑏᑦ ᐊᒻᒪ ᐊᕚᖅᑐᕕᓂᖅ ᖃᓄᐃᓕᖓᓕᓲᖑᖕᒪᖔᖅ

  • ᖃᐅᔨᒪᔪᓐᓃᖅᓯᒪᓗᓂ
  • ᓂᐊᖁᙳᓂᖅ ᐋᓐᓂᕐᓇᖅᑐᐊᓗᖕᒥᒃ
  • ᑕᐅᑐᑦᑎᐊᕈᓐᓃᕐᓂᖅ
  • ᐱᓱᒍᓐᓇᑦᑎᐊᖏᓪᓗᓂ
  • ᓇᓗᓕᐅᒪᓗᑎᑦ
  • ᑐᑭᖃᙱᑦᑐᓂᒃ ᐅᖃᓪᓚᑲᑕᓕᕐᓗᑎᑦ
  • ᐅᖃᓪᓚᒍᓐᓇᑦᑎᐊᙱᓪᓗᓂ
  • ᑭᐅᙲᓐᓇᓕᕐᓗᓂ (ᑐᐹᕈᓐᓇᐃᓪᓕᓗᒍᓘᓃᑦ)

ᖃᓄᐃᑦᑐᕕᓂᐅᓐᓂᕐᓗᓂ ᖃᐅᔨᓐᓇᖅᑐᖅ ᐃᓚᖏᓐᓂ ᐃᑲᕐᕋᐃᑦ 24-ᒥᑦ 72−ᓄᑦ ᐊᓂᒍᖅᓯᒪᓕᖅᑎᓪᓗᒋᑦ ᐊᕚᓚᐅᖅᓯᒪᓐᓂᕐᓗᓂ.

ᐊᕚᓚᐅᕋᓱᒋᓐᓈᒍᕕᑦ ᑭᓇᒥᒃᑭᐊᖅ, ᐋᓐᓂᐊᕐᕕᓕᐊᕐᓗᑎᑦ ᐋᓐᓂᐊᓯᐅᖅᑎᓂᒃ ᑐᐊᕕᕐᓇᖅᑐᓕᕆᔨᓂᓘᓃᑦ ᑐᓴᖅᑎᑦᑎᑲᐅᑎᒋᓗᑎᑦ.

ᐃᒪᓐᓇ ᐊᕚᖅᓯᒪᔪᕕᓂᐅᓗᑎᑦ ᐊᑲᐅᓯᕚᓪᓕᕈᓐᓇᖅᐳᑎᑦ

  • ᐃᖃᐃᓕᓴᕐᓂᒃᑯᑦ ᐱᙳᐊᖃᑕᐅᖃᑦᑕᕈᕕᑦ, ᑎᓯᔪᒥᒃ ᓇᓴᖅᓯᒪᓗᑎᑦ ᐊᓐᓄᕌᓂᒡᓘᓃᑦ ᐋᓐᓂᔾᔭᐃᒃᑯᑎᓕᖕᓂᒃ ᐊᑐᖅᐸᒡᓗᑎᑦ ᐊᒻᒪ ᖃᓅᖁᔭᖏᓐᓂᒃ ᒪᓕᒃᐸᒡᓗᑎᑦ.
  • ᓇᓴᐃᑦ ᑎᓯᔪᑦ ᐊᑐᖃᑦᑕᖁᔭᐅᔪᑦ ᑕᒪᒃᑯᓂᖓ ᐱᓕᕆᓂᐊᖅᑎᓪᓗᑎᑦ:
    • ᑐᓗᖃᑦᑕᕐᓂᐊᕐᓗᑎᑦ ᐃᖃᐃᓕᓴᕐᓂᒃᑯᑦ, ᓲᕐᓗ ᕼᐋᑭᕐᓗᑎᑦ
    • ᐊᖁᓪᓗᑎᑦ ᐃᑭᒪᓗᑎᓪᓘᓃᑦ ᐃᖏᕐᕋᔾᔪᑎᒥᒃ ᑎᓴᒪᓕᖕᒥᓪᓘᓃᑦ
    • ᐸᐃᓯᑰᕐᓂᐊᕈᕕᑦ
  • ᓄᓇᓯᐅᑎᒥᓘᓃᑦ, ᖁᐊᖅᓵᕐᓇᙱᓐᓂᖅᓴᐅᔪᖅ ᐃᑭᒪᔪᓕᒫᑦ ᓇᕿᑕᕆᓯᒪᓗᑎᒃ. 
  • ᓄᑕᖅᑲᐃᑦ ᒥᑭᑦᑑᑎᐅᔪᓪᓗ ᐅᔾᔨᖅᓱᖅᐸᒡᓗᒋᑦ ᑲᑕᖕᓇᖅᑐᖃᖅᐸᑦ, ᓲᕐᓗ ᐊᓃᕋᔭᒡᕕᖕᒥ.
  • ᓄᑕᖅᑲᓂᒃ ᐃᒡᓗᒥᐅᑕᐅᖃᑎᖃᕈᕕᑦ ᐅᒡᓚᖅᑕᐅᖃᑦᑕᕈᕕᓪᓘᓃᑦ:  ᒪᔪᕋᐅᑏᑦ ᖁᓛᓂ ᐊᑖᓂᓘᓃᑦ ᓯᒥᓕᕐᓗᒍ, ᒪᔪᕋᐅᑎᖃᖅᐸᑦ ᐃᒡᓗᐃᑦ.
  • ᐸᐃᓯᑰᒃᑯᑦ ᐃᖏᕐᕋᔭᓲᑦ ᐊᓐᓄᕌᖅᓯᒪᖃᑦᑕᕆᐊᓖᑦ ᕿᓪᓕᖅᑐᖃᖅᑐᓂᒃ ᑕᓕᐊᒍᓪᓘᓃᑦ ᓇᓗᓇᐃᒃᑯᑕᓕᖕᒥ ᐊᒻᒪᓘᓃᑦ ᖃᐅᒻᒪᖁᑎᓕᕈᓐᓇᖅᑕᐃᑦ ᐸᐃᓯᑰᕆᔭᐃᑦ ᑖᖅᑎᓪᓗᒍ ᑕᑯᑦᑎᐊᕈᓐᓇᕐᓂᐊᕋᕕᑦ.

ᑎᓯᔪᒥᒃ ᓇᓴᕐᒥᒃ ᖃᐅᔨᒪᔭᕆᐊᓖᑦ

ᑎᓯᔪᐃᑦ ᓇᓴᐃᑦ ᖁᐊᖅᓵᕐᓇᖅᑐᒥᒃ ᐸᓚᖅᑎᑦᑎᔪᓐᓇᕐᒪᑕ ᓲᕐᓗ ᐋᓐᓂᖅᑐᖃᕋᓗᐊᖅᐸᑦ ᓂᐊᖁᖓᒍᑦ 80%−ᒥᒃ ᖃᓄᐃᙱᑉᐹᓪᓕᕈᓐᓇᕐᒪᑕ.

ᐊᑐᖁᔭᐅᓲᖑᔪᖅ ᓄᑕᖅᑲᐃᑦ ᐃᓐᓇᐃᓪᓗ ᓈᒻᒪᒡᔫᒥᔪᒥᒃ ᓇᓴᖅᓯᒪᕙᒡᓗᑎᒃ ᑎᓯᔪᒥᒃ, ᐸᐃᓯᑰᕋᓗᐊᕈᑎᒃ, ᑎᓴᒪᓕᒃᑰᕋᓗᐊᕈᑎᒃ, ᐅᕝᕙᓘᓃᑦ ᓯᑭᑑᕋᓗᐊᕈᑎᒃ.

ᑎᓯᔪᖅ ᓇᓴᕆᔭᐃᑦ ᓈᒻᒪᒋᒐᓗᐊᕐᒪᖔᖅ,2V1 ᐊᑐᐊᒐᖓ ᒪᓕᒡᓗᒍ! .

  • ᓇᓴᕆᔭᐃᑦ ᐃᕝᕕᑦ ᖃᓪᓗᖏᓐᓂ ᐅᖓᓯᒃᑎᒋᓪᓗᐊᖅᑐᖅ ᒪᕐᕉᒃ ᐃᓄᒐᙳᐊᑎᑦ ᓇᓕᒧᖓᓂ
  • ᐃᐱᐅᑕᖓ ᓯᐅᑎᖕᓂᒃ ᐊᕙᓗᓪᓗᐊᖅᑐᖅ V−ᓚᓯᒪᓕᕐᓗᓂ
  • ᐊᑕᐅᓯᕐᒥᒃ ᐃᓄᒐᙳᐊᕐᒥᒃ ᐃᓂᖃᓪᓗᐊᖅᑐᖅ ᐃᐱᐅᑕᖓ ᑕᓪᓗᖕᓄᑦ