Inuuhirmut hivuurannaqtut qayangnarniillu

RackCards_Illustrations_EffectsOnBody copy_op_1.png

Hivituyuq-kiklia hulaqutait uyarangnaqtut nauhimayut atungnirit #

Taimaangugaluaq haffumuuna uyarangnaqtukkut nahimayunik atuqtauyaaqtuq havautitut qanuriniitigut, hivituyumik-kiklia atuqpalaangniqlu ihuangitumik inuuhirmun hulaqutauniaqtuq. Ataani titiraqhimayut ilangit hivituyut-kikliit qayangnautait uyarangnaqtutigut nauhimayunik atungnirit.

  • Angikliyuumirutiyut qayangnautit pidjutauyut uvaluuniin ingataqhutik ihumakkut inuuhirmi aanniartinik. Hapkua ilauyut qilanaangniq uvalu ingumainarniq. Piqaghunilu anginigharmik qayangnautinik takuyaami, tuhaayaami, mihigimanirmiklu hunanik tahamaniingitunik (ihumainiq).

FB_2018Posts_Batch01_Nobackground_Post11 copy_op_0.png

  • Angikliyuumiqhunilu qayangnautit ipiralainirmun atuliqhugillu piumainarnirit atugluarungnairumik taimaarupkillu.
  • Ayuqhaliqhuni itqaumayaami hunanik, ihumaliurnirmik ayuqhautiqaliqhuni, naalatiaruiqhutik.

           FB_2018Posts_Batch01_Nobackground_Post08 copy_op_2.png       

  • Angikliyuumiqhunilu qayangnautit aniqhaaktarnirmun ayuqhautinik higaarnirmik uyarangnaqtunik nauhimayunik.
    • qalakhuqtuq
    • an'ngayuktutut iliblutik
    • ivyannguhuktuq
    • hukatutut iliblutik qattigat
    • inngatautipluni aniqniqmi anniarutiqaqat
  • Inuuhirmun ayuqhautiqaliqhutik uyarangnaqtunin nauhimayunin ingatarutiyut atungnikkut uyarangnaqtunik nauhimayunik:
    • aturaanginarnirmik inulramiubluni
    • ubluq tamaat uvaluuniin tamavyaa ublup
    • angijunik aktilanginnik

Qayangnautit uyarangnaqtunik nauhimayunik atungnirit inulramiit #

Pitquyauyuq tapkua nutaqqat inulramiillu atungilugit uyarangnaqtut nauhimayut aktuqhimangilutiluuniin tuglirmun-puyuanun uyarangnatut nauhimayut puyuanun. Hapkua pitqudjutit havaktauhimayut kitunun qanuriniinun:

  • Ilanga qaritap aulahimaaqtumik pivalliayuq tikitinagu 25 ukiuni. Uyarangnaqtut nauhimayut aalanguqtirutauyut ilangani qaritap. Una ayuqhautauniaqtuq ihumanirmun uvalu ihumaliuriangani ayuqhautiqaliqlutikllu munariyaangini mihingnautit. Kinali atuqpalaarumi uyarangnaqtunik nauhimayunik inulramiublutik qaritailu pivalliatilugit, ilangit hapkua aalanguqtirnirit ahinungalimaitut.
  • Atulirniq uyarangnatunik nauhimayunik inulramiublutik angikliyuumiqtut qayangnautit huungituliqinirmun ihumaklungnirmun. Una qanurinia humi inuk ihumaa naluqhaliqhuni mihigimablutiklu, tautukhutik, tuhaablutik hunanik ingitunik. Angikliyuumirutiyuqlu qayangnautinun pivallianirmun ingataghuniluuniin aalat ihumakkut aanniarnirmun ingumanirmun qilamiurnirmunu.
  • Uyarangnatqunik nauhimayunik atungniq ayughautauyuq ilinirmun, kitut hulaqutiginiaqtaat iliharvingni puqtuniinun.

Aghuungnaqtuq tapkua inulramiit ilihimalutik mikhiyuumiqlugit qayangnautait uyarangnaqtut nauhimayut atungnirit ihumaliurumik atuliqlugit. Pitquyauyut mikhiyuumiriangini qayangnautit uyarangnaqtutigut nauhimayunik atungnirit inulramirnun paqinaqtut hamani: The Blunt Truth: Useful tips about safer ways to use cannabis

Ilituriyaangani qayangnautait uyarangnaqtut nauhimayut atungnikkut inulramirnun, naqilugu hamna.

Qayangnautait uyarangnaqtut nauhimayut atungnikkut hingaiyanun iviangirninlu maamaktitiyunun angnat #

RackCards_Illustrations_Pregnancy.png

Qayangnaitqiaq atuqtailugu uyarangnaqtut nauhimayut hingaiyaqtiluni iviangirninlu maamaktitiyunun taimaali nakuungiutigihungungmagu nutaranuap angiklivalianiranun.

  • Atungniq uyarangnaqtunik nauhimayunik hingaiyautiluni hulaqutiginiaqtaa qaritaa nutaranuap pidjutiginiaqtaa ayuqharnirmik ihumanirmik, iliharnirmik, munaridjutinunlu idjuhirnun.
  • Ilituriyauyuq tapkua nutaqqat aktuqhimayut uyarangnaqtunik nauhimayunik hingaiyaublutik atungniaqtut qakugu inuuhirmingni.
  • Uyarangnaqtut nauhimayunik atungniq hingaiyautiluni pidjutiginiaqtaa nutaranuap uqitumik inuuniaqtut.
  • THC hivuuranaqtuq uyarangnaqtut nauhimayuni aangayaalautauyuq. THC unalu aalat hivuuranaqtut hapkunani uyarangnaqtut nauhimayut aulayut iviangip miluanun iviangirnin mamaktitiyunun maamagt nuutiqtuq nutaranuamun maamaktilugu. Qayangnaitqiaq atuqtailuni uyarangnaqtut nauhimayunik iviangirnin mamaktitibluni.

Ilvit kinaluuniin ilihimagungni atuqtuq aangayaangnaqtunik hingaitilugit uvaluuniin iviangirnin maamaktitiyut, tuuliirutiqangituq ikayuqtighaqhiuqluni. Piqaqtuq piyakhanik uvalu ikayuqtughalik piinarialingnik. Akiittuq, hiamitirnaittumik ihumamitigut aanniaqtailinirmut ikayuutikhaq piinarialik tamainni munaqhitkunnit.

Uqainariaqaqtutillu ukpiriyarnut ilannarnut, ilangnut, Inirnikhanut apirilugit ikayuqtauyumayutit. Atiit uqarumangitkungni ikayuqtaugumaguvit, hivayarlugu Nunavut Kamatsiaqtut Ikayuutikhaq akiitukkut uumani 1-800-264-3333.

Naqilugu hamna iliturittiariami mikhaanun qayangnautit uyarangnaqtut nauhimayunik atungnikkut hingaiyautiluni.

Akhuvallaaq aturumiuk higaarlungnik qanurilitjutauniaqqa inungmut? #

  • Atuqpalaarnirmun amigaitumik uyarangnaqtut nauhimayumik aannialaqidjutauyuq. Atungniq amigaitpalaamik uyarangnaqtut nauhimayunik mirialaqutigiyat akiaruqliurutigilugulu aghut. Hapkua mihingnautait qanuriniit taiyauhimayu imaa “cannabis hyperemesis syndromemik”. Amigaitut inuit kitut uunaqtumut tighalaarunmun uarniq naamakhidjutigivagaat.
  • Kinali huiqhimayuqangituq atuqpalaarnirmun uyarangnaqtunik nauhimayunik. Piqaqtuq ilanginik maligakuungitut aangayaangnaqtut taiyauyut imaa synthetic cannabinoidsnik. Uuktuutit ilauyut Spice unalu K2. Hapkua havaktauhimayut hivuuranaqtunik piqaqhimayut ilihimanaluangitut humi inuit tapkua atuqpakhimayait hunat aannialaqiryuaqhimayunik huiqhimayunikluuniin.
  • Atuqpalaangniq uyarangnaqtunik nauhimayunik aghut mihingnautinik imaatun qilanaarnirmik, qilamiurnirmik, quglukhimanirmik, huungituniklu tautukhutik. Una qanurinia humi inuk ihumaa naluqhaliqhuni mihigimablutiklu, tautukhutik, tuhaablutik hunanik ingitunik.

Uyarangnaqtut nauhimayut unalu Tibaakuqlu #

Uyarangnaqtunik nauhimayunik qayangnailuangituq himautigilugu tibaakungmun. Uyarangnaqtunik nauhimayunik tibaakullu piqaqtut amigaitunik aadjikiiktunik hivuuranaqtunik. Hapkua hivuuranaqtut hivvuranangniaqtut ayuqhautinun aniqhaaktarnirmun. Atayullu kaansurnirmun.

Inuit kitut higaaqtut uyarangnaqtunik nauhimayunik hiluqtaqtut aghut ilumiitugulu puvangniighaaqhugit puyuit. Una naunaiyautaa piqaghutik angitqiamik aktungnirmun hapkununga hivuuranaqtunun.

Tibaakutut, inuit hulaqutiginiaqtaat tuglirmik-puyuanin uyarangnaqtunin nauhimayunin puyua. Kinali iniqukitumi nayugaani anighaagumiuk puyuq, aangayaarutigivyangniaqtaa. Taimaalu, inuk atuyuittuq uyarangnaqtunik nauhimayunik ilituriyauniaqtuq higaarluqaqtuq qua aniqhaangnirmun tugliup-puyuanik uyarangnaqtup nauhimayup.

Iliturittiarumaguvin hulaqutainun uyarangnaqtup nauhimayukkut timimun, naqilugu hamna.

Uyarangnaqtupt nauhimayut aqunirmunlu #

FB_2018Posts_Batch01_Nobackground_Post09 copy_op.png

Hivuuranaqtuq atuglugu uyarangnaqtut nauhimayut aqulunilu. Ihuirutibluni ingutaanirmun qilamiuriamilu. Itqaumanirmun uvalu tuhaaluarungnaiqhunilu hulaqiniaqtut. Tamaita hapkua aqutaami hivuurnaqtuq. Aangayaaqtut aqutut hivuuranaqtut inungnun uhitiqtunun, aalanun aghaluutituqtunun apqunmi, pihuktununlu.

Aqutut aangayaaqumik angikliyuumirutiyut qayangnautinun ihuinarnirmun imaa malrungnik pingahunikluuniin. Qayangnautit ihuinaarnirmun angikliyuumiqhutik humi inuk avguigumi aturniranun uyarangnaqtut nauhimayut taangamiklu.

Atungniq uyarangnaqtunik nauhimayunik aalaniklu hivuuranaqtunik angikliyuumiqtuq hulaqutait hapkua aangayaangnaqtut kitut angiliyuumiqhutiklu aannirnirmun huingnirmunlu ihuinnaarnirmun.

Iliturittiarunaguvin qayangnautikkut uyarangnaqtut nauhimayut atungniit aqutunun, naqilugu hamna.

Qanuqtut mighiyuumirniaqigu qayangnautit uyarangnaqtunik nauhimayukkut atungnirit? #

Atunginiq uyarangnaqtunik nauhimayunik nakuutqiaq pittailidjut qayangnautinun. Ihumaliuruvin atuqlugu uyarangnaqtunik nauhimayunik, mighiyuumirutiginiaqtatit qayangnautit malikluit mikghiyuumirutikhat qayangnautinun pitquyauyut havautaungitunun uyarangnaqtunik nauhimayunik atuglugu ataani.

  • Uuktuqlugu mikiyumik hivulirmik uukturiangani hakugingnia uyarangnaqtuq nauhimayuq atuqtat. Nutaqiuqlugu mihingnautaa ihumaliuqtinatit atuffaaqlugu.
  • Atuqtailugu uyarangnaqtut nauhimayut angiyunik piqaqtut THCmik taimaalu hapkua jhunat ingatautiginiaqtat inuuhirnun. Paqinahuaqlugit hunat tapkua mikiyuqaqtut THCmik anginigharmiklu CBDmik. Naqilugu hamna iliturittiarutikhanun THCkkut unalu CBD.
  • Atuqtailugit hunat atiqaqtut imaa synthetic cannabinoidsnik. Uuktuutit ilauyut Spice unalu K2. Havaktauhimayut qayangnaqtunik hunanik. ilihimayauyut pidjutauyut inuuhirmun ayuqhautinun, ilauyut huirutauvaktut.
  • Aturuiqlugit uyarangnaqtut nauhimayut aghaluutiturahuaruvin. Ilauyut, aghaluutit, aghaluutiryuat, haatat, sikiituut aalat auladjutit.

RackCards_Illustrations_Wait6Hours copy_op.png

  • Atungnahaangnahuaqlugu uyarangnaqtut nauhimayut atuqtailugu nutarautilutit, tikitinagu ukiuq 16. Atungnahaarniq uyarangnaqtunik nauhimayunik, mikhiyuumirutiyuq qayangnautinun inuuhirnun.
  • Higaaqtailutit uyarangnaqtunik nauhimayunik. Higaangniq nakuungiutiyuq aniqhaaktarnirmun. Ilihaqlugit qayangnautait atungnikkut uyarangnaqtut nauhimayut aalatigut atungniit.
  • Aturuiqlugit uyarangnaqtut nauhimayut ubluq tamaat. Aturahuarungni, attauhirmik havainirmik ikitqiaqluuniin pitquyauyuq.

RackCards_Illustrations_NotMoreOnceWeek copy_op.png

  • Atuqtailugu uyarangnaqtut nauhimayut ilvit ilatilluuniin ingilraanin ihumakkut aanniarutiqaqata. Pittailiyakhat ingilraanin piqaqqat aangayaaqtunik taangarnunluuniin ipiralaiqhimayuqaqat.
  • Atuqtailugu uyarangnaqtut nauhimayut hingaiyaqhimaguvin iviangirninluuniin maamaktitiguvin. Uyarangnaqtut nauhimayut ihuangitumik hivituyumiklu hulaqutiginiaqtaa nutaranuap.

RackCards_Illustrations_Pregnancy_0.png

  • Ihumaliuruvin higaaqlutit uyarangnaqtunik nauhimayunik, hiluqtailugu aghut, una anginiqharmik aktilaanganik huvuuranaqtut tapkua puvvak aniqhaaktuqtaa.
  • Atuqtailugu uyarangnaqtut nauhimayut tibaakullu. Una anginiqhanguutauyuq inuuhirmun qayangnautinun aniqhaakturiamilu ayungnaqhidjutauyuq.

RackCards_Illustrations_NotMixWithAlcoholMedication copy_op.png

Attautikkut atugahaungitut uyarangnaqtut nauhimayut aalanun aangayaangnaqtunun taangamunlu. Una ilauyuq havautit. Kangiqhidjutinun qanuq mikhiyuumirutikhanun qayangnautinun atungnikkut uyarangnaqtut nauhimayut inulramirnun iningnirnunlu naqilugit atadjutait ataani.

Inirnirit: 10 Ways to Reduce Risks to Your Health When Using Cannabis
Inulrammiit: The Blunt Truth: Useful tips about safer ways to use cannabis