200 ᐅᖓᑖᓂᑦ ᖁᐱᕐᕈᐊᕐᔪᐃᑦ ᐃᓅᓕᓴᒐᒃᓴᐅᙱᑦᑐᑦ ᓄᕙᖕᓂᐅᔪᓐᓇᖅᐳᖅ. ᓄᕙᖕᓇᒐᔪᖕᓂᖅᐹᖑᕗᖅ ᐅᑭᐅᒃᑯᑦ ᐅᐱᕐᖓᒃᓵᑯᓪᓗ. ᓄᕙᓕᖅᐊᓪᓕᐊᓂᖅ ᐅᓪᓗᖅ ᐊᑕᐅᓯᐅᑉ ᐅᕝᕙᓘᓐᓃᑦ ᒪᕐᕉᒃ ᐅᓘᒃ ᐃᓗᐊᓂ. ᓄᕙᖕᓂᖅ ᐱᓇᓱᐊᕈᓯᓕᒫᖅ ᐅᕝᕙᓘᓐᓃᑦ ᒪᕐᕉᒃ ᐱᓇᓱᐊᕈᓰᒃ ᐊᑯᓂᐅᑎᒋᒐᔪᒃᐳᖅ.
ᓇᓗᓇᐃᖅᑕᐅᔾᔪᑏᑦ ᓄᕙᖕᓂᕐᒧᑦ
- ᑲᒃᑭᓕᑲᑕᒡᓗᑎᑦ,
- ᐃᔩᒃᑭᒃ ᐊᐅᐸᕐᓗᑎᒃ
- ᑕᒋᐅᒃᓴᑲᑕᖕᓂᖅ
- ᐃᒡᒋᐊᕐᓗᖕᓂᖅ
- ᖁᐃᖅᓱᑲᑕᓂᖅ
- ᓂᐊᖁᙳᓂᖅ
- ᓴᐅᓂᙳᓗᑎᑦ
ᐅᓗᕆᐊᓇᖏᑉᐹᓪᓕᖅᑎᓐᓂ ᓄᕙᖕᓇᖅ
- ᐊᒡᒑᒃᑭᒃ ᐃᒥᕐᒧᒻ ᐅᐊᓴᐅᑎᖃᕐᓗᑎᑦ ᐃᕐᒥᒃᐸᒡᓗᒋᒃ − ᐃᓄᒋᐊᒃᑐᒃᑯᕕᖕᒥᑦ ᐱᓗᐊᖅᑐᒥ
- ᓂᕆᑦᑎᐊᓂᖅ ᓯᓂᑦᑎᐊᖅᐸᒡᓗᑎᓪᓗ.
- ᐊᒡᒑᑭᒃ ᖃᓂᕐᓄᐊᖅᐸᖏᓪᓗᒋᑦ, ᐃᔨᖕᓄᐊᖅᐸᖏᓪᓗᒋᒃ ᓱᕐᓗᖕᓄᐊᖅᐸᖏᓪᓗᒋᓪᓗ.
- ᖃᓃᑦ ᓱᕐᓘᑭᒡᓗ ᓯᒥᒃᐸᒡᓗᒋᑦ ᐊᐃᖕᓄᑦ ᑲᑭᐅᒻᒧᓪᓘᓐᓃᑦ ᖁᐃᖅᓱᓕᕌᖓᕕᑦ ᑕᒋᐅᒃᓴᓕᕌᖓᕕᓪᓘᓐᓃᑦ.
- ᓯᒡᒐᓕᐊᖅᑐᙱᓐᓂᓴᐅᓗᑎᑦ ᓄᖃᕐᓗᑎᓪᓘᓐᓃᑦ. ᓱᐴᖅᑐᖅᑐᖃᖅᑎᓪᓗᒍ ᐳᔪᖓᓃᑦᑕᐃᓕᒪᓗᑎᑦ, ᐊᔪᕐᓇᙱᒃᑳᖓᑦ.
ᓄᕙᖕᓇᖅ ᒪᒥᓴᕐᓂᖅ
- ᑕᖃᐃᖅᓯᑎᐊᕐᓂᖅ.
- ᐃᒥᑲᑕᐃᓐᓇᕐᓗᑎᑦ − ᐃᒥᑐᐃᓐᓇᕐᒥ (ᐆᓇᖅᑐᒥ ᓂᒡᓕᓇᖅᑐᒥᓪᓘᓐᓃᑦ), ᑏ, ᖃᔪᕐᓂᓪᓗ.
- ᑲᒃᑭᐅᑎᓂᒃ ᐃᒡᒋᑦᑐᓐᓇᖅᑐᓂᒃ ᐊᑐᕐᓗᑎᑦ.
- ᐃᒡᒋᐊᕐᓗᒃᑯᕕᑦ ᐆᓇᔪᒃᑐᒥᒃ ᐃᒥᕐᒥ ᑕᕆᐅᓕᖅᓯᒪᔪᒥᒃ ᐃᕐᕈᑐᕐᓗᒍ ᖃᓃᑦ.
- ᐃᒡᓗᐃᑦ ᕿᐅᒃᑲᖓᑎᔾᔫᒥᓗᒍ. ᐃᒡᓗᕈᓯᕐᓂ ᕿᐅᒃᑲᖓᔾᔪᑎᒥᑦ ᐊᑐᖅᐸᒡᓗᑎ ᐅᕕᓂᖕᓂᐊᑯᑖᒃᐸᒡᓗᑎᓗ.
- ᐱᔭᕆᐊᖃᖅᐸᑦ, ᓄᕙᒃᑐᓯᐅᑎᓂᒃ ᐃᖢᐊᖅᓴᐅᑎᓂᒃ ᐱᕙᒡᓗᓂᑎᑦ. ᒪᓕᑦᑎᐊᖅᐸᓗᒋᑦ ᓇᓗᓇᐃᔭᐃᔾᔪᑏᑦ. ᐄᔭᒃᑲᑦ ᐊᒃᑐᐃᓂᖃᕈᓇᕐᒪᑕ ᐱᓗᐊᕐᓗᒋᑦ.
- ᓂᐊᖁᖅᓯᐅᒻᒥᒃ (ᐋᔅᐳᕆᓐ) 20−ᐅᑉ ᑐᖔᓂᑦᐊᕐᕌᒍᓕᓄᑦ ᐱᑎᑦᑎᑕᐃᓕᓗᑎᑦ. ᐊᒃᑐᐊᓂᖃᕐᒪᑦ Reye syndrome, ᐋᓐᓂᐊᓕᕐᔪᐊᖑᔪᖅ ᑎᖑᖕᒧᑦ ᖃᕋᓴᒧᓪᓗ ᐊᒃᑐᐃᓂᖃᖅᑐᖅ.
ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᐸᑎ ᓱᓕ ᓴᐅᓂᙳᑲᑕᒃᑯᕕᑦ ᐋᓐᓂᐊᕕᓕᐊᖁᔪᖅ.
