ᑭᓲᕙ ᓄᑕᕋᓛᑉ ᐃᒡᓕᖓ?
ᓄᑕᕋᓛᕐᒧᑦ ᐃᒡᓕᖅ ᕿᑐᑦᑐᒐᐅᔭᐅᔪᖅ ᐃᒡᓕᓕᐊᕆᓯᒪᓪᓗᓂ ᐋᓪᓕᐊᑯᓗᖃᖅᑐᖅ ᓄᑕᕋᓛᖁᑎᕕᑦ ᐃᒡᓕᕆᔪᓐᓇᖅᑕᖓ.
ᑭᓱᓂᒃ ᐃᓚᖃᒃᑲᓐᓂᕐᒪᑦ ᓄᑕᕋᓛᑉ ᐃᒡᓕᖓ?
ᑖᓐᓇ ᕿᑐᑦᑐᒐᐅᔭᖅ ᐃᓗᓕᖃᐅᖅᑐᖅ ᓄᑕᕋᓛᑉ ᐱᒃᓴᖏᓐᓂᒃ ᐊᒻᒪ ᐊᖓᔪᖅᑳᖏᑕ ᐱᒃᓴᖏᓐᓂᒃ − ᖁᐃᖏᓕᓴᐃᑦ, ᐊᓐᓄᕌᑦ, ᐋᓐᓂᐊᖅᑕᐃᓕᒪᔾᔪᑏᑦ, ᐃᕐᓂᓵᖅᑐᕕᓂᖅ ᐊᓈᓇᐅᔪᒧᓪᓗ, ᐊᒻᒪᓗ ᐅᖃᓕᒫᒐᒃᓴᖃᕆᓪᓗᓂ.
ᓄᑕᕋᓛᑉ ᐃᒡᓕᖓ ᐊᑭᖃᖅᐸ?
ᓄᓇᕗᒻᒥᐅᓕᒫᓄᑦ ᐊᑭᖃᙱᑦᑐᖅ ᓄᑕᕋᓛᒃᓴᓕᖕᓄᑦ, ᐊᒻᒪᑕᐅᖅ ᑎᒍᐊᖅᓯᐅᔪᓄᑦ.
ᖃᓄᕐᓕ ᓄᑕᕋᓛᑉ ᐃᒡᓕᖓᓂᒃ ᐱᔪᓐᓇᕋᕕᑦ?
ᓄᑕᕋᓛᕐᒧᑦ ᐃᒡᓕᖅᑖᕈᒪᒍᕕᑦ ᐊᖓᔪᖅᑳᖓᔪᑦ ᓄᑕᕋᒃᓴᖃᕐᓂᕐᒧᑦ ᐋᓐᓂᐊᕐᕕᓕᐊᖃᑦᑕᕆᐊᖃᖅᑐᑎᑦ ᐊᑎᓕᐅᖅᑕᐅᔪᒪᓗᑎᓪᓗ ᐃᖢᐊᖅᓴᐃᔨᒧᑦ ᐃᕐᓂᓱᒃᓰᔨᒧᓪᓘᓃᑦ ᐱᓇᓱᐊᕈᓯᖃᓕᖅᐸᑦ ᓄᑕᕋᒃᓴᐃᑦ 30−ᓂᒃ.
ᖃᖓᒃᑯᑦ ᓄᑕᕋᓛᑉ ᐃᒡᓕᖓᓂᒃ ᓂᕆᐅᒍᓐᓇᕋᔭᖅᐱᑦ?
ᕿᑐᑦᑐᒐᐅᔭᖅ ᑎᑭᓪᓗᐊᖅᑐᖅ ᓱᓕ ᓄᑕᕋᓛᖅ ᐃᓅᓚᐅᙱᓐᓂᖓᓂ, ᓲᕐᓗ ᐊᓈᓇᐅᔪᖅ ᐃᕐᓂᔭᖅᑐᓚᐅᖏᓐᓂᖓᓂ ᓄᓇᖓᑕ ᐊᓯᐊᓄᑦ.
ᖃᖓᓕ ᐊᑐᖅᑲᑦᑕᕈᓐᓃᕆᐊᖃᖅᐸ ᓄᑕᕋᓛᑉ ᐃᒡᓕᖓ?
ᐅᓄᕐᓂᖅᓴᐃᑦ ᓄᑕᕋᓛᓖᑦ ᐊᑐᖃᑦᑕᕈᓐᓃᓲᑦ ᐃᒡᓕᕐᒥᒃ ᓄᑕᕋᓛᖅ ᑕᖅᑭᖃᓕᕌᖓᑦ ᑎᓴᒪᓂᒃ ᐊᕐᕕᓂᓕᖕᓄᑦ. ᖁᐊᖅᓵᕐᓇᖅᓯᔪᓐᓇᖅᑐᖅ ᓄᑕᕋᓛᖅ ᐃᒻᒥᓂ ᒪᑭᑦᑐᓐᓇᖅᓯᒍᓂ ᐃᒃᓯᕚᕈᓐᓇᖅᓯᒃᐸᑦ.
ᓄᑕᕋᓛᑉ ᐊᖏᓗᐊᓕᖅᐸᓪᓕ, ᕿᑐᑦᑐᒐᐅᔭᖅ ᐱᖁᑎᒃᑯᕕᒋᔭᐅᓕᕈᓐᓇᖅᑐᖅ.
