ᖃᓄᖅ ᓱᕐᕋᖕᓇᖅᑐᐃᑦ ᑎᒥᖕᓄᑦ ᐊᒃᑐᐃᓂᖃᖅᐸᒃᐸ? #
ᖃᓄᐃᔾᔪᑕᐅᕙᒃᑐᑦ ᓱᕐᕋᖕᓇᖅᑐᑦ ᑎᒥᒧᑦ ᒪᓕᒃᐳᑦ ᐃᓄᖕᓂᑦ, ᖃᓄᐃᑦᑐᓂᑦ ᓱᕐᕋᖕᓇᖅᑐᓂᑦ, ᖃᓄᑎᒋᓗ ᐊᑐᖅᑎᒋᖕᒪᖔᖅ. ᓱᓕᑦᑕᐅᖅ ᑭᓱᒃᑲᓐᓂᖅᑐᖅᐸᖕᒪᖔᖅᐱᑦ ᖃᓄᐃᔾᔪᑎᐅᒃᑲᓐᓂᕋᔭᕆᕗᑦ ᖄᒃᑲᓐᓂᐊᒍᑦ. ᑎᒥᖕᓄᑦ ᐊᒃᑐᐃᓂᖃᕐᓂᖓᓕ ᓲᕐᓗ ᐊᑕᐅᑦᑎᒃᑯᑦ ᐃᒥᐊᓗᒃᑐᕈᕕᑦᑕᐅᖅ ᐊᓯᖏᓐᓂᒡᓘᓃᑦ ᐱᖃᓯᐅᑎᒍᕕᑦ ᐊᓯᐊᓂᒃᑕᐅᖅ ᐊᒃᑐᐃᓂᐊᕆᕗᖅ ᐃᓕᖕᓄᑦ. ᓱᕐᕋᖕᓇᖅᑐᒥᒃ ᐱᓚᐅᖅᖢᓂ ᑎᒥᒧᑦ ᖃᕋᓴᕐᒧᓪᓗ ᖃᓄᐃᔾᔪᑕᐅᕙᖕᒪᑦ ᐊᓯᔾᔩᓪᓗᓂ. ᕿᓚᒥᐅᔪᒧᑦ ᐊᒃᑐᐃᓂᖃᕐᓂᖓ ᓱᕐᕋᖕᓇᖅᑑᑉ ᐃᓚᖃᕈᓐᓇᖅᑐᖅ ᐅᑯᓂᖓ:
- ᖁᕕᐊᓱᑦᑎᐊᕐᓗᓂ ᓴᐃᓕᐅᔭᕐᓗᓂᓗ;
- ᐅᐃᒪᔮᕐᓂᖅ ᐅᕝᕙᓘᓃᑦ ᑲᑉᐱᐊᓱᖕᓂᖅ ᐃᓱᒪᒋᔭᒥᓂᒃ
- ᐅᐃᕐᖓᖕᓂᖅ;
- ᐃᕐᖐᓐᓇᑲᐅᑎᒋ ᑭᐅᔪᓐᓇᙱᖦᖢᓂ
- ᐳᐃᒍᑐᓂᖅ;
- ᓈᓚᒍᓐᓇᑦᑎᐊᙱᓪᓗᓂ ᑭᓱᒥᒡᓘᓃᑦ ᓵᙵᔭᖃᕈᓐᓇᙱᓐᓂᖅ;
- ᓂᕆᔪᒪᓂᕐᓴᐅᓗᓂ;
- ᐆᒻᒪᑎᐊ ᓱᒃᑲᓕᓂᕐᓴᐅᓗᓂ;
- ᓇᓗᓕᐅᖅᑲᓗᓂ
- ᖃᓂᐊ ᐃᒡᒋᐊᖓᓗ ᐸᓂᕐᓗᓂ.
- ᐊᐅᓚᒡᒐᕐᓗᓂᓘᓃᑦ ᐅᕐᕈᔮᕐᓗᓂᓘᓃᑦ
- ᑕᐅᑐᖅᑰᔨᓕᕐᓗᓂ, ᑐᓵᖅᑰᔨᓕᕐᓗᓂ, ᐃᒃᐱᒍᓱᒡᓗᓂᓘᓃᑦ ᓱᓕᙱᑦᑐᓂᒃ ᐱᑕᖃᙱᑦᑐᓂᒃ
- ᐱᓕᕆᔭᕋᓗᐊᒥ ᓵᙵᒡᒐᕐᓗᓂ ᐱᓗᐊᖅᑐᒥ ᐊᑕᐅᓯᐅᙱᑉᐸᑦ ᐱᓕᕆᐊᒃᓴᖅ (ᓲᕐᓗ, ᓄᓇᓯᐅᑎᒥᒃ ᐊᖁᓪᓗᓂ)
ᖃᓄᐃᒻᒪ ᐃᓚᖏᑦ ᓱᕐᕋᖕᓇᖅᑐᖅᑐᓲᖑᕙᑦ? #
ᖃᓄᑐᐃᓐᓇᖅ ᐱᔾᔪᑎᖃᐅᖅᑐᐃᑦ ᐃᓄᐃᑦ ᓱᕐᕋᖕᓇᖅᑐᒥᒃ ᐱᖃᑦᑕᓕᓲᖑᓂᖏᑦ. ᑖᑯᐊ ᐃᓚᖃᑐᐃᓐᓇᕆᐊᓖᑦ:
- ᑭᐱᙳᐃᔭᕐᓂᖅ
- ᓴᐃᓕᓂᖅ
- ᐃᓅᖃᑎᖃᕐᓂᕐᒧᑦ
- ᐅᒃᐱᕈᓱᒍᓯᐊᓄᑦ ᑐᒃᓯᐊᕐᓂᖓᑕ ᐃᓚᒋᒍᓂᐅᒃ
- ᐱᓕᕆᐊᕆᔭᖅ ᐃᒃᐱᖕᓇᓗᐊᒃᑲᓐᓂᖁᒍᓂᐅᒃ
- ᐋᓐᓂᐊᕆᔭᒧᑦ ᐃᒃᐱᖕᓂᐊᓗᐊᕈᓐᓃᕈᑎᒋᓪᓗᒍ
- ᐊᓂᒎᑎᓇᓱᐊᕐᓂᖅ ᖃᓄᐃᑦᑐᒃᑰᕈᑎᒋᔭᒥ
- ᐃᖅᑲᐅᒪᔭᖏᑦ ᓂᑲᓪᓗᕐᓇᓗᐊᖅᐸᑕ
- ᐃᒃᐱᒋᔭᖏᑦ ᐃᓱᒪᒋᔭᖏᓪᓘᓃᑦ ᐃᖢᕐᕆᔪᓐᓃᕐᓇᖅᐸᑕ
Nunavut Kamatsiaqtut Help Line
Crisis Services Canada
Isaksimagit Inuusirmi Kataujjiqatigiit Embrace Life Council
ᐊᑐᕐᓂᖅ ᓱᕐᕋᖕᓇᖅᑐᒥᒃ ᕿᓄᐃᓵᕈᑎᒋᓪᓗᒍ
ᓱᕐᕋᖕᓇᖅᑐᖅ ᐃᓅᓕᓴᐅᑎᒋᓪᓗᒍ #
ᐃᓅᓕᓴᐅᑎᐅᓪᓗᓂ ᓱᕐᕋᖕᓇᖅᑐᑦ ᐃᓄᐃᑦ ᐋᓐᓂᐊᖃᖅᑎᓪᓗᒋᑦ ᑎᒥᖓᒍᑦ, ᓘᒃᑖᒋᔭᐃᑦ ᐃᓛᓐᓂᒃᑯᑦ ᐊᖏᖅᓯᓲᖑᔪᑦ ᓱᕐᕋᖕᓇᖅᑐᒥᒃ ᐃᓄᓕᓴᐅᑎᒋᓂᐊᕐᓗᒍ ᐃᑲᔫᑎᒃᓴᐅᔪᒥᒃ. ᐃᓅᓕᓴᐅᑎᐅᓪᓗᑎᒃ ᓱᕐᕋᖕᓇᖅᑐᑦ ᐊᑐᖅᑕᐅᓕᓲᖑᔪᑦ ᐊᓯᓕᒫᖏᑦ ᐃᓅᓕᓴᐅᑎᐅᒐᓗᐊᑦ ᐊᔪᕌᖓᑕ. ᐃᓛᓐᓂᒃᑯᑦ ᐊᑐᖅᑕᐅᕙᖕᒥᔪᖅᑕᐅᖅ:
- ᐃᖢᕐᕆᙱᓐᓂᖅ ᐊᒻᒪ ᒥᕆᐊᑲᑕᖕᓂᖅ ᐋᓐᓂᐊᕆᔭᒧᑦ ᓄᖑᓴᖅᑕᐅᓚᐅᖅᖢᓂ
- ᑳᑲᑕᙱᓐᓂᖅ ᓄᖑᓴᖅᑕᐅᓯᒪᓚᐅᖅᖢᓂ ᐅᕝᕙᓘᓃᑦ ᓴᓗᒃᑎᓐᓂᖅ ᐋᓐᓂᐊᖃᕐᓂᕐᒧᑦ ᐊᓴᐱᖃᕐᓂᕐᒧᓪᓘᓃᑦ
- ᐋᓐᓂᐊᓂᖅ ᓄᑭᓪᓗ ᕿᓗᔨᖃᑦᑕᖕᓂᖏᑦ
- ᖃᓄᐃᑦᑐᓄᑦ ᐋᓐᓂᐊᓕᖕᓄᑦ.
ᐱᒻᒪᕆᐅᔪᖅ ᑐᑭᓯᔭᐅᔭᕆᐊᖃᖅᖢᓂ ᐃᓅᓕᓴᐅᑎᒋᔭᐅᔪᑦ ᑎᒥᒧᑦ ᖃᓄᐃᔾᔪᑕᐅᔪᓐᓇᖅᑐᑦ ᐊᔾᔨᒋᑦᑎᐊᕐᒪᒋᑦ ᐃᓅᓕᓴᐅᑎᐅᙱᑦᑑᒐᓗᐊᓂᒃ. ᑕᒪᓐᓇ ᐱᔾᔪᑎᒋᓪᓗᒍ, ᑕᐃᒪᓕ ᐱᒻᒪᕆᐅᕗᖅ ᐃᓅᓕᓴᖅᑕᐅᓂᕐᒧᑦ ᐱᕚᓪᓕᕈᑕᐅᓇᔭᖅᑐᑦ ᐱᑕᖃᕐᓂᖅᓴᐅᔭᕆᐊᖃᖅᐳᑦ ᐊᑦᑕᕐᓇᕈᓐᓇᖅᑐᐃᓪᓗ ᒥᑭᓐᓂᖅᓴᐅᓗᑎᒃ. ᐋᓐᓂᐊᓯᐅᖅᑎᒥᒃ ᓘᒃᑖᒥᒡᓘᓃᑦ ᑐᑭᓯᒋᐊᕆᐊᖃᖅᑐᑎᑦ ᓱᕐᕋᖕᓇᖅᑐᖅ ᐃᓕᖕᓄᑦ ᐃᑲᔫᑎᖃᕋᔭᕐᒪᖔᖅ ᐃᒃᐱᖕᓂᐊᒋᔭᕐᓄᑦ ᐋᓐᓂᐊᓗᐊᕐᓇᕈᓐᓃᕋᔭᕐᒪᖔᓪᓘᓃᑦ.
ᖃᐅᔨᒃᑲᓐᓂᕈᒪᒍᕕᑦ ᐋᓐᓂᐊᖅᑐᓄᑦ ᓱᕐᕋᖕᓇᖅᑐᖅᑐᖅᐸᖕᓂᕐᒥᒃ, ᐅᓇ ᓇᕿᓪᓗᒍ
