ᕿᓕᖅᓯᓇᒃᑯᑦ ᐳᕕᑦᑐᐃᑦ ᐊᐃᑦᑐᕐᓗᐃᔪᓐᓇᖅᑐᑦ ᖁᐱᕐᕈᕐᒥᖔᕐᓂᖓᓄᑦ. ᐋᓐᓂᕐᓇᖅᑐᐊᓗᖕᒥᒃ ᐳᕕᓐᓇᖅᑐᖅ ᕿᓕᖅᓯᓇᒃᑯᑦ (ᓯᐅᑎᐅᓪᓗ ᐊᒡᓕᕉᓪᓗ ᐊᑯᓐᓂᐊᓂ). ᐱᖓᓱᑦ ᕿᓕᖅᓯᓇᐅᔭᕐᓗᒃᑯᑎᒃ ᐊᑕᐅᓯᖅ ᐳᕕᓕᕋᔭᙱᑦᑐᖅ ᑕᕝᕙᖓᑦ ᐋᓐᓂᐊᒥ. ᕿᓕᖅᓯᓇᐅᔭᕐᓗᖕᓂᖅᑕᐅᖅ ᓱᕐᓗᒃᑯᑦ ᐃᒡᒋᐊᒃᑯᓪᓗ ᐋᓐᓂᐊᓕᕈᑕᐅᔪᓐᓇᕐᒥᔪᖅ ᐃᓚᖏᓐᓄᑦ ᐋᓐᓂᐊᕐᔪᐊᖅᑐᓄᑦ.
ᕿᓕᖅᓯᓇᐅᔭᕐᓗᖢᓂ ᐃᒪᓐᓇᐅᓲᖅ
ᐋᓐᓂᐊᓕᖅᑐᖅ ᖃᐅᔨᑕᐃᓐᓇᓲᖅ ᐅᓪᓗᐃᑦ 16-ᓂᒃ 18−ᓄᑦ ᖄᖏᖅᓯᒪᓕᖅᑎᓪᓗᒋᑦ (ᐱᓇᓱᐊᕈᓯᒃ ᒪᕐᕈᒃ ᐃᓚᓪᓗᒍ) ᐋᓐᓂᐊᓂ ᐃᒃᐱᒋᓕᑕᐃᓐᓇᖃᑦᑕᖅᑖ. ᐅᓪᓗᐃᑦ 25−ᖑᕈᓐᓇᖅᑐᑦ ᐋᓐᓂᐊᖃᕐᓂᕐᓗᓂ ᐃᒃᐱᒋᔭᐅᓕᑕᐃᓐᓇᕐᓗᓂ/ᓴᖅᑭᑦᑑᔭᓕᑕᐃᓐᓇᕐᓗᓂ. ᕿᓕᖅᓯᓇᐅᔭᕐᓗᒃᖢᓂ ᐃᒪᓐᓇᐅᓲᖅ:
- ᐆᓇᑲᑕᖂᔨᓗᑎᑦ
- ᓈᒃᑯᑦ ᐋᓐᓂᐊᕐᓗᓂ
- ᐅᓗᐊᒃᑯᑦ ᐳᕕᓪᓗᓂ
- ᐳᕕᓪᓗᑎᒃ ᐋᓐᓂᐊᕐᓗᑎᒡᓗ ᐃᒡᔪᐃᑦ
ᐃᓚᖏᑦ ᐋᓐᓂᐊᖃᖅᑑᒐᓗᐊᑦ ᖃᓄᐃᖅᑰᔨᓲᖑᖏᑦᑐᑦ. ᕿᓕᖅᓯᓇᐅᔭᕐᓗᒃᑐᑦ ᐊᐃᑦᑐᕐᓗᐃᔪᓐᓇᖅᓯᓲᑦ ᐅᓪᓗᐃᓐᓇᖅ ᐅᓪᓘᓪᓘᓐᓃᒃ ᒪᕐᕈᒃ ᐋᓐᓂᐊᖃᓕᕈᓂ ᐊᒻᒪ ᐅᓪᓗᐃᑦ ᑕᓪᓕᒪᑦ ᐋᓐᓂᐊᕌᓂᒃᓯᒪᓕᕋᓗᐊᕐᓗᓂ ᓱᓕ ᐊᐃᑦᑐᕐᓗᐃᔪᓐᓇᖅᑐᖅ. ᑭᓯᐊᓂᑦᑕᐅᖅ ᐋᓐᓂᐊᖑᔫᑉ ᖁᐱᕐᕈᖓᓂᒃ ᐊᐃᑦᑐᕐᓘᑎᖃᕈᓐᓇᕐᒥᔪᑦ ᐅᓪᓗᐃᑦ 7 ᑐᖔᒍᑦ ᐊᒻᒪ ᐅᓪᓗᐃᑦ 9 ᐱᐊᓂᒃᓯᒪᓕᕋᓗᐊᖅᐸᑕ ᐋᓐᓂᐊᓚᐅᖅᓯᒪᔪᕕᓂᐅᓗᓂ.
ᕿᓕᖅᓯᓇᐅᔭᕐᓗᓕᖅᑕᐃᓕᒪᓂᖅ
ᓴᐳᑎᑦᑎᐊᕙᐅᓛᖑᔪᖅ ᐃᓚᒌᖑᔪᓄᑦ ᕿᓕᖅᓯᓇᐅᔭᕐᓗᓕᖅᑕᐃᓕᒪᓗᓂ ᑲᐴᑎᒧᑦ ᐋᓐᓂᐊᓕᔾᔭᐃᒃᑯᑎᒧᑦ ᑲᐱᔭᐅᓗᓂ. ᑲᓇᑕᒥᓕ, ᑲᐴᑎᑕᖃᖅᑐᖅ ᐋᓐᓂᐊᓕᖅᑕᐃᓕᒪᔾᔪᑎᓂᒃ ᐊᐅᐸᓪᓛᓂᕐᒥᒃ, ᕿᓕᖅᓯᓇᐅᔭᕐᓗᓕᖅᑕᐃᓕᓂᕐᒧᑦ ᐊᒻᒪ ᐊᒥᕐᓗᔭᑦᑐᓂᒃ ᐊᐅᐸᓪᓛᒥᒃ. ᐅᓄᕐᓂᖅᓴᐅᔪᑦ ᐃᓄᐃᑦ ᑲᐱᔭᐅᓲᖑᔪᑦ ᓄᑕᕋᐅᓂᕐᒥᓂᒃ (ᑕᑯᓗᒍ ᖃᖓᒃᑯᑦ ᖃᖓᒃᑯᑦᑲᐱᔭᐅᓲᖑᖕᒪᖔᑕ ᑭᓱᒧᑦ)). ᑖᒃᑯᐊ ᐊᑭᖃᙱᑦᑐᑦ ᓄᓇᔅᓯᓐᓂ ᐋᓐᓂᐊᕐᕕᖕᒥ.
ᒪᒥᑕᐅᓂᖅ ᕿᓕᖅᓯᓇᐅᔭᕐᓗᖕᓂᕐᒥᒃ
ᕿᓕᖅᓯᓇᐅᔭᕐᓗᓕᖅᑐᕕᓃᑦ ᐋᓐᓂᐊᕈᓐᓃᓲᖑᔪᑦ ᑕᖃᐃᖅᓯᕐᓂᒃᑯᑦ ᐊᒻᒪ ᐃᒻᒥᓂᒃ ᑲᒪᒋᑦᑎᐊᖅᖢᑎᒃ ᐊᖏᕐᕋᒥ. ᕿᓕᖅᓯᓇᐅᔭᕐᓗᒡᔪᐊᖅᑐᓪᓕ, ᐋᓐᓂᐊᕕᖕᒧᑦ ᐃᓐᓇᕆᐊᖃᕋᔭᖅᑐᒃᓴᐅᔪᑦ.
