ᐅᖁᒪᐃᓐᓂᖓ ᓈᒻᒪᑦᑎᐊᕐᓗᓂ

Picture16_op_0.png

ᓂᕿᑦᑎᐊᕙᓐᓂᑦ ᓂᕆᖃᑦᑕᕈᕕᑦ ᐅᖁᒪᐃᓐᓃᑦ ᓈᒻᒪᑦᑎᐊᕋᔭᖅᑐᖅ. ᓴᓪᓘᓗᐊᕐᓗᓂ − ᖁᐃᓐᓂᐅᓗᐊᕐᓗᓂᓗᓃᑦ ᐅᓗᕆᐊᓇᖅᑐᐃᓐᓇᕆᐊᖃᕐᒪᑦ ᐋᓐᓂᐊᒧᑦ ᖃᓄᐃᖏᑦᑎᐊᕐᓂᕐᒧᓪᓗ.

ᐃᓄᐃᑦ ᓴᓪᓘᓗᐊᖅᑐᖅ ᐅᓗᕆᐊᓇᖅᑐᒦᓐᓂᖅᓴᐃᑦ ᖃᓂᒻᒪᑖᕐᓂᕐᒧᑦ, ᓴᐅᓂᕐᓗᒍᑎᖃᓕᕈᓐᓇᖅᑐᑦ (ᓴᐅᓂᕐᓗᒍᑎᓕᒃ) ᐊᒻᒪᓗ ᓇᔾᔨᔪᓐᓇᐃᓪᓪᓕᔪᓐᓇᖅᑐᑦ (ᓇᔾᔨᔪᓐᓇᖏᓪᓗᓂ). ᓴᓪᓘᓗᐊᖅᓲᑦ ᓂᕆᒡᒐᖅᑐᑦ ᓂᕆᔪᓐᓇᐃᓕᖅᑕᐅᑎᓖᑦ ᐊᒻᒪᓗ ᐃᒃᐱᓐᓇᐃᑐᓕᓂᕐᒧᑦ ᐋᓐᓂᐊᓖᑦ.

ᐃᓄᐃᑦ ᐅᖁᒪᐃᓗᐊᖅᑐᑦ ᐅᕝᕙᓗᓃᑦ ᖁᐃᓐᓂᐅᓗᐊᖅᑐᑦ ᐊᑦᑕᕐᓇᕈᑎᓖᑦ ᐋᓐᓂᐊᖅᑖᑐᐃᓐᓇᕆᐊᖃᕐᒪᑕ ᖃᓄᐃᑐᐃᓐᓇᕆᐊᓖᑦ. ᓱᑲᖃᓗᐊᓕᑐᐃᓐᓇᕆᐊᓖᑦ, ᐅᒻᒪᑎᕐᓗᒡᓗᓂᓗᓃᑦ ᐊᒻᒪᓗ ᐆᒪᓯᕆᑐᐃᓐᓇᕆᐊᓖᑦ, ᐊᐅᖓ ᖁᕝᕙᓯᓗᕐᓗᓂ, ᐋᓐᓂᐊᑖᕈᓐᓇᕐᒥᔪᑦ ᐃᒃᐱᓐᓇᐃᑐᓕᓂᖅ − ᐃᕕᐊᖏᖓᒍᑦ, ᐃᒡᓕᐊᖓᒍᑦ, ᐃᖅᖢᐊᒍᑦ, ᓇᑲᓱᐊᒍᑦ ᐊᒻᒪ ᑕᖅᑐᐊᒍᑦ, ᐊᓯᖏᓐᓂᒡᓗ.

ᓄᑕᕋᐅᓗᓂ − ᓱᕈᓯᐅᓗᓂ ᖁᐃᓐᓂᐅᒍᓂ ᐊᒃᑐᐊᓂᓕᒃ ᐱᕈᖅᐸᓪᓕᐊᓂᖓᓄᑦ ᐱᕙᓪᓕᐊᓂᖓᓄᑦ, ᐊᒻᒪ ᐋᓂᐊᑯᑖᖃᑦᑕᓕᕐᓗᓂ. ᖁᐃᓐᓂᐅᓗᐊᖅᑐᑦ ᒪᒃᑯᒃᑐᑦ ᐃᒻᒥᓂᒃ ᓇᕐᕈᒋᔪᓐᓇᕐᒪᑕ. ᑖᓐᓇ ᐊᒃᑐᐊᓂᖃᓲᖅ ᐃᓕᓐᓂᐊᑕᒥᓐᓂᑦ ᖃᒪᑦᑎᐊᖏᓐᓂᕐᒧᑦ ᐊᒻᒪᓗ ᐃᓅᖃᑎᖃᕈᓐᓇᑦᑎᐊᕐᓂᒃᑯᑦ.

ᓂᕆᔭᑦᑎᓐᓄᑦ ᐊᒃᑐᖅᑕᐅᓲᖑᒐᑦᑕ ᐅᖁᒪᐃᓐᓂᑦᑎᒍ. ᑭᐊᑐᐃᓐᓇᐅᑉ ᐅᖁᒪᐃᓐᓂᖓᓄᑦ ᐊᒃᑐᖅᑕᐅᓂᖃᕈᓐᓇᕐᒪᑦ ᐊᐅᓚᔪᓐᓇᕐᓂᖓᓄᓪᓗ (ᓂᕆᓗᓂ) ᐊᒻᒪ ᐊᐅᓚᔪᓐᓇᕐᓂᖓ (ᐃᖃᖏᑦᑎᐊᕐᓗᓂ). ᐊᐅᓚᔪᓐᓇᑦᑎᐊᕐᓂᖅ ᑎᒥᒧᑦ ᐊᑑᑎᖃᑦᑎᐊᖅᑐᓂᑦ. ᑎᒥᕗᑦ ᐊᑐᓲᖑᒻᒪᑦ ᖁᐃᒃᓯᓇᖅᑐᓂᑦ ᑎᒥᐅᑉ ᐊᐅᓚᑦᑎᐊᕈᑎᖏᑎᒍᑦ, ᐊᓂᖅᑎᕆᓂᒃᑯᑦ,ᐊᐅᒻᒧᑦ ᐊᐅᓚᑦᑎᐊᕐᓂᖅ, ᐃᔭᕈᕙᐅᔭᓂᑦ ᐃᓈᖐᔪᖅ, ᓂᕆᓂᒃᑯᑦ ᐊᓯᖏᑎᒍᓪᓗ. ᑎᒥᕗᑦ ᐊᑐᓲᖑᒻᒪᑦ ᑎᒥᐅᑉ ᐊᐅᓚᑦᑎᐊᕈᑎᒋᔪᓐᓇᖅᑕᖏᓐᓂᑦ ᐃᓅᓯᑦᑎᓐᓄᑦ ᐊᒃᑐᐊᓂᖃᕐᒪᑦ − ᐊᓐᓄᕌᕐᓂᒃᑯᑦ, ᓂᕆᓂᒃᑯᑦ, ᐅᕕᓂᓐᓂᐊᕐᓂᒃᑯᑦ, ᐱᓱᓐᓂᒃᑯᑦ, ᒪᔪᕋᐅᑎᑎᒍᑦ ᒪᔪᕋᕐᓂᒃᑯᑦ, ᐃᖅᑲᓇᐃᔭᕐᓂᒃᑯᑦ, ᐱᙳᐊᕐᓗᓂᓗᓃᑦ, ᐊᓯᖏᓪᓗ.