Aaniangitut Uqumaitilaangit

Picture16_op_0.png

Nigittiaqhuni niginiq ikayuutauyuq aanianginikkut uqumaitilaat. Kapakpalaaniq- uvaluuniin puvalaqpalaangniq angikliyuumigutiyuq qayangnautinun inuuhingnun uvalu inuuhiqattiangningmun..

Inuit kitut kapakpalaat angiklivaliadjutigiyaat aaniagutiqangningmun, haungit ahiguqtaaliqlutik (hauniqliqlutik) uvalu hingailimaiqlutik (ayuqhautigiyaat hingainahuangningmun). Kapakpalaangniq pidjutiqaqtuq nigidjutait ihuagungnaiqhutik imatun kapakpalaaqlutik aanianginaliqlutik cancerqlutik.

Inuit kitut uqumaiqpalaaqtut uvaluuniin puvalaqpalaaqtut angikliyuumigutauyut qayangnautit aaniangningmun uvalu qanuginiit. Hapkua ilauyut type 2 sukaklungniq, uumalingniq nukiiqtilutik, kayumakhutik tikliqniit, qanugitunik cancernik—iviangiit, ilagaviit, ingaluat, itiinun uvalu taqtunait ualu aalat.

Nutaqat puvalaqhutik pidjtigiyauyuq angiklihiiqlutik uvlau pivallianingmun, pidjutauyuq hivituyumik aanianginaliqlutik. Uqumaiqpalaat inulgamiit ihuagiyungnaiqhutik inmingnik. Una ayuqhautiginiaqtaat ilihangningmun uvalu qanuq ilauqatigiingniq aalanun.

Hunat nigiyavut pidjutigiyavut uqumainiptingnun. Inuup uqumailutaa pidjutiqaqtuq 'aulaniatigut' (niginikkut) uvalu 'aulanginikkut' (hulidjutit). Auladjutit aktilaagutiqaqtut niginikkut. Timit atuqtut niginiptigut inuuyaaptingni—aniqhaagiaptingni, aulapkaidjut aungmik, himauhiqataqhutik iluptingni, nigiyaaptingni. Timi atuqtuq nigidjutinun inuuyaangani—aanugaaqtugiangani, nigiyaangani, uagiami, pihugiami, mayuagiami mayugautat, havagiami, ulapqiyaami.