Niqikkut Qayangnautikkut Atuqtauyut

Niqikkut Qayangnautikkut piyakhavut pittailidjutikhat niqinun aanialaqidjutinun. Niqinun aanialaqidjutit aanialaqigaangapta niqinin huungiqhimayunin uvaluuniin qayangnaqtunik halumailgulgit, aaniagutit , uvaluuniin qupilgut halumaigutiyut niqinik. Halumailguqaqtunin, aaniagutit, uvalu qupilgut mikivalaagamik atuknaitut, tipaitut, uvaluuniin tivyaqluit ilihimanaitut. Tamaita halumailgut, aaniagutit, uvalu qupilgut hivuuganangitut.

Huungiqtaaqtut niqit

Ilihimattiaqlugit niqit. Niqitigut aanialaqigaangamik, tamaita niqit aadjikiingitut. Ihuaqtumik pingitkupkit niqit uvalu tutqutiaqlugit huungiqtaaqtut niqit, niqit aanialaqutauniaqtut. Ilangit uuktuutit huungiqtaaqtut niqit:

  • Niqainait, iqaluit, tingmiat, uvalu tagiumin niqit—uuhimaitut uuhimayunluuniin
  • Ituit, yogurt, cheesesit, sour cream, ukualu aalat ituqaqtut
  • Maniit—uuhimangitut uuhimayunluuniin
  • Nauhimayut ahiat uvalu nunamin nauhimayut

Huungilimaitut niqit aanialaqutaungitut. Niglaqhimayagiaqangitut angmaqhimaitkaangamik. Ilangi niglaumayagiaqangitut—niqit imaatun tupautait, hiqulauyat, muqpauyat, kumauyat,piit, havaiquuyat —uuhimaitut; qaquit, uvaluuniin paniupayut ahiat; uvalu uqhuit uvalu vinigert. Ilangit niglaumayagiaqaqtut angmaqtaukpata—niqit imaat jaat uvalu jellit, nauhimayut nunamin avuit uvalu mayonnaise. Taimaali naunaitkutini itut 'tutquqlugit niglaumavingmun angmaqhimakpata'.

Atuluaqtauyut niqinun qayangnautit qanuq uvagut pudjutigiyavut, iganiitigut, uvalu tutqungniitigut niqit qayangnaitaangini. Malitiaguptigit niqkkut qayangnautit, hivuuganaqtut halumailgut, aaniagutit, uvalu qupilguit naulimaitut uvalu niqautivut qayangnaitut nigiyaami.

Tainiit itqaumayakhat akhuuqhaidjutit niqinun qayaguhuutit: halumaqlugit, ilikuuqlugit, igalugit, niglaqhiqlugit.

Halumalugit

Halumaqtiqlugit algat—uaqlugit hihaitumik imangmik uvalu ingmiuhiqlugit 20 secondsnik.
  • Niqiliqitinani uvalu niqiliqihuiguvin
  • Quuyaqtuguiguvin
  • Qalakhuguiguvin, tagyuguvin uvaluuniin kakiiyaguvin
  • Higaaguiguvin
  • Niqiliqihuiguvin uuhimaitunik, halumaitunik akiutanik, halumaqhidjutinik, iqakuuvingnik, uvaluuniin igitihuiguvin
  • Kahagaguigupkit nuyatit akuliakilluuniin
Halumaqtilugit niqit
  • Uaqlugit tamaita ahiat uvalu nauhimayut nunami nigipkaitinatit uuhimaitunik uvlauuniin uukhiqhiguvin. Halumaqtiqlugit qayagiyumik kuviqpingmi. Ingmiuhiqagiaqangitut.
  • Atuqlutit halumaqhidjunmik ahiat uvalu nauhimayut kiklagktumun—patiitat uvalu  cantaloupenik.
Halumaqtiqlugit qulait hunat
  • Uaqlugit ikpatiti, iliqpiit, uvalu avguqviit uunaqtumik imangmik uvalu ingmiunmik; paniqhiqlugit.
  • Halumayumik atuqlutit uaqhinmik.
Halumaqtiqlugit akiutat—algat uaqlugit
  • Atuqlugit ulapait algaat. Uunaqtup imap uutingniaqtaat uvingit.
  • Atuqlugit halumayunik uaqhitinik uvlau halumaqhitinik uaqhiguvin akiutanik. Atuguilugit ivyuyut uaqhitit.
  • Akiutat paniqhiqlugit. Alaqtigupkit kaiutat alagunmun, halumayumik atuqlutit.
  • Atuqlugit attautinik alagutinik alaqtigupkit akiutat uvalu algatit. Ilikuuqlugit, aalakiinik kalaqaqlugit uvaluuniin aalanik puunik ahini tutquqlugit.
Avikturlugit
  • Piqaqlutit malgungnik avguivingnik—attauhiq ahianun uvalu aipaa niqainangnun, iqalungnun, tingmianun, uvalu tagiumin niqinun.
  • Piqangitkuvin malgungnik, uaqlugu avguivik hihaitumun imangmun ingmiuhiqlugu atuguigungni.
  • Uuhimayut niqit, tingmiat uvaluuniin iqaluit ilitkut akiutaqaqlugit uvaluuniin puunik atuqhimangitumun niqainangnun. Uvaluuniin uaqlugu puuq uunaqtumun uvalu ingmiuhiqlugu.
  • Uuhimaitut niqainait, tingmiat, uvalu tagiumin niqit ahinin niqinin. Kahagaqtihimaitumik.
Igalugit
  • Igahimayut niqainait, tingmiat uvalu iqaluit iluani uunangnia uutigiangini qayangnaqtut halumailgut. Atuqlugit niqainanun uuktuutit uunaqniinun.
  • Qiniqhimalugit niqiliahat, niqiliat uvalu avukhat havakhimayut uuhimatunin niqinin, tingminanin, iqalungninluuniin (niqiliat , chillit, iqaluit niqiliat).
Niglaqhiqlugit
  • Pitaililugit QAYANGNAUTIT. Halumailgut nautiqtut qilamik uunangniqmiitut imaa qitqani 4°C (40°F) unalu 60°C (140°F).
  • Huungiqtaaqtut niglaumavingmungaqlugit qiqitiivingmunluuniin attauhingmit malgungnun ikaangningnun niuviqniitigut. Huungiqtaaqtut ilauyut uuhimaitut niqainat uvaluuniin uuhimayut niqit, tingmiat, iqaluit ituit, , cheesesit, manniit, uvalu aalat ituqaqtut, nauhimayut uvalu ahiat.
  • Ilakkut niglaqhiivingmungaqlugit malgungni ikaangnini nigihuiqata.
  • Pihimalugu niglaqhiivik imaa uvaluuniin ataani niglaumania 4°C (40°F) uvaluuniin ikitqiamik.
  • Ilihimalugu qiqitiivik uvani uvaluuniin ataani -18°C (0 °F).
  • Tatatpalaaguiqlugit niglaqhiivit qiqitiivillu.
  • Atuqlugit pingahunin qayangnaitumik mahakhiiyaami niqinik—mahakhiihuilutit iglup uunangnianun.
    • Ililugu akiutangmik ataanun niglaqhiiviup.
    • Niglaumayumik imangmik uvalu himiqataqlugu imaq 30 minites naatpat.
    • Mahakhiqlugu qilamik mahakhiivingmi; igainaqlugu qilamik.

Kangiqhidjutinun niqinun qayangnautikkut uvalu qayangnaitumik niqiliqidjutit http://www.healthycanadians.gc.ca/eating-nutrition/safety-salubrite/index-eng.php