Nakuutqiaq tikitinagu Ublua

Nakuutqiaq tikitinagu Ublua kangiqhidjutit niqit nutaanguyut—aktilaangalu tamna niqaup tipaa uvalu nakuunikhaa. Pidjutigiyaa qanuq niqaup tipaa qayangnautaungituq.

Puunga angmaqhimakpat uvaluuniin niqi qiqumakpat, nakuutqiaq tikitinagu ublua nakuulimaituq. Niqi ihuaqtumik qiqitiqhimagumi malgungni ubluni nakuutqiaq tikitinagu ublua mahakhiliqtilugu.

Nakuutqiaq tikitinagu ublua takunaqtut quyaginaq puungini niqit tamna nakuuniaqtuq 90nik ublunik uvaluuniin ikitqianga. Takunagniaqtullu niqini tapkua nakuuniaqtunun avatqullugu 90 ublut. Ublua takunangniaqtuq quyaginaq puungani. Ukiunga piinagialik. Naunaitkuti[ ilaupat ukiunga, hivuliuyuq, tatqiqhiutaa, ublua.

  • Imaituq: Nakuutqiyaq ublumimin 18 JA 22
  • Tatqiqhiutit naunaitkutaa: JA = Ubluqtuhivia; FE = Iidjirurvia; MR = Qiqaiyalirvia; AL = Qitiqqautiyuq, MA = Qiqaiyarluarvia; JN = Imaruqtirvia; JL = Taaqhivalirvia; AU = Niqiliqivik; SE = Apitilirvia; OC = Tattiarnaqhilirvia; NO = Tarium Hikutirvia; DE = Ubluiqtirvia.

Niuviqtaaqtatit uvalu nigilugit ilangit niqit kinguani Nakuutqiaq tikitinagu ublua qaangiqqat. Igiaqagiaqangitut angmaqhimaitut puut huungihalimaitut niqit imaatut, miluktuutit, hiqulauyat, uvalu muqpauyat tapkua avatqutut nakuutqiaq tikitinagu ublua.

Taimaalu, niqit aalanguqata qalait, aalatut ilikpata, uvaluuniin mamaiqata nigiyakhaungiqtut. Taututiaqlugit nakuutqiaq tikitinagu ublua hungiqtaaqtunun niqinun niqainait, tingmiat, iqaluit, ituilu.

Tutqutiaqhimangitkumik, huungiqtaaqtut niqit qayangnangniaqtut nakuutqiaq tikitinagu ublua. Uuktuutigilugu, ituit huungingniaqtut uvalu niqainait 'nakuungiqniaqtut' nakuutqiaq tikitinagu ublua niglaumavingmiingitkumik.

 

Atugahat:

Nakuutqiaq hivuani titirqat