ᓂᓇᔾᔨᔪᑦ ᕿᑦᑎᐊᕙᓐᓂᑦ ᓂᕆᖃᑦᑕᕐᓗᑎᒃ ᐊᒻᒪᓗ ᓄᑕᕋᓛᖅ ᓴᙱᓂᖃᑦᑎᐊᕐᓂᐊᕐᒪᑦ ᐋᓂᐊᖃᖏᑦᑎᐊᕐᓗᓂᓗ.
ᐅᖁᐊ ᑕᕝᕙ ᖃᑦᓯᓇᐅᒐᓗᐊᑦ ᓂᕿᑦᑎᐊᕙᐃᑦ ᓇᔾᔨᔪᒧᑦ ᓂᕆᔭᐅᔪᓐᓇᖅᑐᑦ:
- ᖃᐅᑕᒫᑦ ᐊᔾᔨᒌᖏᑦᑐᓂᑦ ᓂᕆᕙᓪᓗᑎᑦ ᑎᓴᒪᓂᖔᖅᑐᓂᑦ ᓂᕿᑦᑎᐊᕙᓐᓂᑦ, ᐃᓚᒋᓪᓗᒍ ᐃᓄᓕᖅᑕᐃᑦ ᓂᖀᑦ
- ᓂᕆᖃᑦᑕᕐᓗᑎᒃ ᐱᖓᓱᓃᖓᖅᑐᓂᑦ ᓂᕿᑦᑎᐊᕙᓐᓂᑦ ᓂᕆᓂᖅᑕᒫᑦ.
- ᐊᑕᐅᓯᕐᒥᖑᓐᓃᑦ ᐱᕈᖅᑐᒥᓂᕐᓂᖔᖅᑐᓂᑦ ᓂᕆᖃᑦᑕᕐᓗᑎᑦ ᐊᒻᒪ ᐱᕈᖅᑐᒥᓂᕐᓂᑦ ᓯᕐᓇᖏᑦᑐᓂᑦ ᐊᐅᐸᕈᔪᒃᑐᓂᑦ ᓂᕆᖃᓯᐅᔨᖃᑦᑕᕐᓗᑎᑦ ᖃᐅᑕᒫᑦ.
- ᓂᕿᑦᑎᐊᕙᓐᓂᑦ ᐃᓇᓗᖕᓄᑦ ᐃᖏᕐᕋᑦᑎᐊᑎᑦᑎᔪᑎᓕᓐᓂᑦ, ᐸᓚᐅᒑᒃᓴᔭᓂᑦ ᓲᕐᓗ ᐅᕕᓘᔭᐃᑦ ᐊᒻᒪᓗ ᐸᓚᐅᒑᕐᓗᑎᓂᑦ ᐃᓚᓖᑦ ᓂᐊᖂᔭᑦ ᐅᓪᓛᓯᐅᑎᓪᓗ.
- ᓂᕆᖃᑦᑕᕐᓗᑎᑦ ᒪᕐᕈᐃᓲᑎᓗᐊᓂᒃ ᓂᕿᓂᑦ ᐊᒻᒪᓗ ᓂᕿᓄᑦ ᐃᓇᖏᐅᑎᖔᓱᓄᑦ ᖃᐅᑕᒫᑦ. ᓂᕿᓪᓚᑖᑦ, ᐃᖃᓗᐃᑦ, ᑎᒻᒥᐊᕕᓂᖅ, ᒪᓐᓃᑦ, ᓂᓕᕐᓇᑦ, ᐊᒻᒪᓗ ᒪᑕᖅᐸᒻᒥᑦ ᑖᑯᐊ ᓂᕿᑦᑎᐊᕙᐃᑦ.
- ᐃᒥᑐᐃᓐᓇᕐᒥᑦ ᐃᒥᒐᓚᒃᐸᓪᓗᑎᑦ
- ᕿᑲᑐᐃᓐᓇᖃᑦᑕᖏᓪᓗᑎᑦ − ᖃᓄᐃᓕᐅᕐᓂᓂᑦ ᖁᕕᐊᒋᔭᕐᓂᑦ ᐃᓚᒋᔭᐅᖃᑦᑕᕐᓗᑎᑦ
ᖃᖓᒃᑯᑦ ᐅᖃᖃᑎᒋᔪᓐᓇᖅᐸᕋ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᒪᔨᐅᔪᖅ ᓂᕿᑦᑎᐊᕙᓕᕆᓂᕐᒥᑦ ᓇᔨᔪᓄᑦ?
ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑏᑦ ᐅᖃᖃᑎᒋᔪᓐᓇᖅᑕᑎᑦ ᐃᒪᐃᒃᑯᕕᑦ:
- ᐊᐅᒃᑯᑦ ᓱᑲᖃᓗᐊᕐᓂᖅ ᐅᕝᕙᓗᓃᑦ ᓇᔾᔨᓂᖓ/ᓯᖓᐃᓂᖓ
- ᐊᐅᑦ ᐊᐅᒋᒃᓴᐅᑎᖃᖏᓗᐊᖅᐸᑦ
- ᓯᕗᓂᖓᒍᑦ ᕿᑐᕐᖓᖅᑖᖃᑦᑕᖅᓯᒪᒍᕕᑦ ᓴᓪᓘᓗᐊᖅᑐᓂᑦ.t
- ᐱᕈᖅᑐᕕᓂᖅᑐᑐᐃᓐᓇᓲᖅ ᐆᒪᔪᖅᑐᓲᖑᙱᑦᑐᖅ ᐃᒻᒧᒐᓚᓕᖕᓂᓪᓘᓐᓃᑦ
ᐊᐅᒋᒃᓴᐅᑎᑦ (ᓴᕕᕋᔭᒃᓴᖅ)
ᐊᐅᒋᒃᓴᐅᑎᑦ ᐱᒻᒪᕆᐅᕗᖅ ᐊᓈᓇᒋᔭᐅᔪᓄᑦ ᓄᑕᕋᓛᖏᓐᓄᓪᓗ. ᓇᔾᔨᒍᕕᑦ/ᓯᖓᐃᒍᕕᑦ, ᐊᓈᓇᒋᔭᐅᔪᑦ ᓂᕆᔭᕆᐊᓖᑦ ᐊᐅᒋᒃᓴᐅᑎᓕᓐᓂᑦ ᓈᒻᒪᒃᑐᓂᑦ ᓄᑕᕋᖅ ᐱᕈᑦᑎᐊᕐᓂᐊᕐᒪᑦ ᐊᒻᒪᓗ ᓄᑕᕋᖅ ᐊᐅᒋᒃᓴᐅᑎᖃᑦᑎᐊᕐᓂᐊᕐᒪᑦ ᐃᓅᒍᓂ. ᓇᔾᔨᔪ/ᓯᖓᐃᔪᑦ ᐅᕝᕙᓗᓃᑦ ᐊᓈᓇᒋᔭᐅᔪᑦ ᐊᒫᒪᒃᑎᑦᑎᔪᑦ ᖁᐃᓯᓴᐅᑎᓂᒃ ᐊᐅᒋᒃᓴᐅᑎᓂᒡᓗ ᐱᖃᑦᑕᕈᒪᔪᓐᓇᖅᑐᑦ. ᐊᐅᒋᒃᓴᐅᑎᓂᑦ ᐃᓚᓕᓐᓂᑦ ᓂᕆᖃᑦᑕᕐᓗᑎᑦ.
- ᓂᖀᑦ ᐃᓄᓕᑕᐃᑦ − ᑐᒃᑐ, ᓇᑦᓯᖅ, ᐊᐃᕕᖅ, ᐅᒥᖕᒪᒃ, ᐊᒻᒨᒪᔪᖅ ᑯᑭᐅᔭᐃᓪᓗ.
- ᓂᕿᑐᐃᓐᓇᐃᑦ, ᐃᖃᓗᐃᑦ, ᑎᒻᒥᐊᕕᓂᖅ
- ᐸᓂᖅᑐᑦ ᓂᓕᖕᓇᖅᑐᑦ, ᐱᕈᖅᑐᕕᓃᑦ ᐊᒻᒪᓗᑭᓵᑦ, ᑕᖅᑑᔭᐅᔭᐃᑦ
- ᓂᐊᖂᔭᐃᑦ ᐅᓪᓛᖅᓯᐅᑎᓪᓗ
- ᐅᔭᐅᔭᕐᓂᑦ ᐅᖃᐅᔭᓖᑦ − ᑯᐊᓐᓃᑦ, ᓯᐱᓂᑦᔅ
ᐊᑐᖁᔭᐅᔪᑦ ᐃᓚᖏᑦ ᓂᖀᑦ ᓂᕆᖏᒃᑲᓗᐊᕐᓗᒋᑦ ᐅᕝᕙᓗᓃᑦ ᐃᒥᑭᒃᑲᓗᐊᕐᓗᒋᑦ ᓱᖁᑕᐅᖏᑦᑐᑦ ᓇᔾᔨᓂᕐᓂᑦ/ᓯᖓᐃᓂᕐᓂᑦ?
- ᐊᑦᑕᕐᓴᖏᓐᓂᐹᖑᕗᖅ ᐃᒥᐊᓗᒻᒥᑦ ᐊᑐᖃᑦᑕᖏᒃᑯᕕᑦ ᐅᕝᕙᓗᓃᑦ ᐊᖓᔮᕐᓇᖅᑐᓂᑦ/ᐃᓅᓕᓴᐅᑎᓂᑦ ᓇᔾᔨᓂᕐᓂᑦ/ᓯᖓᐃᓂᕐᓂᑦ. ᐃᑲᔪᖅᑕᐅᔪᒪᒍᕕᑦ ᑖᑦᓱᒧᖓ, ᐱᖃᓐᓇᕆᔭᕐᓂᑦ ᐅᖃᖃᑎᖃᕈᓐᓇᖅᑐᑎᑦ, ᐃᓚᓐᓄᑦ, ᐃᓐᓇᕐᒧᑦ ᐅᕝᕙᓗᓃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ. ᐊᑏᑦ ᖃᐅᔨᒪᔭᐅᙱᓪᓗᓂ ᐃᑲᔪᖅᑕᐅᔪᒪᔪᑦ, ᓄᓇᕗᑦ ᑲᒪᑦᑎᐊᖅᑐᖅ ᐅᖄᓚᐅᑖᓄᑦ ᐅᖃᓗᒋᑦ ᐅᕗᖓ 1-800-265-3333.
- ᒥᑭᒐᖅᑐᖃᑦᑕᖏᓪᓗᑎᑦ ᐅᕝᕙᓗᓃᑦ ᐊᐃᐸᔪᒥᒃ ᓂᐅᕕᕕᒻᒥᔭᓂᑦ ᓂᕿᓂᒃ ᐅᕝᕙᓗᓃᑦ ᒪᓐᓃᑦ, ᐅᕝᕙᓗᓃᑦ ᐃᒪᕐᒥᐅᑕᓂᑦ ᓂᕿᓂᒃ. ᖁᐱᕐᕈᐊᕐᔪᖃᑐᐃᓇᕆᐊᓖᑦ ᐊᑦᑕᕐᓇᖅᑐᖅ ᐊᒃᑐᐃᓂᖃᕋᔭᖅᑐᖅ ᓇᔾᔨᐊᖑᔪᒧᑦ. ᓂᕿᓕᐅᕈᕕᑦ ᓂᕿᑐᐃᓐᓇᒥᑦ ᒪᓐᓂᒻᒥᒡᓗᓃᑦ, ᐅᑦᑎᑦᑎᐊᕐᓗᒋᑦ ᐊᐃᐸᖏᓪᓗᒋᑦ.
- ᑳᐱᑐᓗᐊᖃᑦᑕᖏᓪᓗᑎᑦ 200 ᒥᓕᒍᕌᒻᒥ ᐊᖏᓂᖃᖅᑐᒥᑦ ᐅᓪᓗᓕᒫᖅ − ᒪᕐᕉᒃ ᐃᕐᖑᓰᒃ ᑳᐱᑐᖃᑦᑕᕐᓗᑎᑦ ᐅᕝᕙᓗᓃᑦ ᑎᓴᒪᓂ ᐃᕐᖑᓯᕐᓂᑦ ᑏᑐᖃᑦᑕᕐᓗᑎᑦ.
- ᓂᕆᓗᐊᖃᑦᑕᖏᓪᓗᑎ ᐃᒥᓗᐊᖃᑦᑕᖏᓪᓗᑎᓪᓗ ᓱᑲᖃᓗᐊᖅᑐᓂᑦ, ᑕᕆᐅᖃᓗᐊᖅᑐᓂᑦ, ᐅᕝᕙᓗᓃᑦ ᐅᖅᓱᖃᓗᐊᖅᑐᓂᑦ − ᓲᕐᓗ ᐸᑏᑎᕋᓛᑦ, ᐃᒥᒐᐃᑦ, ᐅᖁᒻᒥᐊᒐᐃᑦ ᑯᑯᓂᒡᓗᓃᑦ.
