ᐃᓅᓵᖅᑎᓪᓗᒋᑦ ᑕᖅᑭᓄᑦ 6-ᓄᑦ, ᓄᑕᕋᓛᑦ ᐃᕕᐊᖏᕐᒥ ᐊᒫᒪᑐᐃᓐᓇᓲᑦ ᐊᐅᑦᑎᐊᕆᖕᓇᖅᑐᓂᒡᓗ ᐄᔭᒐᖅᐸᒃᖢᑎᒃ ᖃᐅᑕᒫᑦ. ᓄᑕᕋᓛᑦ ᐃᕕᐊᖏᕐᒥ ᐊᒫᒪᙱᒃᑯᓂ, ᓄᑕᕋᓛᖅᓯᐅᑎᓂᑐᐊᖅ ᐊᒫᒪᒃᑎᑉᐸᒡᓗᒍ ᐃᒻᒧᖕᒥ ᐊᐅᒋᒃᓴᐅᒻᒥᒃ.
ᐃᕕᐊᖏᕐᒥᙶᖅᑐᖅ ᐃᒻᒧᒃ ᐱᐅᓛᖑᔪᖅ ᓄᑕᕋᓛᓄᑦ.
- ᐆᒪᑦᑎᐊᕆᖕᓇᖅᑐᑦ ᓄᑕᕋᓛᑉ ᐱᔭᕆᐊᖃᖅᑕᖏᓐᓂᒃ
- ᐃᓚᖃᕐᒥᔪᖅ ᐄᔭᒐᓂᒃ ᖁᐱᕐᕈᐃᔭᐃᓐᓇᖅᑐᓂᒃ
- ᓴᐳᔾᔨᓯᒪᔪᖅ ᐃᒃᐱᒋᔭᖃᖅᓴᕋᐃᑦᑐᓂᒃ
- ᓄᑕᕋᓛᓂ ᐃᑲᔪᖅᐸᒃᑐᖅ ᓈᒻᒪᒃᑐᒥ ᐅᖁᒪᐃᓐᓂᖃᕐᓂᕐᒥᒃ
- ᓄᑕᕋᓛᓂ ᐃᑲᔪᖅᐸᒃᑐᖅ ᖃᕋᓴᖏᑦᑎᒍᑦ ᐱᕙᓪᓕᐊᓂᕐᒥᒃ
- ᓯᐅᑎᕐᓗᓕᖅᑎᑦᑎᑦᑕᐃᓕᓂᕐᒧᑦ, ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ, ᓇᔾᔨᕆᑦᑕᐃᓕᓂᕐᒧᑦ ᐃᒃᐱᒋᔭᖃᖅᓴᕋᐃᓐᓂᕐᒧᑦ, ᐊᒻᒪ ᑭᒍᓯᕆᓗᐊᖅᑕᐃᓕᓂᕐᒧᑦ ᐊᑲᐅᙱᓕᐅᕈᑕᐅᕙᒃᑐᓂ ᒥᑭᓪᓕᕚᓪᓕᑎᑦᑎᕙᑦᑐᑦ ᐅᓗᕆᐊᓇᕐᓂᖏᓐᓂᒃ.
ᐃᕕᐊᖏᕐᒥ ᐊᒫᒪᒃᑎᑦᑎᓂᖅ ᐱᐅᓛᖅ ᐊᓈᓇᐅᔪᓄᑦ.
- ᐃᑲᔪᕐᓂᖃᖅᐳᖅ ᐊᓈᓇᒋᔭᐅᔪᓂ ᐊᒃᑐᐊᓂᖃᑦᑎᐊᓕᕐᓇᖅᑐᖅ ᓄᑕᕋᓛᖏᓐᓂᒃ
- ᐱᕕᒃᓴᖃᕐᓂᖅᓴᐅᓐᓇᖅᑐᖅ ᑮᓇᐅᔭᖅᑐᓗᐊᕐᓇᙱᓐᓂᖅᓴᐅᓪᓗᓂᓗ
- ᓴᐳᔾᔨᓯᒪᔪᖅ ᐃᕕᐊᖏᒃᑯᑦ ᐋᓐᓂᐊᖅᑖᕐᓂᕐᒥᒃ
- ᓴᐳᒻᒥᔪᓐᓇᖅᑐᖅ ᒪᓐᓂᖃᐅᑎᒥ ᐋᓐᓂᐊᖅᑖᕐᓂᕐᒧᑦ ᐊᒻᒪ ᓴᐅᓂᕐᓂ ᓴᙲᒡᓕᓂᕐᓄᑦ
- ᐃᑲᔫᑎᖃᖅᐸᒃᑐᖅ ᐃᓚᖏᓐᓂᒃ ᐊᓈᓇᐅᔪᓂ ᓴᓗᒃᑎᑉᐹᓪᓕᕐᓂᕐᒧᑦ ᖁᐃᒃᑎᓐᓂᕆᔭᐅᓚᐅᖅᑐᓂ ᓯᖓᐃᑎᓪᓗᒍ
ᐊᒫᒪᒃᑎᑦᑎᑎᓂᖅ ᐱᖅᑯᓯᑐᖃᐅᓂᖓᓄᑦ ᐊᔪᕈᓐᓃᖅᑕᐅᕙᒃᖢᓂ ᐃᓄᐃᑦ ᐱᖅᑯᓯᖓᑎᒍᑦ ᓱᖏᐅᓐᓇᖅᖢᓂᓗ, ᐃᓕᑦᑎᕙᓪᓕᐊᕙᒃᑐᑦ ᐊᔪᕈᓐᓃᖅᓴᖅᐸᒃᖢᑎᒡᓗ. ᐊᑲᐅᙱᓕᐅᕈᑎᖃᕈᕕᑦ ᐃᕕᐊᖏᕐᒥ ᐊᒫᒪᑦᑎᑦᑎᑎᓪᓗᑎᑦ ᐊᐱᖁᑎᒃᓴᖃᕈᕕᓪᓘᓐᓃᑦ, ᐅᖃᖃᑎᖃᕐᓗᑎᑦ ᐃᖢᐊᖅᓴᐃᔨᒥᑦ ᐅᕝᕙᓘᓐᓃᑦ ᑲᓇᑕᒥ ᓯᖓᐃᔪᓄᑦ ᓂᕿᑦᑎᐊᕙᓕᕆᓂᕐᒧᑦ ᐱᓕᕆᐊᕐᒧᑦ.
ᐃᓛᓐᓂᒃᑯᑦ, ᐃᕕᐊᖏᕐᒥ ᐊᒫᒪᒃᑎᑦᑎᓂᖅ ᐊᔪᕐᓇᖃᑦᑕᖅᑐᖅ ᖃᓄᐃᙱᖦᖢᓂᓗ. ᐊᐱᖁᑎᒃᓴᖃᕈᕕᑦ ᓄᑕᕋᓛᖅᐱᑦ ᓂᕆᑦᑎᐊᖃᑦᑕᕐᓂᖓᓂᒃ, ᐋᓐᓂᐊᓯᐅᖅᑎᒧᑦ ᐅᖃᖃᑎᖃᕐᓗᑎᑦ ᐃᖢᐊᖅᓴᐃᔨᑎᑐᑦ ᓂᕿᑦᑎᐊᕙᓕᕆᔨᑐᓪᓗ.
ᐊᐅᑦᑎᐊᕆᖕᓇᖅᑐᖅ
ᐊᐅᑦᑎᐊᕆᖕᓇᖅᑐᖅ ᐱᒻᒪᕆᐅᔪᖅ ᓄᑕᕋᓛᓄᑦ ᓄᑕᖅᑲᓄᓪᓗ. ᓂᕆᖃᑦᑕᕐᓂᖅ ᐊᐅᑦᑎᐊᕆᖕᓇᖅᑐᓂ ᐃᓚᓕᖕᓂ ᐊᒻᒪ ᐃᔮᒐᖅᑎᑦᑎᖃᑦᑕᕐᓂᖅ ᐊᐅᑦᑎᐊᕆᖕᓇᖅᑐᖃᖅᑐᓂ ᓴᙱᔪᓂ, ᖃᓄᐃᙱᑦᑎᐊᖅᑐᓂ ᓴᐅᓂᖃᕐᓇᖅᑐᖅ. ᓄᑕᕋᓛᑦ ᓄᑕᖅᑲᓪᓗ ᓴᙱᔪᓂ ᓴᐅᓂᖃᖁᓗᒋᑦ ᑭᒍᑎᖃᖁᓗᒋᓪᓗ:
- ᓂᕆᑎᑉᐸᒡᓗᒋᑦ ᐊᐅᑦᑎᐊᕆᖕᓇᖅᑐᖃᑦᑎᐊᖅᑐᓂ.
- ᓂᕿᓪᓚᑦᑖᑦ−ᐃᖃᓗᒃ, ᓱᕙᖏᓐᓂᒃ, ᑎᖕᒥᐊᓂᒃ, ᒪᓐᓂᖕᓂᒃ, ᒪᒃᑖᕐᒥ
- ᓂᐅᕕᕐᕕᖕᓂ ᓂᐅᕕᒐᒃᓴᑦ ᓂᖀᑦ: ᐃᒻᒧᒃ, ᒪᓐᓃᑦ, ᐃᐳᐃᑦᑐᒦᑦᑐᑦ ᐃᖃᓗᒃ, ᔫᒍᑦᒐᓚᖕᓂᑦ, ᐃᒻᒨᔮᖅᑑᖅᑰᔨᔪᑦ
- ᐊᐅᑦᑎᐊᕆᖕᓇᖅᑐᓂ ᖃᐅᑕᒫᑦ ᐱᔭᕆᐊᖃᕌᖓᑦ ᐱᑎᑉᐸᒡᓗᒋᑦ.
ᓄᑕᕋᓛᑦ ᓄᑕᖅᑲᓪᓗ ᐊᐅᑦᑎᐊᕆᖕᓇᖅᑐᖃᙱᓗᐊᕈᑎᒃ, ᓴᐅᓂᕐᓗᓕᕐᕈᓐᓇᖅᑐᑦ. ᓴᐅᓂᕐᓗᖕᓂᖅ ᐋᓐᓂᐊᕐᓇᕕᒡᔪᐊᖅᑐᖅ; ᓴᐅᓂᕐᓂ ᐊᕿᒡᓕᑎᑦᑎᕙᒃᑐᖅ ᓴᖑᑎᑦᑎᕙᒃᖢᓂᓗ. ᓴᐅᓂᕐᓗᒃᑕᐃᓕᒪᓗᓂ, ᓯᖓᐃᔪᑦ ᐊᒻᒪ ᐊᒫᒪᒃᑎᑦᑎᔪᑦ ᓂᕆᔪᓐᓇᖅᑐᑦ ᐊᐅᑦᑎᐊᕆᖕᓇᖅᑐᖃᖅᑐᓂ ᐊᐅᑦᑎᐊᕆᖕᓇᖅᑐᖃᖅᑐᓂᒡᓗ ᐄᔭᒐᕈᓐᓇᖅᖢᑎᒃ, ᐱᔾᔪᑎᖃᙱᒃᑲᓗᐊᕈᑎᒃ. ᐊᐅᑦᑎᐊᕆᖕᓇᖅᑐᑦ ᐄᔭᒃᓴᐅᔪᑦ ᐋᓐᓂᐊᓕᕐᓇᙱᖦᖢᑎᒡᓗ.
