ᐊᕐᕕᓂᓕᖕᓂ ᑕᖅᑭᖃᓕᖅᑎᓪᓗᒋᑦ, ᓄᑕᕋᓛᖅ ᓇᓗᓇᖅᐸᙱᑦᑐᖅ ᓂᕆᖃᑦᑕᕈᒪᓕᕐᓂᖏᓐᓂᑦ ᓂᕿᓂᒃ.
- ᓄᕚᕿᒃᑲᐅᓂᖅᓴᐅᓕᖅᐸᒃᖢᑎᒃ, ᐃᐳᒻᒥᖓᕙᒃᖢᑎᒃ, ᑎᕝᕗᓗᙱᓐᓂᖅᓴᐅᓪᓗᑎᒃAre interested in what you eat and grab for your food
- ᐱᔪᒪᓂᖃᕐᓂᖅᓴᐅᓗᑎᒃ ᓂᕆᔭᕐᓂᒃ ᑎᒍᓯᑲᑕᒐᓱᒃᐸᓕᕐᓗᑎᒡᓗ ᓂᕿᓂᒃ
- ᐊᒫᒪᖕᓂᖅᓴᐅᕙᒡᓗᑎᒃ ᑳᙱᓐᓇᖅᐸᒡᓗᑎᒡᓗ ᐃᒡᓗᒃᑐᑦ ᐊᒫᒪᒃᑲᓗᐊᕈᑎᒃ
- ᒪᑭᒪᓂᖅᓴᐅᓗᑎᒃ ᐊᓯᐊᓄᓪᓗ ᓵᑉᐸᒃᖢᑎᒃ ᐊᕿᐊᑦᑐᕌᖓᑕ
- ᑕᒧᐊᔪᓐᓇᖅᓯᓗᑎᒃ ᐄᓯᕙᒡᓗᑎᒡᓗ ᓂᕿᓂᒃ
ᑕᒫᓂ ᐅᑭᐅᖃᓕᖅᖢᑎᒃ ᓄᑕᕋᓛᑉ ᐃᕐᕋᕕᖏᑦ ᓂᕿᓪᓚᑦᑖᖅᑐᕈᓐᓇᖅᓯᕙᒃᑐᑦ. ᐅᑭᐅᖅᑯᖅᑐᓯᕚᓪᓕᕐᓂᖏᓐᓄᑦ ᓂᕿᓄᑦ ᐊᑲᐅᙱᓕᐅᕈᑎᖃᕈᓐᓃᖅᐸᓪᓕᖅᐸᒃᑐᑦ.
- ᐃᕕᐊᖏᕐᒥ ᐊᒫᒪᒃᑎᖃᑦᑖᓪᓚᓚᐅᕐᓗᒋᑦ ᐅᕝᕙᓘᓐᓃᑦ ᐊᒫᒪᐅᑎᓄᑦ, ᓄᑕᕋᓛᖅ ᓄᑕᕋᓛᖅᓯᐅᑎᓂᒃ ᓂᕿᓂᒃ ᐆᒃᑐᖅᑎᑦᑐᓐᓇᖅᑕᑦ.
- ᐱᒋᐊᖅᑳᕐᓗᑎᒃ ᒥᑭᑦᑑᑎᓂᒃ−ᐊᑕᐅᓯᕐᒥ ᐊᓘᑎᐊᓛᕐᒥ−ᐱᑎᒃᑲᓐᓂᖅᐸᓪᓕᐊᕙᒡᓗᒍ ᓄᑕᕋᓛᑉ ᑳᖕᓂᖓ ᒪᓕᒡᓗᒍ.
- ᐊᓘᑎᒥ ᐊᑐᖅᐸᒡᓗᑎᑦ ᓄᑕᕋᓛᖅ ᑐᐱᖦᖤᕐᓂᐊᕐᒪᑦ.
- ᓄᑕᕋᓛᖅ ᐃᒃᓯᕚᑦᑎᐊᖅᑎᓪᓗᒍ, ᐅᔾᔨᕆᑦᑎᐊᕐᓗᒍᓗ ᓂᕆᓕᕌᖓᑦ.
- ᐊᑕᐅᓯᐅᓈᖅᑎᕐᓗᒋᑦ ᓂᖀᑦ. ᐅᓪᓗᑦ ᐱᖓᓱᙳᕌᖓᑦ ᐊᓯᖏᓐᓂᒃ ᓂᕆᑎᒋᐊᖅᐸᒡᓗᒍ ᑎᒥᒥᒍᑦ ᐱᐅᒃᓴᙱᓐᓂᖃᕐᒪᖔᑦ.
ᐊᐅᒃᓯᐅᑎ (ᓴᕕᕋᔭᒃᓴᖅ)
ᐱᒋᐊᕐᓗᓂ ᑕᖅᑭᖃᖅᑎᓪᓗᒋᑦ ᐊᕐᕕᓂᓕᖕᓂ (6), ᓄᑕᕋᓛᑦ ᓂᕆᖃᑦᑕᕆᐊᖃᖅᑐᑦ ᐊᐅᑦᑎᐊᕆᖕᓇᖅᑐᖃᖅᑐᓂ ᓂᕿᓂᒃ ᖃᐅᑕᒫᑦ.
- ᖃᓄᐃᙱᑦᑎᐊᖅᑐᒥ, ᓴᙱᔪᒥ ᐊᐅᖃᕐᓇᖅᑐᖅ
- ᓄᑕᕋᓛᑉ ᖃᕋᓴᖓᓄᑦ ᐱᕙᓪᓕᐊᓂᖃᑦᑎᐊᖁᓪᓗᒍ ᐃᓕᑦᑎᕙᓪᓕᐊᑦᑎᐊᕈᓐᓇᖁᓪᓗᒍ ᐱᕈᖅᐸᓪᓕᐊᑦᑎᐊᖁᓪᓗᒍᓗ
ᓄᑕᕋᓛᖅ ᐊᑦᑎᓗᐊᖅᑐᒥ ᐊᐅᒃᓯᐅᑎᖃᖅᐸᑦ, ᐃᒪᐃᑦᑐᓐᓇᖅᑐᑦ:
- ᑕᖃᖓᖅᑰᔨᓗᑎᒃ ᖃᑕᖓᓗᑎᒡᓗ
- ᓴᙲᑦᑐᑯᓘᖅᑰᔨᓗᑎᒃ
- ᐋᓐᓂᐊᓕᒐᔪᖕᓂᖅᓴᐅᓗᑎᒃ
- ᓂᕆᒃᑲᐅᙱᓐᓂᖅᓴᐅᓗᑎᒃ
- ᐱᕈᖅᐸᓪᓕᐊᓂᑭᓐᓂᖅᓴᐅᓗᑎᒃ
ᐃᕕᐊᖏᕐᒥ ᐊᒫᒪᒃᑎᑦᑏᓐᓇᕋᓱᒃᐸᒡᓗᑎᑦ ᐅᕝᕙᓘᓐᓃᑦ ᐊᒫᒪᐅᑎᒨᖅᑎᑦᑎᓗᑎᑦ ᐊᐅᒃᓯᐅᑎᖃᑦᑎᐊᖅᑐᓂ ᐊᐅᑦᑎᐊᕆᖕᓇᖅᑐᖃᖅᑐᓂᓗ ᐃᒪᕐᒥ ᐄᔭᒐᖅᑎᓐᓇᓱᒃᐸᒡᓗᒋᑦ. ᐊᐅᒃᓯᐅᑎᖃᑦᑎᐊᖅᑐᓂ ᓂᕆᑎᑉᐸᒡᓗᒋᑦ ᖃᐅᑕᒫᑦ−ᓄᑕᕋᓛᖅᓯᐅᑦ ᐅᓪᓛᕈᒻᒥᓴᑦ, ᐆᓯᒪᔪᑦ ᓂᕿᓪᓚᑦᑕᑦ−ᓂᕿᓪᓚᑦᑖᑦ ᐅᕝᕙᓘᓐᓃᑦ ᓂᐅᕕᕐᕕᖕᒥᐅᑕᒃᓴᔭᕐᓂ. ᓴᐅᓂᑦᑎᐊᕆᖕᓇᖅᑐᓂ ᓂᕆᑎᑉᐸᒡᓗᒋᑦ−ᓰᕐᓇᖅᑐᓂ ᐱᕈᖅᑐᕕᓂᕐᓂᒡᓗ, ᒪᒃᑖᖅ, ᐃᖃᓘᑉ ᓱᕙᖏᓐᓂᒡᓗ.
