ᑐᓵᔭᒐᖃᕐᓂᖅ ᐋᓐᓂᐊᖑᕗᖅ ᐊᒃᑐᐊᓂᖃᖅᖢᓂ ᐃᓅ ᐱᔪᓐᓇᕐᓂᖓᓂᒃ ᐃᓱᒪᔪᓐᓇᑦᑎᐊᕈᓐᓇᕐᓂᕐᒧᑦ, ᐃᓅᖃᑎᖃᕈᓐᓇᕐᓂᖓᓄᑦ, ᐊᒻᒪᓗ ᐊᐅᓚᑦᑎᓂᖅ ᐃᒃᐱᖕᓂᐊᓂᖓᓂᒃ. ᑐᓵᔭᒐᖃᖅᑐᑦ ᐊᒃᑐᐊᓂᕆᔭᖏᑦ ᐊᓪᔨᒌᖏᑦᑐᑦ. ᐊᓯᖏᑦ ᖃᓄᐃᔾᔪᓯᕆᔭᖏᑦ ᐋᓐᓂᐊᖑᔪᒧᑦ ᐊᒃᑐᐊᓂᕆᔭᖏᑦ ᐊᓯᔾᔨᖅᓯᔪᓐᓇᖅᑐᖅ−ᐊᔪᕐᓇᕈᓐᓃᖅᑎᑦᑎᔪᓐᓇᖅᑐᖅ ᐅᕝᕙᓘᓐᓃᑦ ᐊᔪᕐᓇᖅᑐᖅᓯᐅᖅᑎᑦᑎᔪᓐᓇᖅᑐᖅ ᐋᓐᓂᐊᕈᑎᒋᔭᖏᓐᓄᑦ.
ᐅᓄᕐᓂᖅᓴᑦ ᑐᓵᔭᒐᓖᑦ ᐊᑕᐅᓯᕐᒥᑦ ᐅᕝᕙᓘᓐᓃᑦ ᐅᓄᕐᓂᖅᓴᓂᑦ ᐋᓐᓂᐊᕈᑎᖃᖃᑦᑕᖅᑐᑦ:
- ᑐᓵᔪᓐᓇᖅᑐᑦ ᐅᕝᕙᓘᓐᓃᑦ ᑕᐅᑐᒍᓐᓇᖅᑐᑦ ᐊᓯᖏᓐᓂᑦ ᑐᓵᔭᐅᖏᑦᑐᓂᒃ ᐅᕝᕙᓘᓐᓃᑦ ᑕᐅᑐᒃᑕᐅᖏᑦᑐᓂᒃ.
- ᐅᒃᐱᕈᓱᒍᓐᓇᖅᑐᑦ ᓱᓕᓂᕋᕐᓗᓂᒋᑦ ᓱᓕᔫᖏᑦᑐᓂᒃ.
- ᐃᓱᒪᔪᓐᓇᖅᑐᖅ ᐃᓅᖃᑎᖏᓐᓂᑦ ᐋᓐᓂᖅᑕᐅᓇᓱᒋᓗᓂ.
ᐅᓄᖅᑐᓂ ᐊᔾᔨᒌᖏᑦᑐᓂ ᑐᓵᔭᒐᐅᓯᖅᑕᖃᐅᖅᑐᖅ. ᐋᓐᓂᐊᕈᑕᐅᒐᔪᒃᑐᖅ ᐃᓱᒪᒥᒍᑦ ᐃᓕᖅᑯᓯᖅᓱᖏᑦᑐᓂᒃ ᑐᓵᔭᒐᖃᕐᓂᕐᒥᑦ. ᑖᔅᓱᒥᖓ ᑐᓵᔭᒐᖃᕐᓂᖅ, ᐋᓐᓂᐊᖃᖅᑐᑦ ᑲᑉᐱᐊᓇᖅᑐᓂ ᐃᓱᒪᕙᒃᑐᑦ, ᐅᒃᐱᕈᓱᒡᓗᑎᒃ ᐊᓯᖏᑦ ᐅᕝᕙᓘᓐᓃᑦ ᐱᑕᖃᖏᑦᑐᓂᒃ ᐋᓐᓂᖅᑕᐅᓇᓱᒋᓗᑎᒃ, ᐊᒻᒪᓗ ᑐᓵᕙᒃᖢᑎᒃ ᐱᑕᖃᖏᑦᑐᓂ. ᐃᑲᔪᖅᑕᐅᓂᒃᑯᑦ, ᑐᓵᔭᒐᖃᖅᑐᑦ ᑐᑭᓯᔪᓐᓇᖅᓯᔪᓐᓇᖅᑐᑦ ᐊᑐᖅᓯᒪᔭᒋᑦ ᐱᓪᓚᑦᑖᖏᓐᓂᖏᓐᓂ.
