Ihumarlukhimaniq

Ihumarlukhimaniq aaniarut ayungnautitivakhimayuq inungnun ihumaminun ihumaliugianganik ihuaqtumik, ilaulukaagianganik allanik inungnik, ayuqhautigivakhugitlu ihumamigun atuqtauhimaaqtait hadja. Taima ayungnautitivakhimayuq inungnun allamik. Taima qanuq allat aulavakhimayuq aaniarutiqaqtunik taima aulatitigiaqaqtun allanun qanurlu ayungnautigivakhimayut inungmun-taima ayungnaitumik ayungnaqtumikluuniit aulayaangat. 

Ihumarlukhimayut piqaqtun atauhirmik amigaitunikluuniit naunaitkutinik:

  • Tuhaanginaqtun tuhangnaitunik takuhimaaqtunlu takunaitunik taima allat tuhaayuitait takulimaitaitlu.
  • Upigilugit ilangit itqumayut taima ilangit inuit ilihimayut itqumangitun.
  • Ihumainaqhutiklu ilangit inuit aanniqnahuarniaqhimayaingit.

Piqaqtun qaffiuyunik allatqiinguyut ihumarlukhimanirnik. Tamna naunailuaqtuq kapiahukhiuinaqtuq ihumainaqtuq ihumarlukhimainaqtum. Uminga aaniarutiqaqtuq, inuit piqaqhimaaqtun kapianaqtunik ihumainaqtuq, upigiyait allat inuit huniarnahuaqtunikluuniit aannirnahuaqtaingitlu, tuhaanginaqhutiklu nipinik. Mamitirutikhangit, inuit ihumalukhimayunik ilihimanaqtun taima ukuat atuqhimaaqtangitlu itqumangitun.