Ihumaalungniq uvalu Ihumaalungnikkut Ayuqhautit

Ihumaalungniq aalakiinik mihingnautilik, hapingniq, ihumaalungnik, ighiniq, uvalu kamahungniq qaiyumun huliningmun uvaluuniin qanuginikkut—atuqtauyuq uvlauuniin ihumamikkut ihumagiyait. Tamangnik inuit ihmaalukpaktut qakunguaangat, kihimi ilait inuit kamahuktutut ilivaktut inuuhingnmingni atuinaliqhugu.

Uuktuutigilugu, inuk ihumaalungniaqtuq kiguhiqiimungaugumi uvaluuniin havaaghamun apiqhuqtaugumi. Inuk ihumaalungnikkut ayuqhautilik ihumaalungniaqtuq igluni qimakaangamiuk uqaqluagungnaiqhuni aalanun inungnun iniqtigiamilu ubluni havaktaghani.

Takunalimaituq uvaluuniin humi ubluq tamaat ihumaaluutaa kikliqaligaangami ayuqhaunmun.  Ikayuqtikhangniq apiqhilutit munaqhitkuni ihumaguvin ihumaalutikkut ayuqhautiqaliguvin—naunaiyautait ihumaaluutip atuinaliqata ubluq tamaat inuuhingni. Atingnik uqaqhimaitumik ikayuqvik, hivayaqlugit ukuaKamatsiaqtut Ikayuutauyuq hivayaut uvani 1-800-265-3333.

Ihumaguvin kinali qayangnautiqaliqtuq aaniqluni inmi uvaluuniin aalat, munaqhiliaqtilugit qilamik PALIIHIMATKUTLUUNNIIT hivayaqlutit.

Ihumaalungnikkut uvalu Ihumaalungnikkut Ayuqhautit

Akhuvalaaq ihumaalungniq

Inuk ihumaaluinagumi ubluq tamaat hunanik—angiyut mikiyullul—atuliqtut ihumaalungnikkut ayuqhaunmik, anginiqhaq qanuginia. Qanuq aktilaaqaqa ihumaalukpalaangniq?

  • Ihumaalungningmik ihumaluutiqainaliqhuni ubluq tamavyaini havainingmi, siksinik tatqiqhiutinik avatqumayulluniin.
  • Mihingnaut ihumaalungningmik hulaqutaubluni ubluq tamaat inuuhingmini hulidjutikhani.
  • Tautungnaqtunik naunaiyautiqaliqhuni, unaguhuinaqhuni, nukiit hukangayutit iinaliqhutik hinigiaminilu ayuqhaliqhuni.
  • Ikpiguhuutit naglikhaagutigiliqhugit inuuhiqliqhunilu.

Hinigiamini ayuqhaliqhuni

Hinaaqhiyaamini ayuqhaliqhuni hinigiaminilu ilauyuq amigitunik ihumakkut aaaniagutinun. Ihuangituq inuk haaqataaqhuni unuami hivuani akhuungnaqtup hulidjutikhaani, kihimi inuk tupaumainaqhuni ihumaalngningmun—kitumun ayuqhaunmun huhimangitkaluaqhunilu—ihumaaluutikkut ayuqhautiqangniaqtuq.

Ilihimanaitunik iqhidjutinik uvaluuniin iqhiugutit

Ilangit ihumaalutit ilauyut hunamun uvaluuniin qanuginiqtigut—imaatun inugiangnikkut, tingminikkut uvaluuniin qulvahingningmun. Inuk iqhinikkut ayuqhautiqaligumi, iqhiugutauyuq—qanugini ihumaalungnikkut ayuqhaut. Ilangit iqhiugutit aalaungitut. Inuk atungniaqtaa ukiuni amigaituni pidjutigingilugu. Uuktuutigilugu, tingminikkut iqhiugutiqaguvin, kihimi tingmiyuitutit. Ilangit inuit pidjutigivagait inmi iqhiugutitik ubluq tamaat.

Aghut ilumini aaniagut

Ihunmaalungniq aulagutiyuq ihumamin, kihimi naunaiyautait takunaqtut timimini. Aanangnikkut ayuqhautit (IBS) ilauyut aqiaguqliungniq, puplangniq, analaingniq, uvalu/uvaluuniin itiktangniq. IBS atadjutiqangituq ihumaalungningmun, kihimi tamangnik atuqtauniaqtuk attautimun ingataqlutik.

Inungmiunikkut ihumaalungniq

Atuqtaunginaqtuq inmikkut mihigimaniq takuyaamik inungnik ilihimangitamik uvaluuniin katimayuni tuhaqtitinahuagumi.  Inuit inugiangningmi ihumaaluutiqaqtut, una ihumaaluut aqhuuqtuq uvalu atuqtauyuq ubluq tamaat qanuginiinun attauhingmin inungmun uqangniq. Inuit ihumaalungnikkut ayuqhautiqaqtuq mihigimayut iigiyauyut inungnin. Akuliangit aupadjakhutik, hayulaqiblutik, mirianguliqhutik, aumaaluhuinaqhutik uvalu ayuqhaliqhutik uqariamingnik. Mihingnautit ayungnangniaqtut takuhimaitamingnik inungnik takuyaami, piqatigiingningmik, uvaluuniin havattiangilutik havaami ilihangnirmilu.

Quglukhimalutik

Quglukhimaniq qilamik mihigimayaa iqhiungniq hivitungituq. Ilangit inuit uumatitik tikliqtautait kayumikhiblutik, aniqhaagiamingnik ayuqhaliqhutik, kakilahiblutik, aumaalukpalaaliqhutik aqiaguqliqhutik uvalu hatqaqliuliqhutik. Inuit atuqhimayuq quglukhimaningmik ihumaalungnirmik ayuqhautiqaqtut.

Itqaumainaliqhuni kinguningminik

Reliving a disturbing or traumatic event is a common experience for people with post-traumatic stress disorder (PTSD). Flashbacks can happen with other types of anxiety disorders as well.Atuqpiaqtutut uvaluuniin quglungnaqtumik itqaumaniq atuqtauyuq inungnun aaniagutiqaqtunun kinguningmingnik quglukhimanikkut ayuqhaut (PTSD). Itqaumainaliqhuni kinguningminik atuqtauyuq aalanun qanuginingnun ihumaalungniqlu.

Compulsive behaviours

A person with Obsessive Compulsive Disorder(OCD) has repeated, unwanted thoughts that make them feel that they have to do something repetitively, This is called compulsive behaviour. The behaviour may be mental (telling yourself "it'll be all right" over and over again) or physical(hand washing, straightening items, counting, rechecking something that you've already done).

Qanugiliugutikhat Munagiyaangani Mikhiyuumigutikhat Ihumaalungningmun

Ihumaalungniq attauhiq anginiqhaq ihumamun aaniagut nunaqyuami. Amigaitut inuit ihuangnikkut munagidjutikhanik mikhiyuumigiangani ihumaaluut.. Hamma ilangit uuktuutikhat:

  • Naunaiqhimaqattaqlugit ihumagiyatit. Ihumaalukuvin, idjuhiqagiaghaa naunaiyaqlugit hunat ihumaalutigiyatit. Atuqlugu una ilihimayat nakuutqiatigut kangiqhiyaangani ihumaluutit.
  • Ayuiqhalugit atuhimaaqlugit iqaiyangnikkut ihuakkullu unaguiyautit ihumamun aniqhaaktautillu.
    • *Ikayuut: Qiniqlugu YouTubemi aalakiit iqaiyangnikkut aniqhaaktangnikkut iqaiyautit qiniqlugu kitut nakuutqiaq ilingnun!
  • Ilauqataulutin katimayuni (upautilutin uvaluuniin qagitauyakkut) piyakhanik uqautigilugit atuqhimayatit uvalu nakuuhivaliadjutikhatigut ikayuutikhanik.
  • Taangaqtuqtailutin uvalu caffeineqaqtunik angikliyuumigutauvaktut ihumaalutinun.
  • Pulaaqlugit inuuhiqattiangnikkut ikayuqtinun mamitigutikhangnun. Amigaitunik aalakiinik ikayuutikhat ihumaalungnirmun paqitilutit mamitigutikhangnik nakuugiyangnik.

Amigaitut inuit ihumaalungnikkut ayuqhautiqaqtut ilihimangitut mamitaaqtut ihumakkut aaniagutait. Uqaqhimayut hapiqpaktut uvalu ihumaalukhutik tamaini inuuhingmingni. Una ayuqhaut atuqtauniaqtuq quyaginaq ukiuqaqtuni. Inuk ihivriuqhigiaqaqtuq tamainun aaniaqtailinikkut daaktimin naunaiyagiangani ihumaalungnikkut ayuqhaut. Taimaali ihumaaluutit naluyauvaktut.

Inuk ihumaalungnikkut ayuqhautiqaqtuq aalamiklu ayuqhautiqangniaqtuq imaatun ingumaningmik uvlau/uvaluuniin ayuqhautiqagluni aangayaangnikkut/taangakkut atungnikkut uvaluuniin ipigalaingnikkut. Hapkua hivuuganangniaqtut qayangnautinun inminiingnirmun. Nutaqqat angayuqaaqaqtut ingumaniqaqtumik malgungnik ihumaalungnirmik ayuqhautiqangniaqtut. Anrnat amlgungnik angutinin ayuqhautiqaluangniaqtut ihumaalungnikkut ayuqhautinik.

Ikayuqtikhangniq apiqhilutit munaqhitkuni ihumaguvin ihumaalutikkut ayuqhautiqaliguvin—naunaiyautait ihumaaluutip atuinaliqata ubluq tamaat inuuhingni. Atingnik uqaqhimaitumik ikayuqvik, hivayaqlugit ukuaKamatsiaqtut Ikayuutauyuq hivayaut uvani 1-800-265-3333.

Ihumaguvin kinali qayangnautiqaliqtuq aaniqluni inmi uvaluuniin aalat, munaqhiliaqtilugit qilamik PALIIHIMATKUTLUUNNIIT hivayaqlutit.