Inminiingniq

Nakuungitumik atuliraangat uvaluuniin inuit ingumakpalaarumik, ilangit ihumaliqpaktut inminiirngnirmik ulugiahurungnairiamingnik, kanguhulaqiraangamik, uvaluuniin aghuvalaaq ingumakhutik. Tamavyaita inuit ihumayut inminiirningmik huigumangitut—tautukhugu inminiingniq ihuaqhaidjutikhaq ulugiahugungnairiamingnik.

Amigaitunik qanuginiinik huuq inuk ihumayuq inminiingnirmik:

  • Avaliingaaqtutut uvaluuniin avaliiqtaublutik
  • Atuqhimablutik iqaiyangnikkut, nuliqinikkut, uvaluuniin ihumamingnun ihuinaaqtaunikkut
  • Alianairiyaugaangamik uvaluuniin ningaqhiqhutik
  • Aaniarutinikhutik
  • Inuublutik ayuqhainaqtumik
  • Piqparitatik huiraangata ilanatikluuniin
  • Aghuvalaaq piqatigiingnikkut ayuqhautiqaliqhutik uvaluuniihn avitkaangamik
  • Pidjutikhaiqtutut ilibluni, ayuqhaliqhuni, huungitututlu—ayuqhaliqpalaaqhuni mihigimaliqhuni inmi pilimaiqtutut
  • Ukpiguhuliqhuni ihuaqhilimaiqtuq ayughaut

Tamavyait inuit kitut aghuvalaaq ihumayut inminiirnirmik piqaqtut attauhirmik uvaluuniin amigaitunik hapkuninga qayangnautinik:

  • Inmikkut uvaluuniin ilamikkut kinguani uuktuqhimayut uvaluuniin huiqhimayut inminiirnirkkut
  • Inmikkut uvaluuniin ilangitigut kinguini aghut ihumaalungnikkut, ingumanikkut, uvaluuniin aalat ihumakkut aaniarutit imaatun qaritakkut ayuqhautit ihumaklungnikkut
  • Taangarnik aangayaangnaqtuniklu ipiralaiqhuni
  • Atuqpalaaqhiabluni alianaiguhungnirmik—tugaaqtauhimabluniuvaluuniin alianaiguhukhuni

Inminiirniq qayangnaqpalaaq humi inuk:

  • Inminiirutighaqagumi—hiquutinik uvaluuniin havautinik.
  • Ihumaliuriiqhuni humi uvalu qakugulu.
  • Ihumabluni ihuaqhivikhaiqtuq ayuqhautni uvaluuniin ulugiahugungnaigutikhamik.

Ilangit naunaiyautait munariyakhat

Naunaiyautiqaluangituq inuk ihumayuq inminiiqluni. Ilaini inuk uqaqluni uvlauuniin huliluni naunaiyautiqaqtuq inminiirnirmik. Aghuungnaqtuq qiniqhimalugit hapkua naunaiyautit ukpirilugit.

  • Uqamalukhuni huingnirmik uvaluuniin inminirnirmik, "huigumayunga."
  • Uqautigiblugu inminirniq uvaluuniin huigumabluni uvaluuniin tamagumabluni —nagudjutigiblugu
  • Ihumabluni aalat nakuugitqiariniaqtaat huiqqat
  • Inmiinaliqhuni aangayaangnaqtunikluuniin
  • Qayangnaqtumik idjuhiit uvalu hivuranaqtumik huliblutik
  • Tuniuqhaibluni pinariyaminik tamayanik
  • Piumayungnaiqhugit aliariyaraluani hulidjutit
  • Nayugumayungnaiqhugit inuit piqpagiyani
  • Ayuqhaliqhuni pidjutigilugit ayuqhautini havakvingmini aihimavingminiluuniin
  • Ihumaaluinaliqhuni, unaguhuinaliqhuni, ningaktaaliqhuni
  • Inminiirpiarahuaqhuni (uuktuqhuni inminiirnirmik)

Ihumaguvin kinali ihumaliqtuq inminiiqluni, ulugianaituq apigilugu "Ihumaliqqit inlingnik tuqlutit?" uvaluuniin ihumautqaliqqit inminiirnirmun?" Angirumik:

  • Apigilugit uqagumayainik.  Nallakhimanahuarlutin.  Uqagumangitkumik, apigilugit allamik inungnun uqaqqatigiumayainik, katitiqlugitlu tapfumunga inukmun.  Ayungnautiqaguvit uqagianganik katitigiyaangatluuniit nallagianganik, katitirlugit allamun inungnun nallagiaqaqtunik.
  • Uqaqatirilugu inuk aghuuqhalugu ikayuqtighaqhiuqluni. Uqaqlutit imaa, “Mamianaaqarit”, “Qayangnaiyautikhangnik qiniqhiata”, uvaluuniin “Qanuq ikayungniaqirit?”
  • Tunilugu ikayuqtit hivayautaanik uvaluuniin qilamiungnikkut hivayautip napaanik.
  • Titiraqlugit aalat ikayuqtaaqtut upainarialgit nunallaangni.
  • Tuhaattiaqlugu; nagliguhuutingnik tunilugu ihumagihiyuumigiangini.
  • Qimaktailugu inuk ihumaqaqtunik inminiigumayut. Qiniqhimaaqlutin ikayuktikharnik.

Apigiyaangat inuknik ihumagiyainik talvuuna inminiirnikkut taima tuningitun ihumaliurutikharnik talvuuna, kihimi tautuktitilugit piqpaqutiqaqtangit inuuhirinikkut.

Ikayuqtauniq

Ilvit allamikluuniit ilihimayangnik ihumagiyut inminiirnikkut, uqaqqatigilugit munarhitkunun talvungautilugitluuniit munarhitkunun. Qayangnautaa inminiirnirum qilamiulutin, hivayaqlugit PILIIHIMATKUT.

Inuk ihumayuq inminiirnirmik uqaluagumayuq ilanaminun, ilaminun, uvaluuniin kimuli ukpiriyamingnun—ilihaiyimun, ayuiqhaiyimun, ayuqiqtuiyumun, uqaudjimun iningnikhamunluuniin.

Uqaqatirilugit inuk ihumagigungni ihumayuq uvaluuniin inminirgahuaraluaqtuq. Uqautigiblugu PIDJUTAUNGITUQ inminirnirmun.

Atiqangitumik ikayuqvikhaqt, hivayaqlugit hapkua  Nunavut Kamatsiaqtut Ikayuqtit hivayautaa..

  • Hivayagiaqaqtait 24nik ikaakninik ubluq tamaat
  • 867-979-3333 akiitukkut 1-800-265-3333

Hivayaqlugit Isaksimagit Inuusirmi Kataujjiqatigiit (Iqittiaqhimalugu Inuuhit Katimayiit)

Allat Ikayugiaqaqtunik Hivayautait uqaqqatigiyaangat hanaqidjutikhangit ilauyut:

Uva malruk piksasiuk [YouTubemun atadjutit] tapkua aghuuqhaiyut inungnun uqautigilugu inminirniq.

  • Attauhiq piksasiuq tautuktitiyut amigaitunik ukpiriyainik uvalu qanuginiit ilauyut inminirnikkut.
  • Aipaa piksasiuq qungiaqtitiyuq aghuurutikkut uqangniq—inuuhimaitumik nipaitumik. Qungniaqtitiyuq attauhingmik inungmik uqautigiyaa qanuq inminirniq atuqtaat—qanuqlu aalanguqtitiniaqtugut uqagrupta uvalu tuhaalugit aalat.