Qagitarmini Ihumanmigut Ayuqhautilik

Qagitarmini Ihumanmigut Ayuqhautilik aaniarut taima anginirmik idjuhinga allagnguqtihimaaqtuq. Taiguqtauvakhimayugaluaq quviahuluaguikhimayuq ayuqhautilik. Inuk kituliqaak qagitarmini ihumanmigut ayuqhautilik qumiktaaqtutun iinaqtun quviahuqtumin quviahuiryuaqtuniklu idjuhimini. Tamna quviahuqtumik idjuhiqaqtuq, taima quviahulukaanginaqtun hulilukaagumainaqtuniklu. Tamnalu quviahuiluaguikhimayut idjuhingani, taima quviauhiuluaqpakhimayut quviahugungnaiqhutik hulilukaagumayungnaiqhutiklu. Taima ikaakningit talvuuna anginirmik malrungnik idjuhiqaqtunik naunairutiqaqtuq anginirmik inungnik allamiik allamun.

Una aaniarut amingnaqtuq taima inuk kituliqaak aulalimaihuiqhuni pililiqpaktuq iliharvingmi, aihimavingmini, nunalaaniluuniit. Taima akhurnaqtuq talvunga inungmun ilihimayukhat avaliingaangitun uqaqqatigiaqaqtunlu allanun inungnun ayungnautiqaqtunik taimaitumik qagitarmini ihumanmigut ayuqhautilik ayuiryumigianganik nigiurutiqaqtun. Mamikharnik ikayuutikharniklu pigiaqaqtun munagiyaangat idjuhingit quviahugianganiklu.