ᐃᑲᔪᖅᑕᐅᓂᖅ ᐃᓱᒪᒃᑯᑦ ᐋᓐᓂᐊᓗᓂ

ᐃᒡᕕᑦ ᐊᓰᓪᓘᓐᓃᑦ ᓇᓗᓇᕈᓐᓃᖅᐸᑦ ᐃᓱᒪᒥᒍᑦ ᐋᓐᓂᐊᔪᖅ, ᑕᓗᕈᒃᑯᑎᔭᕆᐊᖃᙱᓚᑎᑦ ᑲᙳᓱᒡᓗᑎᓪᓘᓐᓃᑦ. ᐃᓱᒪᒃᑯᑦ ᐋᓐᓂᐊᕐᓂᖅ ᐊᑐᖅᑕᐅᒐᔪᒃᑐᖅ ᐊᒻᒪᓗ ᐊᒃᑐᐊᓂᖃᖅᐸᒃᐳᖅ ᐅᓄᖅᑐᓂᑦ. ᐱᒻᒪᕆᐅᕗᖅ ᐃᓱᒪᒃᑯᑦ ᐊᒃᓱᕈᖅᑐᑦ ᐃᑲᔪᖅᑕᐅᖃᑦᑕᕈᑎ.

  • ᐅᖃᖃᑎᖃᕐᓗᑎᑦ ᑕᑎᒋᔭᖕᓂᑦ.
  • ᐅᖃᖃᑎᖃᕐᓗᑎᑦ ᐃᓗᐊᖅᓴᐃᔨᒥᑦ ᐋᓐᓂᐊᕐᕕᖕᒥᑦ.

ᓄᓇᕗᑦ ᒐᕙᒪᒃᑯᖏᑦ ᓄᓇᓕᖕᓂᑦ, ᐊᕕᒃᑐᖅᓯᒪᔪᓂᑦ, ᓯᓚᑖᓃᑦᑐᓂᒡᓗ−ᓄᓇᕘᒥᑦ ᐱᔨᑦᑎᕋᖃᑦᑕᖅᐳᑦ ᐃᓱᒪᓕᕆᓂᖕᓂᑦ. ᐊᔾᔨᒌᙱᑦᑑᑎᑦ ᐃᑲᔪᖅᑕᐅᓃᑦ ᐃᑲᔪᕈᓐᓇᖅᐳᑦ ᒪᒥᓴᖕᓂᖕᒥᓪᓗ.

ᐃᓅᓯᓕᕆᔭᐅᓂᖅ

  • ᐃᓄᑑᓗᓂ ᑕᑯᔭᐅᔪᓐᓇᖅᑐᖅ ᑲᑎᙵᔪᓂᒡᓘᓐᓃᑦ. ᑲᑎᙵᔪᓂᑦ, ᐃᓄᒃ ᐊᓯᒥᓂᒃ ᑕᑯᕙᒃᐳᖅ ᐊᔾᔨᐸᓗᖏᓐᓂᑦ ᐊᑐᕐᑐᓂᑦ, ᓄᑖᓂᑦ ᐃᓄᖕᓂᑦ ᑕᑯᕙᒃᐳᑦ, ᐃᓕᑦᑎᕙᒃᖢᑎᒃᓗ ᐃᓅᖃᑎᖃᖕᓂᖕᓂᑦ. ᑲᑎᙵᔪᓂᑦ ᐃᓅᓯᓕᕆᓂᖅ ᐃᓂᒋᔭᐅᕗᖅ ᐅᒃᑯᐃᖕᓂᖕᒥᑦ ᐱᓕᕆᖃᑎᒌᓕᕐᓗᑎᒡᓗ.
  • ᐃᑲᔪᕈᓐᓇᖅᑐᑦ ᐃᓄᖕᓂᑦ ᐱᐅᓯᕚᓪᓕᕐᓗᓂᔾᔪᒃ ᐊᐃᑉᐸᖃᖕᓂᖏᓐᓂᑦ, ᐃᓕᑦᑎᓗᑎᒡᓗ ᖃᓄᐃᓕᖕᓂᖏᓐᓂᑦ ᑲᒪᓂᖕᒥᓂᒃ, ᐋᖅᑭᒃᓱᐃᓗᓂᓗ ᐃᓱᒪᒧᑦ ᖃᓄᐃᙱᑦᑎᐊᖕᓂᖕᒧᑦ ᑐᕌᒐᒃᓴᓂᑦ.

ᐃᓚᒌᓄᑦ ᐃᑲᔪᖅᑕᐅᓂᖅ

  • ᐃᑲᔪᕈᓐᓇᖅᑐᑦ ᐃᓄᖕᒥᑦ ᐃᓚᒥᓂᒡᓗ ᐊᑲᐃᓪᓕᐅᕈᑕᐅᔪᓂᑦ ᐊᑕᐅᑦᑎᒃᑯᑦ. ᐃᓚᒌᑦ ᐱᓕᕆᐊᖃᕐᔪᐊᖅᑐᑦ ᐃᑲᔪᖅᑐᐃᓂᖕᒥᑦ ᐃᓄᖕᒥᑦ ᐃᓱᒪᒥᒍᑦ ᐋᓐᓂᐊᔪᓂᑦ.
  • ᐃᓚᖃᓲᖑᔪᑦ ᐃᓕᑦᑎᕚᓪᓕᖕᓂᖅ ᐃᓱᒪᒃᑯᑦ ᐋᓐᓂᐊᓂᑦ ᐃᓅᓕᓴᐅᑎᓂᒡᓗ.

ᐃᓅᓕᓴᐅᑎᑦ

  • ᐃᑲᔪᕈᓐᓇᖅᑐᑦ ᖃᓄᐃᔾᔪᑕᐅᔪᓂᑦ ᐃᓚᐅᕈᑎᓂᒡᓗ ᓈᒻᒪᙱᓕᐅᕈᑕᐅᔪᓂᑦ ᐃᓱᒪᒃᑯᑦ ᐋᓐᓂᐊᑎᓪᓗᒋᑦ. ᐅᖃᖃᑎᖃᕐᓗᑎᑦ ᐋᓐᓂᐊᓯᐅᑎᒥᑦ ᓇᓕᐊᖕᓂᖅ ᐃᓅᓕᓴᐅᑎᓂᑦ ᓈᒻᒪᓛᖑᓇᔭᖕᒪᖔᑦ.
  • ᐊᒥᓱᓂᑦ ᐆᒃᑐᖅᑎᑕᐅᑐᐃᓐᓇᕆᐊᓕᒃ ᐃᓅᓕᓴᐅᑎᓂᑦ, ᐊᑯᓂᐅᔪᒧᑦ ᕿᓚᒥᐅᔪᒧᓪᓘᓐᓃᑦ. ᐃᓄᒃ ᐱᓕᕆᖃᑎᖃᖃᑦᑕᖅᐳᖅ ᓘᒃᑖᒥᑦ ᓇᓗᓇᐃᕐᓯᓇᓱᐊᖅᖢᑎᒃ ᓇᓕᐊᒃ ᐃᓅᓕᓴᐅᑏᑦ ᐱᐅᓛᖑᖕᒪᖔᖏᑦ. ᐅᑯᐊ ᐊᓯᔾᔨᑐᐃᓐᓇᕆᐊᓖᑦ ᖃᖓᐅᓕᕌᖓᑦ.

ᓇᖕᒥᓂᖅ ᑲᒪᒋᑦᑎᐊᕐᓂᖅ

  • ᓂᕆᑦᑎᐊᕐᐸᒡᓗᑎᑦ, ᐃᖃᐃᓕᓴᖅᐸᒡᓗᑎᑦ, ᓯᓂᑦᑎᐊᕐᐸᒡᓗᑎᓪᓗ.
  • ᐃᓄᖕᓃᑉᐸᒡᓗᑎᑦ ᓇᒡᓕᒋᔭᖕᓂᑦ ᑕᑎᒋᔭᖕᓂᓪᓗ.
  • ᐅᓗᕆᐊᓇᖅᑐᓂᑦ ᐊᑐᕐᑕᐃᓕᕙᒋᑦ ᓲᕐᓗ ᐋᖓᔮᖕᓇᖅᑐᓂᑦ, ᓯᒡᒐᓕᐊᓂᑦ, ᐃᒥᐊᓗᖕᓂᓪᓘᓐᓃᑦ.
  • ᐱᓕᒻᒪᒃᓴᖃᑦᑕᕆᑦ ᐊᓂᒍᐃᓂᖕᒥᑦ; ᖃᓄᐃᓕᐅᖅᐸᒡᓗᑎᑦ ᖃᓄᐃᙱᑦᑎᐊᖕᓇᖅᑐᓂᑦ, ᓴᙱᓐᓇᖅᑐᓂᑦ, ᐃᓗᐃᑦᑑᓐᓇᖅᑐᒥᒡᓗ.

ᖃᐅᔨᒪᔭᐅᙱᓪᓗᓂ ᐃᑲᔪᖅᑕᐅᔪᒪᔪᑦ, ᐅᖄᓚᓗᑎᑦ ᓄᓇᕗᑦ ᑲᒪᑦᑎᐊᖅᑐᖅ ᐅᖄᓚᐅᑖᓄᑦ..

  • ᐊᑐᐃᓐᓇᐅᔪᑦ ᐃᑲᕐᕋᓄᑦ 24−ᓄᑦ ᐅᓪᓗᖕᒥᑦ
  • 867-979-3333 ᐊᑭᖃᙱᑦᑐᒧᓪᓘᓐᓃᑦ 1-800-265-3333

ᖃᐅᔨᒋᐊᕐᓗᑎᑦ ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᖏᓐᓄᑦ

ᐊᓯᖏ ᐃᑲᔪᖅᑕᐅᔪᒪᓗᓂ ᐅᖄᓚᕖᑦ ᐅᖃᖃᑎᖃᕐᕖᓪᓗ ᐅᑯᐊ: