ᐃᓱᒪᒃᑯᑦ ᖃᓄᐃᙱᑦᑎᐊᖕᓂᖅ ᐃᓚᒋᔭᐅᓪᓗᐊᖅᑐᖅ ᒪᒃᑯᒃᑐᓕᒫᑦ ᐃᓅᓯᖏᓐᓂᑦ. ᐱᕈᖅᐸᓪᓕᐊᓪᓗᑕ ᐃᓅᓱᒃᑐᙳᖅᖢᑕᓗ, ᓄᑖᓂᑦ ᐊᒃᓱᕈᓐᓇᖅᑐᖅᓯᐅᖃᑦᑕᖅᐳᒍᑦ ᑲᒪᒋᔭᒃᓴᖃᓕᖅᖢᑕᓗ ᐃᓅᓯᑦᑎᓐᓂᑦ. ᐊᒥᓱᓄᑦ ᐃᓱᒪᑦᑕ ᖃᓄᐃᙱᑦᑎᐊᖕᓂᖓ ᐊᒃᑐᖅᑕᐅᔪᓐᓇᖅᑐ, ᓲᕐᓗ:
- ᐊᑲᐅᙱᓕᐅᕈᑎᖃᕐᓗᓂ ᐊᒃᓱᕈᖕᓇᖅᑐᒃᑰᕐᓗᓂᓘᓐᓃᑦ ᐃᓕᓐᓂᐊᕐᕕᖕᒥᑦ
- ᓲᖑᓴᒃᑕᐅᓂᖅ ᐃᓕᓐᓂᐊᕐᕕᖕᒥᑦ ᖃᕆᑕᐅᔭᒃᑯᓪᓘᓐᓃᑦ
- ᐊᕕᑉᐸᖕᓃᑦ ᐊᐃᕙᐅᑎᖃᖅᐸᖕᓃᓪᓗ ᐱᖃᓐᓇᕆᔭᒥᑦ
- ᐊᑲᐅᙱᓕᐅᕈᑎᑦ ᐊᖏᕐᕋᒥᑦ ᖃᑕᙳᑎᓂᑦ, ᐊᖓᔪᖅᑳᓂᑦ ᐊᓯᖏᓐᓂᒡᓘᓐᓃᑦ ᐃᓚᒥᑦ
ᐃᓐᓇᖅᑎᑐᑦ, ᓄᑕᖅᑲᑦᑕᐅᖅ ᐊᐅᓚᑦᑎᐊᕐᓯᔪᓐᓇᙱᓚᑦ ᐃᒃᐱᒋᔭᒥᓂᒃ ᐅᖃᓪᓚᐅᓯᕆᒋᐊᖏᓪᓘᓐᓃᑦ ᐃᒃᐱᒋᔭᒥᒃ. ᓄᑕᖅᑲᑦ ᐃᓛᓐᓂᒃᑯᑦ ᐱᓗᐊᓕᖃᑦᑕᖅᐳᑦ ᐱᑦᑎᐊᕈᓐᓃᖅᖢᑎᒡᓘᓐᓃᑦ. ᖃᓄᐃᓐᓂᖏᑦ ᐊᔾᔨᒌᐸᙱᓚᑦ ᖁᕕᐊᓱᓪᓛᓗᓚᐅᖅᖢᓂ ᓄᒫᑦᑕᒃᑐᒻᒪᕆᐅᓪᓗᓂᓗ. ᓄᑕᕋᐅᑉ ᖃᓄᐃᓐᓂᖏᑦ ᐊᑯᓂᐅᓗᐊᙱᑉᐸᑦ ᐊᓯᔾᔨᖅᑕᓗᐊᙱᑉᐸᓪᓘᓐᓃ ᖁᕕᐊᓱᓪᓛᓗᓚᐅᕐᓗᓂ ᓄᒫᑦᑕᒃᑐᒻᒪᕆᐅᓗᓂᓗ ᕿᓚᒥ, ᖃᓄᐃᙱᓪᓗᑎᒡᓗ ᖃᐅᑕᒫᑦ ᐃᓅᓯᖏᓐᓂᑦ, ᐃᓱᒫᓘᑎᒋᔭᕆᐊᖃᖅᑐᒃᓴᐅᙱᓚᑦ. ᐃᓛᓐᓂᒃᑯᑦ, ᐃᓱᒪᒃᑯᑦ ᐃᓕᖅᑯᓯᖅᓱᕈᓐᓃᖅᓲᑦ. ᓄᑕᖅᑲᑦ ᒪᒃᑯᒃᑐᓪᓗ ᐃᒃᐱᒍᓱᒃᑐᒻᒪᕆᐅᖕᒪᑕ ᖃᓄᐃᓕᐅᖅᑐᓂᑦ ᐊᕙᑎᒥᖕᓂᑦ. ᓈᒻᒪᒃᑐᓂᑦ ᐃᑲᔪᖅᑐᖅᑕᐅᙱᓪᓗᑎᒃ, ᐊᒃᓱᕈᓗᐊᓕᕋᔭᖅᑐᑦ, ᓯᕘᕋᓕᕐᓗᑎᒡᓗ ᑲᑕᓗᖓᓕᕐᓗᑎᒡᓘᓐᓃᑦ.
ᒪᒃᑯᒃᑐᐃᑦ ᐃᓚᖃᑦᑎᐊᖅᑐᑦ ᐃᓚᒥᓂᒃ ᐱᖃᓐᓇᕆᔭᒥᓂᒡᓗ ᐊᓂᒍᐃᔪᓐᓇᖕᓂᖃᑦᑎᐊᓲᑦ. ᐊᖓᔪᖅᑳᕆᔭᑦ ᐸᖅᑭᔨᓪᓗ ᐅᖃᓪᓚᖃᑎᖃᐃᓐᓇᖃᑦᑕᕆᐊᓖᑦ ᕿᑐᙵᒥᖕᓂᒃ ᖃᓄᐃᓕᐅᓕᖕᒪᖔᖏᓐᓂᑦ ᐃᓅᓯᖕᒥᓂᒃ ᑭᓱᓪᓗ ᐱᒻᒪᕆᐅᖕᒪᖔᖏᑦ. ᒪᒃᑯᒃᑐᑦ ᐃᑲᔪᕋᓱᒡᓗᒋᑦ ᐊᓂᒍᐃᔪᓐᓇᖃᑦᑕᖁᓪᓗᒋᑦ ᐊᒃᓱᕉᑎᒋᔭᖏᓐᓂᑦ ᐃᓅᓯᖕᒥᓂᒃ.
ᓄᑕᖅᑲᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᕕᒃ| 1-800-668-6868 ᑎᑎᕋᕐᓗᑎᓪᓘᓐᓃᑦ ‘TALK’ ᐅᕗᖓ 686868
ᓄᑕᖅᑲᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᕕᐊ ᐃᓅᓯᓕᕆᔨᒻᒪᕆᖃᖅᐳᑦ ᐊᑐᐃᓐᓇᐅᔪᑦ ᐅᖄᓚᐅᑎᒃᑯᑦ ᐅᕙᓂ 1-800-668-6868, ᐅᖃᖃᑎᒌᖕᓂᒃᑯᓪᓗ ᐅᕙᓂ Kids Help Phone website, ᖃᕆᑕᐅᔭᒃᑯᓪᓘᓐᓃᑦ ᐅᕙᓂ Always There App.
ᐅᕘᓇ ᓇᕿᓪᓗᒍ ᐊᒃᓱᕈᓗᐊᖅᑐᓄᑦ ᑎᑎᕋᕐᕕᐊᓄᑦ ᐃᖏᕐᕋᑎᑕᐅᔪᖅ ᓄᑕᖅᑲᓄᑦ ᐃᑲᔪᖅᑕᐅᔪᒪᔪᓄᑦ ᐅᖄᓚᕕᐊᓄᑦ ᐊᑐᕈᑎᒥᑦ ᐃᓕᑦᑎᒃᑲᓐᓂᕐᓂᐊᕐᓗᑎᒃ.
Youthspace.ca: ᖃᕆᑕᐅᔭᒃᑯᑦ ᐅᖃᖃᑎᖃᕐᓂᐊᖕᓗᑎᒃ, ᑎᑎᕋᕐᓗᑎᒡᓘᓐᓃᑦ ᐅᕗᖓ 778-783-0177