Aangayaaqnaqtunik ipiralailaqilimaiqtunut ayungnaqpiaktuq aanniarut, ayuridjutigilimaingnaqtut aangayaangnaqtut hunavaluillu ihuirutauvaktut qaritamut pidjutigiyaillu aallannguqtirutinut qangaraalukmullu pilikpaktut. Taimaa taimaaqtirniq ayungnaqtuugaluaq, ikayuqhirumavlutik piyut uuktuqhugillu ikayuutikhanik ittunut nakuuhivalliadjutikhamut. Aangayaaqnaqtuynit ipiralailaqidjutaa nakuukpiaktumik munariyauttaaqtait nakuuhipkaklugit. Inuit ipiralailaqihimayuugaluit nakuuhivaktut inuuhirmingni, aliahauklutik aanniairnaittumiklu inuuvlutik.
Aanniarutauvaktuugaluuyunut, ipiralailaqidjutait aadjikkiiktut naunaitkutait aanniarutaillu. Inuk ayuqhaqtuq aangayaaqnaqtunit ipiralailaqihimayut piqaqniarungnaqhiyut atauhiqmik amihunikluunniit idjutainnik:
- Ayuqhaqhutik uqariami ‘imannaq’ kinalikaak tunihiyumakpata aanngayaangnaqtunik
- Ilaunginnaliqhutik inungni aanngayaaqnaqtunik atuqpaktunut
- Qimakhimainnaqhutik piqatigiigutingmingnik ilamingnik ilannamingniklu
- Atuqhutik aangayaangnaqtunik ikayuutigivlugit iqhivlutik, ningaumavlutik, inngummavlutik, quviahungittutik, aallanullu pidjutauyunut
- Ayuqhautiqaqhutik ningakpakhutikluunniit piqatigiigutimingnut aanngayaaqhutik
- Hungiutivlutik aanngayaangnaqtumut amihuniklu piinnaliqhutik aadjikkutaamik ikpingnartumut aangayaariami
- Hulihuiqpallaaqtutut aanniarutiqaqtutut nakuuhuiqtutullu ilivlutik taimaaraangamik
- Ihumainnaliqhutik qanuriliuriami uuktuqhutikluunniit amihunik aanngayaangnaqtunik piyaamingnik
- Maningnik atuinnaliqhjutik aangayaangnaqtunut, aallanik akiligakhaqaqhutiklu
- Ihumagiinnaqhutik aangayaangnaqtunik kakugulu ‘aangayaariamingni’
- Aangayaangnaqtunik atuinnaliqhutik ilihimagaluaqhutik aangayaangnaqtut ayuqhautigivakhugu inuuhirmingni aallanullu inuuhiriyainnut inungnut piqpagiyamingnik
Ilangit inuit piyumaniaqtut atuqlugit atuqtakhaungittut aangayaangnaqtunik. Aadjikkiiktut naunaitkutait atuqtakhaungittunut aangayaangnaqtunik ilait hilami aangayaangnaqtut ukunatut crack, cocaine, heroin, meth (methamphetamine), unalu ecstasy. Ukuat angayaangnaqtut maligatigut piqangittut piqaqniarungnaqhiyut ilihimayaungittunik qayangnaqtunikluunniit piqaqlutik. Ihuinaarutinut anullautikhaqaqtut piqariami, niuvrutigilugit atuqlugilluunniit hunaniklikaak aangayaangnaqtunik. If left untreated, drug addiction may have negative effects on personal health and wellbeing.
Munariyaungitpata, aangayaangnaqtunik ipiralailaqiniq piqaqniarungnaqhiyuq nakuungittunik ikpingnautinik inuup aanniartailidjutikhainut inuuhittiarutikhainullu. Ukuat ilaginiarungnaqhiyait:
- Maningnut ayuqhautiqaqlutik
- Qanittutut ingitlutik piqatigiigutimingni ihuinaanginnaqlutik ningarumainnaqhutikluunniit idjuhimingni
- Ilihariakturuiqhutik havagiakturuiqlutikluunniit
- Ihuinaanginnaliqhutik paliihimanit pivaliqhutik itiktaulutikluunniit
- Munarilimaiqhutik ilamingnik ayuqhautainnut
- Aanniarutinikpiaqhutik qilamikluunniit tuquvlutik
ilihimalimaittut hunanik pidjutigivagainut ipiralailaqidjutikhanut. Ilihimayaptingnit, idjutait, avatingnut, aallanullu ihumaliqinikkut aanniarutinut ayuqhautit, ayuqharnirlu qanuriliuriakhami ihumagiyamingnut mihingnautimingnullu tamaita qanuriliurutiqarungnaqhiyut pivalliadjutikhanut ipiralailaqidjutimut.
Ikayuutikhanut Ipiralailaqidjutikhanut
Munaqhiliqiyitkut havaarivagait nunallaanut, aviktuqhimayuni, ahinilu nunani havaktauyakhanut ikayuutigivlugit naunaiqhiyaanginni munarilugillu inungnik ayuqhautiqaqtut taanganut ipiralailainikkullu angayaangnaqtunik ayuqhautinut.
Hivayarvigiinnariaqaqtatillu ikayuutikhamut Kamatsiaqtut Help Line ikayuqhirumaguvit talvunga (867) 979-3333 akiittumulluunniit hivayarvianut (800) 265-3333.
Nunavunmi, piqaqturlu inmikkut ikayuqtinik ikayuqtaaqtunik ilingnut ilananut ilagiyangnulluunniit ayuqhautiqaruvit ayuqhautiqaqqataluunniit ipiralailaqidjutimingnut. Uqaqvigilugit munaqhiliqarvikmut naunaiqhilutit kitut inmikkut ikayuqhirvikhat ikayuqtaaqtunut nunallaangni. Ilangit ikayuqhirviuvaktut ukuat:
- Taanganikkut Ikayuqtiuyut (Alcoholics Anonymous) katimayiit inuit imiruirumayut ikayuqhirumayulluunniit imirungnairumik.
Naunaikhiyuumiyumagungni: www.aacanada.com
- Al-Anon katimayiit ilaqatigiiktunut ilannanullu imiinnakpaktunut.
Naunaikhiyuumiyumagungni: al-anon.org
Qaritauyakkut takuyakturlugu takuyakturviit uumani ilangani naunaikhiyuumilugit ukuninga taanganut higaarluknut, unalu avautinut taaktinilluunniit havautinut uumatut havautimut acetaminophen.
Ikayuqhirvikhat:
