ilihimalimaittut hunanik pidjutigivagainut ipiralailaqidjutikhanut. Ilihimayaptingnit, idjutait, avatingnut, aallanullu ihumaliqinikkut aanniarutinut ayuqhautit, ayuqharnirlu qanuriliuriakhami ihumagiyamingnut mihingnautimingnullu tamaita qanuriliurutiqarungnaqhiyut pivalliadjutikhanut ipiralailaqidjutimut.
Aangayaannaqtunik atuqpaktunut pilikpaktuugaluaq inulrammini. Ilangit inulrammiit inirninguliqtullu pittaaqtangit mikhilaaqlugu ayuqhautimut ipiralailaqinikkut:
- Atuliqlugit ihuaqtut piqatigiigutikhat Inirniqhaanut ilaqatigiigutikhanullu. Piqatigiigutivut ikayuutigittaaqtavut nakuuhivalliadjutikhaptingnut ayuqhautikyuarutiptingnit.
- Ihumagilugit naittumi-hivituniani aturaaqpaktakhamilu-hivituniani tikittumayavut iniqtirlugit inuuhirngni. Ihumagilugit hunat pittaaqtatit havaklutit tikinnahurillugit piyumayangnut.
- Iqatigilugit inuit nakuuyumik ihumagivaktut ilingnik nakuuhipkaktutut ilivaktangnut.
- Naunaiklugit hulilukaarutikhat aliagiyatit ihuariyatillu, ukunatut hanauyarniq titirauyarniq, ulapqiniq, miqhurniq, akiittumiklu ikayurniq havallaklutikluunniit ilangani ubluni ukiuniluunniit havakhaqaqlutik.
- Mikhilaaqlugu ihumaaluutigivaktatit inuuhirngni. Takuyakturlugu una Ihumaalungnirmut qaritauyakkut takuyakturviani ikayuutikhanut uumunga.
- Munarilugit ilvit ihumattiarutikhangnut. Takuyakturlugu una Ihuaqtut Ihumattiarutikhat ilangani ikayuutikhanut ihumagiyakhanullu.
Ipiralailaqidjutit ihuaqtumik munarittauttaaqtut. Inuit ipiralailaqhihimayuugaluit nakuuhivaktut nakuuyumiklu inuuhiqaqtaaqtut, aliahuklutik inuuhittiarlutiklu inuuhirmingni. Taimaa taimaaqtirniq ayungnaqtuugaluaq, ikayuqhirumavlutik piyut uuktuqhugillu ikayuutikhanik ittunut nakuuhivalliadjutikhamut.
Ayuqhautauvaktut aangayaangnaqtunik atuqpaktunut ipiralialaqidjutinullu pittailidjutigittaaqtut, munariyaulutik, munarittiarlugillu. Ihumaalukkuvit aangayaangnaqtunik atuqpaktunut ipiralailaqidjutinullu, uqaqvigilugit munaqhiliqivikmi havaktimut, itquumariyangnulluunniit inirnimut (ukunatut ilannangnut, iligiyangnut, ilihaiyi, Inirniqhaaq, ulapqipkaiyi, uqaudjiyi, nuatqatingnulluunniit).
Takuyaungitutut aallanit ikayurvikhat:
- Hivayarvigilugit ikayuqtit Kamatsiaqtut Help Line: 1-867-979-3333 | akiittumut: 1-800-265-3333
- Youthspace.ca: Atuqlugu qaritauyakkut uqaqatigiigutikhaq, tuyuklutilluunniit titiraqlutit hivayautikkut uumunga 778-783-0177
- Hivayarvigilugit nutaqqanut ikayurvikhaat Kids Help Phone talvunga 1-800-668-6868 hivayautikkulluunniit titiqqivigilugit ‘TALK’ uumunga 686868
