Ihumaaluut

Ihumaalungniq qanuq ilaa taima timin, ihumat, ikpiguhutinlu mihigiyut inuuhirnun. Ayungnaut tikitkangami, timitin mihigivaktuq amirnaqtuq qangnaqtuqluuniin. Tamna ayungnaut ingattakpallaqluni mikkiluniluuniit, kihimi ihumaluktitivaktun.

Ihumaaluutiqaruvin, timit annitivaktuq chemicals-nik (taiyauyut) qauhimapqaiyatin, amiginarniq, upalungaiyakhimalunilu. Uva ilangit ihumaaluut naunaitkutit:

  • Uummatip tigliktauta kayumakkangami, aullapqaivaktuq aumik nukiinnun qaritarnunlu
  • Auliqtuqhiqtuq Tiglautaa Qulvaktihimania
  • Anikharniq kayumakpaktuq
  • Iihigangamik kayumikpaktuq
  • Aumalluinaliqhutik
  • Timimi auladjutit
  • Takkuviit angiglivaktun, qaumakyumiktitivaktut iingnun

Hapkuat aallannguqtiktut hannaiqtut timiit hulidjutikhainnik. Una ikayuutauvaktuq hivuranaqtuqaqqan, talva akhaq takuyami nunami.

Ihumaaluktittiniq (ilaa akharmin) tammaqqan, qaritauyan talva  chemical-liuriuqtittivaktuq (taiyauvaktut)ihumaminun.  Ilaani qaritan anitivaktuq ihumaaluktittiniq chemical-nik (taiyauvaktut) ihumaaluinaqpakhutinlu. Ilaanittauq, aallat ayungnarniq qaivaktuq unaguiqhiqtinnani timiit. Taimailiuqan, unaguiqhilimaitutin ihumaluutinit.

Unaguiqhimaitumik, ningaktaalaqilutin, iqihuliqlutin, ihuaqhilimaitatinlu mikivyaktun ayungnautit. Qugluktaaliqlutin unaguhiunaqlutinluuniin, ihumalliuttiallimaittutinlu. Allat mihinnautit ihumaallutinun ilangit hamma:

  • Niaqurliuq, qunguhinia qigattaqtuq, qitiqliuqluniluuniin
  • Algat aumaallaktut
  • aqiaruqliuq

Hungiutilugu tammaktitluguluuniin ihumaluutit, ilangit inuit higaapaktut, taanngaqtuq, niriryuaq, ataurlugit higaaluk, ilingiblutikluuniin. Ilangit inuit hakkakpaktut kimutluuniin ihuinaaqpaktut ninngaqlutikluuniin. Hapkuat nakuungittut idjuhiit pipqaidjutivaktut ihumalukpallaqtitivaktuq aanniqluginlu timiit ihumatinlu.

Hamma ilanganik qanuriliurutikharnik ikikliyumikrumaqtun ihumaluutin inuuhirni.

  • Uqautigilugit ihumaalutittin kimun ukpiriyarnut. Uqaqtaugangamik ayuqhautit nakuutqiaq ikikliyumiktitlugit ayuqhautinik ihumaluutiniklu.
  • Qia. Qiaganngat nakuuhitivaktuq ihumaluutinik akhuurnaktuqlu mihingnautinun mamittirniq.
  • Hulilukaarniq. Hulilukaarniq—pihuyaqluhi maniqamilu pihuyaluhi ikiliyumiklugu ihumaalutin.
  • Munariyulu timit ihumatlu. Hinittiaqlutin, nirittiaqlutin hulilukaalutinlu kitut aliagiyattin.
  • Ayuirlugit atuqlugulu unaguiqyuminiq ayuittiarutittit.
     Ilunmuraaluk aniqhaaktarniq nukiinunlu niriallaktiqparniq iqaiyaliqidjutit nakuuyut ikikliyumikpaktut ayuqhautinik. Ayuirupkit, aturlugit pinahunik tallimanikluuniin minutes-nik atauttikununngitumik.
  • Piinarialik. Ikayuqtauyumaguvin ihumaluutinun, ihumagilugin hapkua atugakhat Nunavummiunun. TakuluguIkayuutikharnik Ikayukhimaaqtukharniklu makpiranga kangiqhittiarumaguvit.