Ilanngurangat, inuk tamarmi tuninguhuliqpaktuq. Tuninguhuinnaliqpakkuvit taimaa taimaa, ihumaliqnaqhivaktuq ihumami unnagunaqtuq. Tuningunarniq aallangatqiyauyuq quviahuiqtinnirmit. Inuk ilaani tuninguhuliqpaktuq avalinganginnangitkaluaqhuni. Inuk ilaani tuninguhuliqpaktuq inungniitkaluaqhuni. Ilangit inuit tuninguhuliqpiakpaktut takuyauyumangittutik uqarumangittutikluuniit uluriahuutimikkut uvaluuniit ayuqhautimikkut mihigimalirangamik. Inungnut allanut uqarumangittutik.
Hapkuat qanuriliurutait iidjuhiitluuniit ikayuutauhunguyut tuninguhuutaannut:
- Ilauvagluhi inungnut pittiaqtigiyarnut hiamitirilimaitunullu uqaqtarnik.
- Tuninguhiliraiguvit,inungmiuyakhaq ayurnaqhivaktuq uvaluuniit uqariakhami inungmut kinamutliqaak, kihimi inungmiuyaaq ukpiriyarnut ikayuutauhunguyuq quviahuiqhimadjutinginut tuninguhungniq.
- Inungmiuvaglutit/katimaqatiqarlutitllu inungnik aadjikutainnik hulilukaarivaktarnut quviagiyarnikluuniit.
- Katilvigilugit inungnik hulilukaaktitlugit quviagiyarnik aadjikutainik hulilukaaktitlugit. Hunauttaaktut hulilukaarutikhahi—igaanirmik, miqhuyaarniq, ulapqiuyarniq hunanikliqaak, numirniq, akiitumiklu huliyuni ikayuuluqarniq, aallaniklu. Ikayuutauniaqtuq ilauniq hulilukaaktunut. Ayuiqhunguyutit nutaanik ayuiqtakhanik uvaluuniit yuittatit inungnut allanut ayuiqhautigilugit.
- Iningnik munarittiaqpaglutit.
- Hulilukaarvikhanik nainaiqhivaglutit hulilukaarahuaqpaglutitlu hunanik quviagiyarnik. Hapkuat ilauyut ayurnaittut,—hivayarlutit ilannarnut, qun'ngialutit piksasuumik aliagiyarnik, igaqatigilugit ilannatit mamariyarnik niqikhaliuqatigilugillu ilannatit. Ayurnaittut hulilukaarutit ihuaqutauhunguyut quviattangnaqhutiklu.
- Ilitturivaalirumaguvit tuninguhungnikkut.
- Ilitturivalliaguvit tuninguhungnikkut atuqtauqattaliqpakhunillu, tunningunaiqpallianiaqtuq. Ayurnaiqpalliahunguyuq qanuriliurutikharnik tuninguhungnikkut kangiqhittialirungni.
- Uqautigivaglugu aallanut inungnut.
- Kinamutliqaak ilannarnut, ilagiyarnut, uqaudjimut, hivayarlugilluuniit helpline, uqarvigilugu inungmut qanuqtut ilittaakharnik inngumainaliruvit. Ikayuutauhunguyuq ilingnut quviatangnaqhilunillu mamitpalliadjutaulunillu.
