ᐃᓄ ᑑᙳᖃᑦᑕᕐᓂᖅ

ᖃᑯᑎᒃᑯᑦ, ᑭᓇᑐᐃᓐᓇᖅ ᐃᓄᑑᙳᕈᓐᓇᕐᒪᑦ. ᐃᓄᑑᖑᓗᐊᖃᑦᑕᕈᕕᑦ, ᐊᒃᑐᐊᓂᖃᕈᓐᓇᖅᑐᖅ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ. ᐃᓄᑑᙳᓂᖅ ᐊᔾᔨᒋᖏᒻᒪᒍᑦ ᓂᑲᓗᖓᓂᕐᒧᑦ. ᐃᓄᒃ ᐃᓄᑑᙳᕈᓐᓇᖅᐳᖅ ᐃᓄᑑᖏᒃᑲᓗᐊᖅᐸᑦ ᖃᐅᑕᒫᖅ. ᐃᓄᒃ ᐃᒃᐱᒍᓱᒍᓐᓇᖅᑐᖅ ᐃᓄᑑᓗᐊᕐᓂᕐᒥᑦ ᐃᓄᒋᐊᒃᑐᓃᒃᑲᓗᐊᖅᐸᑦ. ᐃᓚᖏᑦ ᐃᒃᐱᒍᓱᒍᓐᓇᖅᑐᑦ ᐃᓄᑑᓗᐊᕐᓂᕐᒥᑦ ᓴᕿᔮᖅᑎᑦᑎᔪᒪᙱᒧᑦ ᐅᕝᕙᓘᓐᓃᑦ ᐅᖃᐅᓯᖃᕈᒪᙱᒧᑦ ᐋᓐᓂᐊᕈᑎᒋᔭᖏᓐᓂᑦ ᐅᕝᕙᓘᓐᓃᑦ ᐃᒃᐱᒋᔭᒥᖕᓂᑦ. ᓴᖅᑭᑎᑦᑎᔪᒪᙱᒧᑦ ᐃᓱᒫᓘᑎᒋᔭᖏᓐᓂᑦ ᐊᓯᒥᓄᑦ.

ᑖᑦᑯᐊ ᐊᑐᖃᑦᑕᖅᑕᖏᑦ ᐊᒻᒪᓗ ᐃᓕᕈᓯᕆᕙᒃᑕᖏᑦ ᐃᑲᔫᑎᒋᔪᓐᓇᖅᑕᖏᑦ ᐃᓄᑑᓗᐊᖏᔾᔫᒥᓂᕐᒧᑦ:

ᐊᒃᑐᐊᓂᖃᕆᑦ ᐅᒃᐱᕆᔪᓐᓇᖅᑕᔅᓯᓐᓄᑦ.
ᐃᓄᑑᓗᐊᕆᒍᕕᑦ, ᐃᓅᖃᑎᖃᕐᓂᖅ ᐊᔪᕐᓇᕈᓐᓇᕐᒪᑦ ᐅᕝᕙᓘᓐᓃᑦ ᐅᖃᓪᓚᖃᑎᖃᕐᓂᖅ ᑭᓇᑐᐃᓐᓇᕐᒧᑦ, ᑭᓯᐊᓂ ᐅᒃᐱᕆᔪᓐᓇᖅᑕᕐᓂᑦ ᐃᓅᖃᑎᖃᕈᕕᑦ ᐊᔪᕐᓇᕈᓐᓃᖅᐹᓕᖅᑎᑦᑎᔪᓐᓇᖅᑐᖅ ᐃᓄᑑᓗᐊᕐᓂᕐᒧᑦ.
ᐊᓂᒍᖅᐸᓪᓕᐊᖃᑎᖃᕐᓗᑎᑦ/ᐃᓄᖕᓂᑦ ᐃᓚᒋᔭᖅᑖᕐᓗᑎᑦ ᐊᓕᐊᓇᐃᒋᔭᖃᖅᑕᕕᑦ ᐱᔪᒥᒋᔭᖃᖅᑐᒥᑦ.
ᐃᓚᐅᖃᑕᐅᓗᑎᑦ ᐱᓕᕆᖃᑎᒌᒃᑐᓂ ᐊᓕᐊᓇᐃᒋᔭᕕᑦ ᐱᔪᒥᒋᔭᖃᖅᑐᓂᑦ. ᑭᓱᑐᐃᓐᓇᐅᔪᓐᓇᖅᑐᖅ−ᓂᕿᓕᐅᕐᓂᖅ, ᒥᖅᓱᕐᓂᖅ, ᐱᙳᐊᖃᑕᐅᓂᖅ, ᒧᒥᕐᓂᖅ, ᐊᑭᓕᖅᓱᖅᑕᐅᖏᓪᓗᓂ ᐃᖅᑲᓇᐃᔭᕐᓂᖅ, ᐊᓯᖏᓗ. ᐃᑲᔫᑎᐅᔪᓐᓇᖅᑐᖅ ᑲᑎᙵᖃᑎᖃᕐᓂᕐᒧᑦ. ᐃᓕᓐᓂᐊᕈᓐᓇᖅᑐᑎᑦ ᓄᑖᓂ ᐊᔪᙱᑕᖃᕐᓂᕐᒥᑦ ᐅᕝᕙᓘᓐᓂᑦ ᐱᑕᖄᓂᒃᑐᒥᑦ ᐊᔪᙱᑕᖃᕐᓂᕐᒥᑦ ᐊᓯᖏᓐᓄᑦ.
ᐃᓕᖕᓂᑦ ᑲᒪᒋᑦᑎᐊᕐᓗᑎᑦ.
ᐱᕕᖃᖅᑎᑦᑎᓗᑎᑦ ᐱᓕᕆᐊᒃᓴᓂᑦ ᐊᓕᐊᓇᐃᒋᔭᕐᓂᑦ. ᐱᖃᓯᐅᑎᔪᑦ ᐊᔪᕐᓇᖏᑦᑐᓂᑦ−ᐅᖃᓗᒡᓗᑎᑦ ᐱᖃᓐᓇᕆᔭᕐᓄᑦ,ᑕᕐᕆᔭᕐᓗᑎᑦ ᐊᓕᐊᓚᐃᒋᔭᕐᓂᑦ ᑕᕐᕆᔮᒃᓴᒥᑦ, ᓂᕿᓕᐅᖃᑎᖃᕐᓗᑎᑦ ᒪᒪᕆᓛᕐᓂᑦ ᓂᕿᒥᑦ. ᐊᔪᕐᓇᖏᑦᑐᓂ ᐊᓕᐊᓇᐃᒋᔭᕐᓂᑦ ᑐᕌᕈᓐᓇᖅᑐᖅ ᐊᖏᔪᒥᑦ ᐱᐅᓯᕚᓪᓕᕐᓂᕐᒥᑦ ᐃᕝᕕᑦ ᐃᒃᐱᒋᔭᕐᓂᑦ.
ᐃᓕᓐᓂᐊᒃᑲᓐᓂᕆᑦ ᐃᓄᑑᓗᐊᕐᓂᕐᒥᑦ.
ᐃᓕᓐᓂᐊᒃᑲᓐᓂᕈᕕᑦ ᐃᓄᑑᓗᐊᕐᓂᕐᒥᑦ ᐊᒻᒪᓗ ᖃᓄᖅ ᐊᑐᖅᑕᐅᖃᑦᑕᒐᔪᖕᓂᖓᓂᒃ, ᐃᓄᑑᓗᐊᖏᓐᓂᖅᓴᐅᓇᔭᖅᐳᑎᑦ. ᐊᔪᕐᓇᖏᓐᓂᖅᓴᐅᕗᖅ ᑲᒪᒋᔭᕆᐊᒃᓴᖅ ᐃᓄᑑᓗᐊᕆᓂᖅ ᑐᑭᓯᓕᕈᕕᐅᒃ.
ᐃᑲᔪᖅᑕᐅᔪᒪᒋᑦ.
ᐱᖃᓐᓇᕆᒍᕕᐅᓘᓐᓃᑦ, ᐃᓚᒋᒍᕕᐅᓘᓐᓃᑦ, ᐃᓄᓕᕆᔨᒧᓪᓘᓐᓃᑦ, ᐅᕝᕙᓘᓐᓃᑦ ᐅᖃᓗᒡᓗᑎᑦ ᐃᑲᔪᖅᑕᐅᕝᕕᖕᒧᑦ, ᐅᖃᓪᓚᖃᑎᖃᕆᑦ ᐃᒃᐱᒍᓱᒃᑕᕐᓂᑦ. ᐊᓯᔾᔨᖅᓯᔪᓐᓇᖅᐳᑎᑦ ᐃᑲᔪᕐᓗᑎᑦ ᖃᓄᐃᖏᔾᔫᒥᔪᓐᓇᖅᓯᓗᑎᑦ ᐊᒻᒪᓗ ᒪᒥᓴᕐᓗᑎᑦ.