ᐃᒪᕐᒥᒃ ᐊᑦᑕᕐᓇᖅᑕᐃᓕᒪᓂᖅ

ᐅᓄᖅᑐᑦ ᓄᓇᕗᒻᒥᐅᑦ ᐊᓕᐊᓇᐃᒍᓱᒃᑐᑦ ᐅᒥᐊᖅᑐᕐᓂᕐᒥᒃ. ᐊᓕᐊᓇᐃᒻᒪᑦ ᑲᑎᖃᑎᖃᕐᓇᖅᖢᓂᓗ ᓄᓇᒥᑦ ᐊᖑᓇᓱᖕᓂᕐᒥᒡᓗ ᓂᕿᒃᓴᒥ. ᐱᕕᖃᖅᑎᑦᑎᓐᓇᖅᑐᖅ ᐃᓐᓇᕐᓂ ᐃᓄᐃᑦ ᖃᐅᔨᒪᓂᑐᖃᖏᓐᓂᒃ ᑭᖑᕚᕆᓂᐊᖅᑕᑦᑎᓐᓄᑦ.

ᐊᑦᑕᕐᓇᖅᑕᐃᓕᒪᔾᔪᑎ ᐱᖁᑎᑦ

ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐅᔾᔨᕆᔭᕆᐊᓖᑦ ᐱᒻᒪᕆᐅᔪᑦ ᐅᒥᐊᖅᑐᕐᓂᐊᕐᓗᓂ. ᒥᑭᓪᓕᕚᓪᓕᑎᑦᑎᓂᐅᔪᓐᓇᖅᑐᖅ ᐅᓗᕆᐊᓇᖅᑐᓂ ᐃᒫᕐᓗᓂ ᑭᕕᕙᓪᓕᐊᓂᕐᒧᑦ ᑭᒃᑯᓕᒫᓅᖓᔪᖅ ᐅᒥᐊᕐᒦᑦᑐᓄᑦ ᐊᑐᖅᐸᒡᓗᓂ ᐊᑐᕈᓐᓇᖅᑎᑕᐅᔪᓂ ᐳᒃᑕᓛᕈᑎᓂᒃ ᐅᕝᕙᓘᓐᓃᑦ ᓇᖕᒥᓂᖅ ᐳᒃᑕᓛᕈᑎᓂᒃ (PFD).  ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᐊᑐᕈᓐᓇᖅᑎᑦᑎᔪᑦ PFD-ᓂ, ᐳᒃᑕᓛᕈᑎᓂ, ᐅᕝᕙᓘᓐᓃᑦ ᐳᒃᑕᓛᕈᑏᑦ ᐊᑕᔪᑦ ᐋᖅᑭᒃᑕᐅᓯᒪᔪᑦ ᐃᓄᖕᒥ ᐳᒃᑕᓛᖅᑎᑦᑎᓂᕐᒧᑦ ᐃᒪᕐᒥ.

ᐃᓱᒪᒋᔭᒃᓴᑦ ᓂᕈᐊᕐᓂᐊᕐᓗᓂ ᐳᒃᑕᓛᕈᑎᓂᒃ:

  • ᑲᓇᑕᒥ ᓯᑯᓯᐅᑎ ᐊᑐᖁᔨᑦᑎᐊᖅᑐᑦ ᖃᐅᒪᔪᓂ ᑕᖅᓴᓕᖕᓂ ᑕᑯᒃᓴᐅᑦᑎᐊᕈᓐᓇᕐᓂᕐᒧᑦ.
  • ᓈᒻᒪᒃᑐᖅᓯᐅᕐᓂᖅ ᒪᓕᒃᑐᖅ ᓴᒡᕕᐊᓂ ᐆᒃᑐᕋᖅᑕᐅᓪᓗᑎᒃ ᐃᓐᓇᕐᓄᑦ ᐊᒻᒪ ᐅᖁᒪᐃᓐᓂᖓᓄᑦ ᓄᑕᕋᕐᓄᑦ − ᐅᖃᓕᒫᕐᓗᒍ ᓇᓗᓇᐃᒃᑯᑕᖓ ᑐᑭᓯᒋᐊᒃᑲᓐᓂᕈᒪᒍᕕᑦ.
  • ᐅᖃᓕᒫᕐᓗᒍ ᓇᓗᓇᐃᒃᑯᑕᖅ PFD−ᖓ ᐃᖏᕐᕋᔪᓕᕆᔨᒃᑯᓐᓂ ᑲᓇᑕᒥ ᐊᖏᖅᑕᐅᒐᓗᐊᕐᒪᖔᑦ.

ᐃᓚᒋᖕᒥᔭᖓ ᓄᓇᕗᑦ ᒐᕙᒪᖓᑕ ᐃᒫᓂᑦ ᐅᔾᔨᕈᓱᑦᑎᐊᕐᓂᒧᑦ ᐱᓕᕆᐊᖅ, ᐅᒥᐊᖅᑐᑏᑦ 18−ᓂᑦ ᓄᓇᓕᐅᔪᓂᑦ ᐊᑎᓕᐅᕈᓐᓇᖅᑐᑦ ᐳᒃᑕᖁᑎᓂᒃ ᐊᑐᕐᓂᐊᖅᑕᒥᓂᑦ ᐊᑭᖃᖏᑦᑐᑦ ᐅᑯᓇᓂ:

  • ᐊᖑᓇᓱᒃᑐᓕᕆᔨᒃᑯᑦ (HTO): ᐊᕐᕕᐊᑦ, ᖃᒪᓂ'ᑐᐊᖅ, ᑲᖏᖅᑐᒑᐱᒃ, ᐊᐅᓱᐃᑦᑐᖅ, ᐃᒡᓗᓕᒃ, ᑰᒑᕈᒃ, ᐸᖕᓂᖅᑑᖅ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᑲᖏᖅᖠᓂᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ
  • ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ: ᓴᓂᕋᔭᒃ ᐊᒻᒪ ᑭᒻᒥᕈᑦ
  • ᐱᖏᖕᓇᖅᑐᓕᕆᔨᒃᑯᑦ ᐸᖅᓴᐃᔩᑦ: ᐃᒡᓗᓕᒑᕐᔪᒃ ᐊᒻᒪ ᓴᓪᓕᖅ
  • ᕿᑭᖅᑖᓗᖕᒥ ᐅᖅᓱᖅᑖᕐᕕᒃ: ᐃᖃᓗᐃᑦ

ᐊᑎᓕᐅᕐᓗᑎᑦ ᐊᑭᖃᙱᑦᑐᒥᑦ ᐅᕙᓃᑉᐳᖔᖅᑐᖅᓯᐅᑎᒥᑦ, ᕼᐋᒻᓚᑦᑯᓯ ᑎᑎᕋᕐᕕᐊᓂ, ᐆᒪᔪᖕᓂᐊᖅᑎᒃᑯᑦ ᑎᑎᕋᕐᕕᐊᓂᑦ ᐊᖑᓇᓱᒃᑐᓕᕆᔨᒃᑯᓐᓂᓪᓘᓐᓃᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᒥᐊᖅᐱᑦ ᖃᓄᐃᑦᑑᓂᖓ ᐊᖏᓂᖓᓗ, ᐅᕙᓂ ᖃᐅᔨᒋᐊᕈᓐᓇᖅᑐᑎᑦ https://www.tc.gc.ca/media/documents/marinesafety/TP-511e.pdf

ᐊᓯᖏᑦ ᐊᑐᖅᑕᐅᔪᓐᓇᖅᑐᑦ ᐅᒥᐅᖅᑐᕐᓂᐊᕐᓗᓂ:

  • ᖁᐊᖅᓵᕐᓇᙱᓛᖑᕗᖅ ᐋᖓᔮᖅᐸᙱᓪᓗᓂ ᐅᕝᕙᓘᓐᓃᑦ drugs ᐅᒥᐅᖅᑐᕆᐊᖅᑐᖅᓯᒪᓗᓂ.
  • ᐃᒫᑳᓪᓚᒃᑯᕕᑦ ᐃᒫᓄᑦ ᖃᑭᔪᓐᓇᐃᓪᓕᓗᑎᓪᓗ, ᐋᖅᑭᒡᓗᑎᑦ ᐆᓇᕐᓂᕐᒥ ᐊᓂᐊᑎᑦᑎᑦᑕᐃᓕᒪᒃᑲᓐᓂᕐᓂᕐᒧᑦ ᐃᓂᒧᑦ (HELP). HELP ᐋᖅᑭᒃᓯᒪᓂᖓ ᐊᓐᓇᐅᒪᑎᒋᔪᓐᓇᕐᓂᖃᖅᑐᖅ ᐃᓕᖕᓄᑦ 50 ᐳᓴᓐᑎᒥᒃ. ᑕᓖᒃᑭᒃ ᓱᑲᑦᑎᐊᕐᓗᒋᑦ ᓴᒡᕕᖕᓄᑦ ᓂᐅᒃᑭᒡᓗ ᖁᒻᒧᐊᒃᑎᓪᓗᒋᑦ. ᐅᐃᒪᓗᐊᙱᓪᓗᑎᒃ ᓄᖅᑲᖓᑦᑎᐊᕐᓗᑎᑦ, ᐳᐃᔾᔪᕌᕋᓱᙱᓪᓗᑎᑦ.
  • ᐅᐸᒡᓗᒍ ᐱᔾᔪᑎᒃᓴᓄᑦ ᒪᒃᐱᖅᑐᒐᖅ ᐅᒥᐊᖅᑐᕆᐊᓚᐅᙱᓐᓂᕐᓂ ᐱᔭᕇᖅᓯᒪᔭᕆᐊᓕᖕᓄᑦ ᓇᓗᓇᐃᔭᐃᓯᒪᔪᓂ.

 

ᐱᔾᔪᑎᒃᓴᑦ: