ᐸᕐᓇᒃᐲᑦ ᐅᒥᐊᖅᑐᕐᓂᐊᓂᕐᓄᑦ? ᐸᕐᓇᓐᓂᐊᕐᓗᓂ, ᐊᑐᖁᔭᐅᔪᑦ ᐊᑖᓂᑦ ᓇᓗᓇᐃᖅᓯᒪᔪᑦ.
- ᖃᐅᔨᓴᑦᑎᐊᕐᓗᒍ ᐅᒥᐊᑦ
- ᖃᐅᔨᒋᐊᕐᓗᒍ ᓯᓚ ᖃᓄᐃᒻᒪᖔᑦ
- ᐱᕙᒌᔭᑦᑎᐊᕐᓗᑎᑦ ᐅᒥᐊᖅᑐᕐᓂᐊᕐᓂᕐᓄᑦ ᐊᒻᒪᓗ ᑭᓇᑐᐃᓐᓇᕐᒥᑦ ᖃᐅᔨᑲᐃᖏᓐᓇᖃᖅᑕᕐᓗᑎᑦ*
- ᐅᖅᓱᒃᓴᖃᑦᑎᐊᕐᓗᑎᑦ, ᑕᖁᐊᑦᓴᑎᓪᓗ ᐃᒥᕐᓗ ᓈᒻᒪᓪᓗᑎᒃ ᐃᓚᐅᔪᓄᑦ ᐃᑲᕋᓄᑦ 72−ᓄᑦ ᓇᒻᓚᒋᐊᕐᓗᒋᑦ
*ᐅᒥᐊᖅᑐᕐᓂᐊᕈᕕᑦ ᐸᕐᓇᓪᓗᑎᑦ ᐃᑭᒪᔪᓕᒫᑦ ᑭᒃᑰᒪᖓᑕ ᖃᐅᔨᒪᓗᒋᑦ, ᓇᒧᖓᕐᓂᐊᓃᑦ ᖃᐅᔨᒪᓗᒍ ᐊᒻᒪᓗ ᖃᓄᑎᒋ ᐊᐅᓪᓚᖅᓯᒪᓂᐊᕐᒪᖔᖅᐱᑦ
ᐊᑦᑕᕐᓇᖅᑕᐃᓕᒪᓂᕐᒧᑦ ᓱᓇᒃᑯᑖᖃᕐᓗᑎᑦ, ᐅᑯᐊ ᐃᓚᒋᓗᒋᑦ:
- ᐃᑭᒪᔪᓕᒫᑦ ᐳᒃᑕᖁᑎᖃᕐᓗᑎᒃ
- ᓂᙳᔪᒥᑦ ᑭᕕᔪᓐᓇᖏᑦᑐᒥᒃ ᐊᒃᖢᓈᖏᕐᓗᑎᑦ 15−ᒦᑕᒥᑦ ᑕᑭᓂᓕᒻᒥᑦ
- ᖃᐅᒻᒪᒃᑕᔫᖅ ᐅᑦᓯᒃᑐᖅ ᐅᕝᕙᓗᓃᑦ ᐃᑭᑦᑕᔫᓂᑦ ᑲᓇᑕᒥᑦ ᐊᖏᖅᑕᐅᒪᔪᓂᑦ
- ᑐᓴᖅᓴᐅᔪᓐᓇᖅᑐᒥᑦ ᓂᓪᓕᐊᓲᒥᑦ
- ᐃᐳᑎᖃᕐᓗᓂ/ᐊᖒᑎᖃᕐᓗᓂ ᐅᕝᕙᓗᓃᑦ ᑭᓴᐅᑎᖃᕐᓗᓂ 15−ᒥᑕᒥᑦ ᐊᒃᑐᓈᖓ ᑕᑭᓂᖃᕐᓗᓂ, ᐊᖅᓴᖅᑑᔭᖅ ᐅᕝᕙᓗᓃᑦ ᐊᒃᑐᓈᖅ ᓂᙳᔪᖅ.
- ᖃᓪᓗᑎᒃᓴᒥᑦ ᐅᕝᕙᓗᓃᑦ ᐃᒥᕐᒧᑦ ᒥᓪᓗᐊᕈᒻᒥᑦ
- ᖃᑦᑎᕈᑎᒥᒃ
- ᐃᒪᕐᒦᑦᑐᖅᓯᐅᑎᓂᑦ ᐃᓅᓕᑦᑎᔾᔪᑎᓂᑦ
- ᑕᒻᒪᕇᒃᑯᑦ, ᓄᓇᖑᐊᖅ, ᑕᒻᒪᕇᒃᑯᑦ ᑎᒃᑯᖅᑐᕈᑎᓕᒃ, ᖃᐅᔨᒪᔾᔪᑎᓂᑦ, ᐊᒻᒪ ᕚᑕᓖᓂᑦ ᓇᒃᓴᒃᑲᓐᓂᕐᓗᑎᑦ
- ᖃᐅᓯᓕᔭᖏᑦᑐᓂᑦ ᐃᑯᒪᓂᑦ
- ᐊᓐᓄᕌᑦ ᐸᓂᖅᑐᑦ:
- ᓴᓇᕐᕈᑎᓂᑦ
- ᐆᕙᕈᑎᕋᓛᕐᒥᑦ
- ᖃᖓᑦᑕᖅᑎᑕᐅᓯᒪᔪᒃᑯᑦ ᐅᖄᓚᔪᓐᓇᐅᑎᒥᑦ
- ᓱᐴᔪᖅ ᐊᒻᒪ ᓱᐴᔫᖅᓯᐅᑦ
- ᓴᕕᒃ
ᐃᒥᐊᓗᒃᑕᐃᓕᓗᑎᑦ ᐅᕝᕙᓗᓃᑦ ᓱᕐᕋᖕᓇᖅᑐᓂᑦ ᐱᑦᑕᐃᓕᓗᑎᑦ ᐊᐅᓪᓚᓚᐅᖏᓐᓂᕐᓂᑦ ᐊᐅᓪᓚᖅᓯᒪᓗᑎᓪᓗ.
ᓯᓚᑐᓗᑎᑦ ᐅᒥᐊᖅᑐᕆᑦ... ᐋᖓᔮᖏᓪᓗᑎᑦ ᐅᒥᐊᖅᑐᕆᑦ!
ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᒥᐊᐱᑦ ᖃᓄᐃᑦᑑᓂᖓ ᐊᖏᓂᖓᓗ, ᐅᕙᓂ ᖃᐅᔨᒋᐊᕈᓐᓇᖅᑐᑎᑦ
https://www.tc.gc.ca/media/documents/marinesafety/TP-511e.pdf
ᐊᑐᖅᑐᐊᕐᓂᕐᓄᑦ ᐊᑎᓕᐅᕐᓗᑎᑦ ᑕᒻᒪᕇᑯᑎᒥᑦ ᐊᑭᖃᖏᑦᑐᒥᑦ, ᒫᓃᑉᐳᖔᕈᑎᒥᒃ, ᐊᒻᒪᓗ ᐳᒃᑕᖁᑎᓂᑦ ᐊᑐᕈᓐᓇᖅᑐᓯ ᕼᐊᒻᓚᒃᑯᑦ ᐊᒡᓚᕕᖓᓂᑦ, ᐆᒪᔪᕐᓂᐊᖅᑎᓂᑦ ᐅᕝᕙᓗᓃᑦ ᐊᖑᓇᓱᒃᑐᓕᕆᔨᒃᑯᑦ/ᐆᒪᔪᕐᓂᐊᖅᑎᒃᑯᑦ
