Qayangnaqtut (Hubluurniq Kaasiliirmik)

Hupluugiangat kaasiliingit aangayaalaqiyaaminni amirnaqtun, ukunungalluaq nutaqqanut inulramminullu.

Tamapta qayagiyukhauyugut kaasiliit qayangnaqtullu paqitauttaarmata aimavingni, imaalu tiguinagialrumiittukhaunngittut.

Hubluuraangamik kaasiliinik qayangnaqtuniglu, taamna hubluuqtuq imingaqaffukhaarniaqtuq. Kihimi, qakuguraalungmut, hubluurniaqtut aliahuvyagiamingni inngumavyairiamingni, ninngaukhimalirlutik akhuulirlutiglu, aanniqtaaqtullu aannirniktaaqtullu.Signs that someone is abusing gas and solvents may include:

  • Naunaittuuruttait hubluuqtut kassiliinik qayangnaqtuniglu ukua ilangit:
  • kilaanginaq qania qingaalu
  • aqiarurliurluni, itiqtarluni, mirianginalirlunilu
  • niaqurliurluni
  • kaiffanngurluni
  • takuhimalirluni takunnaittunik
  • kipiktilutik inugait algaillu
  • naimannaqhilutik aannuraangit, nuyait, anirnialuuniit

Ilvit takuhiguvit hubluuqtunik, hivayarlugu munaqhiqarviit qilamik. Qugluktittailugu hubluuqtuq upakkungni, tuquffihulirumi uumataa nutqaqtaaqtuq. 

Qanuqtut hubluuqtailiniaraluaqqat?

  1. Uqarvigilugit nutaqqatit qayangnarnikkut hubluurnikkut qayangnaqtunik. Ilitturipkarniarlugit ikayurumayat aannialaqinngitaangani, aliahugiangani aannirnaittumik.
  2. Halummaqtirutit avuuritit naunaitkutalittiarlugit tutquumalugit nutaqqat pilimailruani.
  3. Killuttaqpaklugin tutqumavagluginlu kasiliit puplaqarviitlu kiluttakhaimayumi qiuqut aalaluuniin nakuyuq tutqumavik.
  4. Qauyimanahuarlutit hubluuqtunik.

Naunaiyattiarumaguvin hapkuninga qayangnaqtunik, takulugin hapkuat aturutikhat!

 

ATUQTAKHAT