ᐋᖓᔮᕈᑕᐅᓇᓱᒃᐸᒃᑐᑦ (ᐅᖅᓱᐊᓗᖕᒥᑦ ᓂᐅᖅᓯᑳᕐᓂᖅ)

ᓂᐅᖅᓯᑳᕐᓂᖅ ᐅᕝᔭᓘᓐᓃᑦ ᓂᐅᖅᓯᑳᕐᓂᖅ ᐅᖅᓱᐊᓗᖕᒥᑦ ᐊᓐᒪᓗ ᐋᖓᔮᕈᑕᐅᓇᓱᒃᐸᒃᑐᑦᑐᖁᔾᔪᑕᐅᔪᓐᓇᖅᑐᑦ, ᐱᓗᐊᖅᑐᒥᑦ ᓄᑕᕋᕐᓄᑦ ᒪᒃᑯᒃᑐᓄᓪᓗ.

ᐅᔾᔨᖅᓱᑦᑎᐊᕆᐊᖃᖅᑐᓕᒫᖑᔪᒍᑦ ᐅᖅᓱᐃᑦ ᐋᖓᔮᕈᑕᐅᓇᓱᒃᐸᒃᑐᓪᓗ ᓇᓂᔭᕐᓂᖅᑐᑯᓘᓂᖏᓐᓄᑦ ᐊᖏᕐᕋᒥ, ᐊᑦᑕᕐᓇᖅᑐᒦᑎᑕᐅᓪᓗᐊᙱᑦᑐᑦ ᐃᓄᖅᓯᓯᒪᔭᐅᓗᑎᒃᓗ.

ᓂᐅᖅᓯᑳᓚᐅᖅᑎᓪᓗᒍ ᓂᐅᖅᓯᑳᓚᐅᖅᑎᓪᓗᒍᓘᓐᓃᑦ ᐅᖅᓱᒧᑦ ᐋᖓᔮᕈᑕᐅᓇᓱᒃᐸᒃᑐᒧᓪᓘᓐᓃᑦ, ᐃᓄᒃ ᖁᕕᐊᓱᓚᐅᑲᒍᓐᓇᖅᑐᖅ ᐊᑯᓂᐅᙱᑦᑐᖅ. ᑕᐃᒪᐃᒃᑲᓗᐊᖅᑎᓪᓗᒍ, ᐊᑯᓂᐅᔪᒃᑯᑦ, ᐊᒃᓱᕉᑎᖃᑐᐃᓐᓇᕆᐊᓖᑦ ᖃᓄᐃᓕᖓᓂᖏᑕ ᐊᓯᔾᔨᑳᓪᓚᖃᑦᑕᕐᓂᖏᓐᓄᑦ ᓄᒫᓱᖕᓂᕐᒧᓪᓗ, ᐱᑦᑎᐊᖃᑦᑕᕈᓐᓃᕐᓗᑎᒃ ᐱᑲᒻᒪᒃᐸᓕᖅᓗᑎᒃᓗ, ᐃᖕᒥᓂᒃᓘᓐᓃᑦ ᐋᓐᓂᑐᐃᓐᓇᕆᐊᖃᕐᓗᑎᒃ ᐊᓯᒥᓂᒃᓗ.

ᖃᐅᔨᒪᓇᕈᑎᑦ ᑭᓇᑭᐊᖅ ᐊᑐᕐᓂᕐᓗᒃᑐᖅ ᐅᖅᓱᒥᒃ ᐋᖓᔮᕈᑕᐅᓇᓱᒃᐸᒃᑐᓂᒃᓗ ᐅᑯᓂᖓ ᐃᓚᐅᑎᑦᑎᔪᓐᓇᖅᑐᑦ:

  • ᖁᕝᕕᐅᑲᑕᒃᓗᑎᒃ ᐊᐅᐸᕐᓗᑎᒃᓘᓐᓃᑦ ᐃᔨᖏᒃ
  • ᐊᒥᕐᓘᔭᑦ ᖃᓂᕐᒥ ᕿᖓᕐᒥᒃᓗ
  • ᓈᖑᑲᑕᖕᓂᖅ, ᐊᓇᓚᖕᓂᖅ ᒥᕆᐊᑲᑕᖕᓂᕐᓗ
  • ᓂᐊᖁᕐᓕᖓᓗᓂ;
  • ᐅᐃᔾᔭᖑᓗᓂ
  • ᑕᑯᓂᖅ ᑭᓱᒥᑭᐊᖅ ᐱᑕᖃᙱᑦᑐᒥᒃ
  • ᒥᖑᑦ ᐃᓄᒐᙳᐊᒃᑯᑦ ᐊᒡᒐᒃᑯᓪᓘᓐᓃᑦ
  • ᐃᓚᐅᕈᑎᓗᒃᓱᓐᓂᕐᓂᖅ ᐊᓐᓄᕌᖏᒍᑦ, ᓄᔭᖏᑎᒍᑦ ᐊᓂᖅᑎᕆᓂᖓᒍᓪᓘᓐᓃᑦ

ᑕᑯᒍᕕᑦ ᑭᓇᒥᑭᐊᖅ ᓂᐅᖅᓯᑳᖅᑐᒥᒃ ᓂᐅᖅᓯᑳᖅᑐᒥᒃᓘᓐᓃᑦ ᐅᖅᓱᒥᒃ, ᐅᖃᓗᒃᓗᑎᑦ ᐋᓐᓂᐊᕕᔅᓯᓐᓄᑦ ᐃᕐᖐᓐᓇᖅ. ᖁᒃᓴᓪᓚᒃᑎᑦᑎᑕᐃᓕᒋᐊᕐᓗᑎᑦ ᑭᓇᒥᑭᐊᖅ ᑕᑯᒍᕕᒋᑦ ᓂᐅᖅᓯᑳᖅᑐᑦ ᓂᐅᖅᓯᑳᖅᑐᓪᓘᓐᓃᑦ ᐅᖅᓱᒧᑦ, ᑲᑉᐱᐊᓱᓕᑐᐃᓐᓇᕆᐊᖃᕐᒪᑕ ᐆᒻᒪᑎᖓᓗ ᑎᒡᓕᕈᓐᓃᕐᓗᓂ. 

ᖃᓄᖅ ᐱᑎᑦᑕᐃᓕᔪᓐᓇᖅᐱᐅᒃ ᐋᖓᔮᕈᑕᐅᓇᓱᒃᐸᒃᑐᓄᑦ ᐊᑐᕐᓂᕐᓗᖕᓂᖅ?

  1. ᐅᖃᖃᑎᒋᓗᒋᑦ ᕿᑐᕐᖓᑎᑦ ᐊᑦᑕᕐᓇᕐᓂᖏᓐᓂ ᐊᑐᕐᐸᒃᓗᓂ ᐋᖓᔮᕈᑕᐅᓇᓱᒃᐸᒃᑐᓂᒃ. ᖃᐅᔨᑎᓪᓗᒋᑦ ᐃᑲᔪᕈᒪᓂᕐᓂ ᐋᓐᓂᐊᖃᙱᓪᓗᑎᒃ, ᖁᕕᐊᓱᒃᓗᑎᒃ ᐊᑦᑕᕐᓇᙱᑦᑐᒦᓪᓗᑎᒃᓗ.
  2. ᓴᓗᒻᒪᖅᓴᐃᔾᔪᑎᑦ ᐃᓚᐅᕈᑎᓪᓗ ᑎᑎᕋᖅᓯᒪᔪᒥᒃ ᐴᖅᓯᒪᓗᒋᑦ ᑐᖅᑯᖅᓯᓯᒪᕝᕕᖕᒥ ᐃᓄᖅᓯᓯᒪᓗᒋᑦ ᓄᑕᖅᑲᓄᑦ.
  3. ᑮᒃᐸᒡᓗᒋᑦ ᐊᓐᒪᓗ ᐊᑦᑐᕐᓇᖏᑦᑐᒧᐊᖅᐸᒡᓗᒋᑦ ᐅᖅᓱᐊᓗᐃᑦ ᐊᒻᒪᓗ ᐳᓪᓚᖕᒨᖅᑐᑦ ᕿᑐᑦᑐᒐᐅᔭᕐᒧᑦ ᑮᖃᖅᑐᒧᑦ ᐅᕝᕙᓘᓐᓃᑦ ᐊᑦᑕᕐᓇᖏᑦᑐᒧᑦ ᑐᖅᑯᖅᐸᒡᓗᒋᑦ.
  4. ᐅᔾᔨᖅᓱᕐᓗᒋᑦ ᖃᐅᔨᒪᓇᕈᑎᖏᑦ ᐋᖓᔮᕈᑕᐅᓇᓱᒃᐸᒃᑐᓄᑦ ᐊᑐᕐᓂᖅ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐋᖓᔮᕈᑕᐅᓇᓱᒃᐸᒃᑐᒧᑦ ᐱᓂᕐᓗᒃᖃᑦᑕᕐᓂᕐᒥᑦ, ᐅᑯᐊ ᖃᐅᔨᒋᐊᕐᓗᒋᑦ ᐱᔾᔪᑎᒃᓴᑦ!

 

ᐃᑲᔫᑎᔅᓴᑦ: