ᐊᑦᑕᕐᓇᖅᑕᐃᓕᑎᑦᑎᓂᖅ ᖁᑭᐅᑎᓂᒃ

ᐃᓐᓇᕐᓄᑦ ᐊᔪᕆᖅᓲᔾᔭᐅᖃᑦᑕᖅᓯᒪᕗᒍᑦ ᖁᑭᐅᑏᑦ ᐊᑑᑎᖃᕐᓂᖏᓐᓂ ᓂᕿᑖᕋᓱᖕᓂᕐᒧᑦ. ᐱᒻᒪᕆᐊᓘᕗᖅ ᖁᑭᐅᑏᑦ ᑐᖅᑯᖅᓯᒪᑦᑎᐊᖃᑦᑕᕐᓗᑎᒃ ᐱᓂᕐᓗᒃᑐᖃᖁᓇᒍ ᐋᓐᓂᖅᑐᖃᖁᓇᒍᓗ ᐃᓄᖕᓂᒃ.

ᐊᑐᖁᔭᐅᔪᑦ ᖃᓄᖅ ᖁᑭᐅᑎᓄᑦ ᐱᓂᕐᓗᒃᑐᖃᕐᓂᐊᖏᒻᒪᓐ

  • ᐴᑯᐃᔭᕐᓗᒍ. ᑐᖅᑯᖅᓯᒪᓗᒋᑦ ᖁᑭᐅᑎ ᓱᓇᒐᐃᓪᓗ ᐊᕕᒃᓯᒪᓗᑎᒃ, ᑮᒡᓗᒍᓗ ᑐᖅᑯᐃᕝᕕᒋᔭᖅ.
  • ᑮᒃᓯᒪᓂᐊᕐᒪᑦ ᐲᔾᔭᐃᑦᑎᐊᕐᓗᒍ, ᓲᕐᓗ ᑮᒡᓗᒍ ᑲᐃᒥᑦᑎᕝᕕᖓ ᐃᐱᐅᑦᑎᕐᓗᒍᓘᓃᑦ, ᐲᕐᓗᒍᓗ ᒪᒃᐱᔾᔭᐃᒃᑯᑎᖓ ᐊᔪᕐᓇᖏᑉᐸᑦ.
  • ᖁᑭᐅᑏᑦ ᑮᒍᑎᓯᒪᕙᒡᓗᒋᑦ ᐊᒧᔭᖅᑐᒥ, ᐴᕐᒥ, ᐅᕝᕙᓘᓃᑦ ᐃᒡᓗᕈᓯᕐᒥ ᑮᒍᑎᓯᒪᓗᒋᑦ.
  • ᓄᑕᖅᑲᐃᑦ ᐃᓕᓐᓂᐊᖅᑎᓪᓗᒋᑦ ᖁᑭᐅᑏᑦ ᐱᙳᐊᖑᖏᓐᓂᖏᓂ; ᐱᙳᐊᖃᖅᑎᑉᐸᖏᓪᓗᒋᑦ ᖁᑭᐅᑎᓂᒃ.
  • ᐃᓕᓐᓂᐊᖃᑕᐅᒋᑦ ᑲᓇᑕᒥ ᖁᑭᐅᓯᕆᓂᕐᒥ ᐊᑦᑕᕐᓇᖅᑐᒃᑰᖅᑕᐃᓕᒪᓂᕐᒧᑦ ᐃᓕᓐᓂᐊᒐᒃᓴᒥᑦ.
  • ᓴᓗᒻᒪᖅᓴᐃᔾᔪᑎᑦ ᖁᑭᐅᑎᓄᑦ ᑮᒍᑎᓯᒪᕙᒡᓗᒋᑦᑕᐅᖅ, ᓴᓗᒻᒪᖅᓴᐅᑎᖏᑦ ᓴᙱᔫᖕᒪᑕ ᑐᖁᓐᓇᖅᑐᖃᓲᖑᓪᓗᑎᒃ.

ᓄᓇᔅᓯᓐᓂ ᐳᑭᖅᑕᓖᑦ ᑐᑭᓯᒋᐊᕐᕕᒋᒃᑲᓂᕈᓐᓇᖅᐸᑎᑦ ᖃᓄᖅ ᑐᖅᑯᐃᓯᒪᑦᑎᐊᕐᓂᕐᒥᒃ, ᐅᕝᕙᓘᓃᑦ ᑮᒃᑖᖅᑎᑕᐅᔪᒪᓗᑎᑦ.