ᓯᑯᒥ ᓇᖏᐊᕐᓇᖅᑐᒧᐊᖅᑕᐃᓕᒪᓂᖅ

ᓯᑯᒧᐊᕐᓂᐊᕈᕕᑦ, ᐅᑯᐊ ᐊᑐᖁᔭᐅᔪᑦ ᓴᖏᐊᕐᓇᖅᑐᒦᓐᓂᐊᖏᓐᓇᕕᑦ:

  • ᐊᑐᕐᓗᑎᑦ ᐳᒃᑕᖁᑎᒥᑦ (ᑐᑭᓕᐅᑎᓗᒍ ᐊᑕᔪᒥᑦ ᐳᒃᑕᖁᑎᒥᑦ ᐅᕝᕙᓗᓃᑦ ᖃᓖᓐᓂᒃ).
  • ᑕᑭᔪᒥᒃ ᐊᔭᐅᐱᐊᖃᕐᓗᑎᑦ ᐅᕝᕙᓗᓃᑦ ᐅᓈᒥᑦ ᖃᐅᔨᓴᕐᓂᐊᕐᓗᒍ ᓯᑯ.
  • ᓇᒃᓴᖃᑦᑕᕐᓗᑎᑦ ᖃᑭᓇᓱᐊᕐᓗᓂ ᓂᓚᒡᒧᑦ ᖃᑉᐳᑎᓲᓐᓂᒃ ᐃᒫᕈᕕᑦ ᖃᑭᔪᓐᓇᐅᑎᒋᒐᔭᖅᑕᕐᓂᑦ.
  • ᓇᒃᓴᕐᓗᑎᑦ ᑎᑭᐅᑎᔪᓐᓇᕋᔭᖅᑐᒥ ᐅᕝᕙᓗᓃᑦ ᐃᓄᒻᒧᑦ ᐃᒋᑦᑐᓐᓇᕋᔭᖅᑕᕐᓂᑦ (ᑐᑭᓕᐅᑎᓗᒍ ᕿᔪᑯᑖᒻᒥᑦ ᐊᒃᖢᓈᒥᒡᓗᓃᑦ) ᐊᖃᐅᖏᓕᐅᓕᕈᕕᑦ ᐊᑐᕋᔭᖅᑐᓂᑦ.

ᖃᐅᔨᒪᔾᔪᑎᑦ ᓯᑰᑉ ᑕᖅᓴᖓᓄᑦ:

  • ᓂᓚᒃ ᑐᖑᔪᑦᑎᐊᖅᑎᓪᓗᒍ ᐊᑦᑕᕐᓇᖏᓐᓂᐹᖑᕗᖅ.
  • ᓂᓚᒃ ᖃᖁᖅᑑᒃᐸᑦ ᐅᕝᕙᓗᓃᑦ ᐊᐳᑦ ᐊᑦᑕᕐᓇᕐᓂᓵᕐᔪᒃ ᑐᖑᔪᖅᑐᒥᑦ ᓂᓚᒡᒥᑦ..
  • ᕿᕐᓈᖓᔪᖅ ᓂᓚᒃ ᐊᑦᑕᕐᓇᖅᑐᖅ. ᕿᕐᓈᖓᑉᐸ ᓇᓗᓇᐃᖅᓯᔪᖅ ᐃᒪᖃᕐᓂᖓᓂᑦ.

ᐊᑐᖅᑕᐅᔪᓐᓇᖅᑐᖅ ᓂᓚᐅᑉ ᐃᔾᔪᓂᖓ:

  • 15 ᒦᑕᒥᑦ ᐃᔾᔪᓂᖃᖅᐸᑦ ᐱᓱᒡᕕᒃᓴᖅ ᐅᕝᕙᓗᓃᑦ ᓯᐊᕆᔭᐅᑎᒃᑯᑦ ᐊᑐᕋᒃᓴᖅ.
  • 20 ᒦᑕᒥᑦ ᐃᔾᔪᓂᖃᖅᐸᑦ ᐊᓐᓂᑭᑦᑐᕐᕕᐅᔪᓐᓇᖅᑐᖅ ᐅᕝᕙᓗᓃᑦ ᕼᐋᑭᕐᕕᐅᔪᓐᓇᖅᑐᖅ
  • 25 ᒦᑕᒥᑦ ᐃᔾᔪᓂᖃᖅᐸᑦ ᖃᒧᑕᐅᔭᕐᕕᐅᔪᓐᓇᖅᑐᖅ/ᓯᑭᑑᕐᕕᐅᔪᓐᓇᖅᑐᖅ

ᐋᔪᕋᐃᑦ ᓯᑯᒥᑦ ᐊᑦᑕᕐᓇᖅᑐᑦ ᐊᓐᒪᓗ ᑕᐃᒪᐃᒐᔪᒃᑐᖅ ᐅᐱᕐᖔᑯᑦ. “ᐃᑳᕐᕕᒃᑕᖃᑐᐃᓐᓇᕆᐊᓕᒃ” ᐋᔪᕋᐅᑉ ᐃᓚᖓᒍᑦ ᐊᑦᑕᕐᓇᖏᑦᑐᒃᑯᑦ ᐃᑳᕐᕕᐅᔪᓐᓇᖅᑐᖅ.

ᐊᑦᑕᕐᓇᖅᑐᑰᕈᕕᑦ ᓯᑯᒦᓪᓗᑎᑦ, ᐃᒪᐃᓕᐅᕈᕕᑦ ᐊᑲᐅᓂᖅᓴᐅᒐᔭᖅᑐᖅ:

  • ᐃᑲᔪᖅᑕᐅᔪᒪᓗᑎᑦ.
  • ᓴᖏᖅᓯᓇᓱᒃᑕᐃᓕᒋᑦ ᐅᕝᕙᓗᓃᑦ ᒪᔪᕋᓱᒃᑕᐃᓕᒋᑦ ᐃᒫᕐᕕᒋᔭᒃᑯᑦ. ᓯᑯ ᓱᕋᒃᓴᕋᐃᑐᐃᓇᕆᐊᖃᕐᒪᑦ ᐃᒫᕐᕕᒋᔭᐃᑦ.
  • ᐳᒃᑕᒋᐊᕐᓗᑎᑦ, ᐹᒪᖓᓗᑎᑦ ᐹᕐᖑᕐᓗᑎᑦ ᐅᕝᕙᓗᓃᑦ ᐊᒃᓴᑳᒋᐊᓗᑎᑦ ᐃᒫᖅ ᐅᖓᓯᒃᓯᒋᐊᕐᓗᒍ ᑕᓖᒃᑭᒃ ᓂᐅᑭᒡᓗ ᐃᖅᐸᖅᑎᓯᒪᒋᐊᕐᓗᒋᑦ ᑎᒥᕕᑦ ᓯᐊᒻᒪᖅᑎᓯᒪᒋᐊᕐᓗᒍ ᐅᖁᒪᐃᓗᐊᕐᓂᐊᖏᓐᓇᕕᑦ.
  • ᓇᖏᖅᓯᑕᐃᓕᓗᑎᑦ! ᓯᒡᔭᖓ ᖃᐅᔨᒋᐊᕐᓗᒍ ᐅᕝᕙᓗᓃᑦ ᓄᓈᕐᕕᓴᖅ ᐹᕐᖑᕐᓗᑎᑦ ᐊᑦᑕᕐᓇᖏᑦᑐᒧᑦ.

ᐊᑦᑕᕐᓇᖅᑕᐃᓕᒪᔾᔪᑎ ᐱᖁᑎᑦ

ᐃᖃᐅᒪᓗᑎᑦ, ᐊᑐᐃᓐᓇᖃᑦᑕᑯᔭᐅᔪᑦ ᐳᒃᑕᖁᑎᑦ, ᓲᕐᓗ ᐊᑕᔪᑦ ᐃᓗᐃᑦᑐᑦ ᐳᒃᑕᖁᑎᑦ ᐅᕝᕙᓗᓃᑦ ᖃᕐᓖᒃ ᐳᒃᑕᖁᑎ, ᑎᒦᑦ ᐊᑦᑕᕐᓇᖅᑐᒦᓐᓂᐊᖏᒻᒪᑦ ᓂᒡᓕᓗᐊᕐᓂᐊᖏᒻᒪᑦ ᐊᑦᑕᕐᓇᖅᓯᓗᓂ.

ᐃᓚᒋᒻᒥᔭᖓ ᓄᓇᕗᑦ ᒐᕙᒪᖓᑕ ᐃᒫᓂᑦ ᐅᔾᔨᕈᓱᑦᑎᐊᕐᓂᒧᑦ ᐱᓕᕆᐊᖅ, ᐅᒥᐊᖅᑐᑏᑦ 18−ᓂᑦ ᓄᓇᓕᐅᔪᓂᑦ ᐊᑎᓕᐅᕈᓐᓇᖅᑐᑦ ᐳᒃᑕᖁᑎᓂᒃ ᐊᑐᕐᓂᐊᖅᑕᒥᓂᑦ ᐊᑭᖃᖏᑦᑐᑦ.

  • ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᐊᕐᕕᐊᑦ, ᖃᒪᓂ'ᑐᐊᖅ, ᑲᖏᖅᑐᒑᐱᒃ, ᐊᐅᓱᐃᑦᑐᖅ, ᐃᒡᓗᓕᒃ, ᑰᒑᕈᒃ, ᐸᖕᓂᖅᑑᖅ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᑲᖏᖅᖠᓂᖅ, ᖃᐅᓱᐃᑦᑐᖅ ᐊᒻᒪ ᑎᑭᕋᕐᔪᐊᖅ
  • ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ: ᓴᓂᕋᔭᒃ ᐊᒻᒪ ᑭᒻᒥᕈᑦ
  • ᐱᖏᖕᓇᖅᑐᓕᕆᔨᒃᑯᑦ ᐸᖅᓴᐃᔩᑦ: ᐃᒡᓗᓕᒑᕐᔪᒃ ᐊᒻᒪ ᓴᓪᓕᖅ
  • ᐹᕝᕕ ᖔᒡ ᒑᓯᑕᕐᕕᒃ: ᐃᖃᓗᓂᑦ

ᐊᑎᓕᐅᕐᓗᑎᑦ ᐊᑭᖃᙱᑦᑐᒥᑦ ᐅᕙᓃᑉᐳᖔᖅᑐᖅᓯᐅᑎᒥᑦ ᕼᐋᒻᓚᑦᑯᓯ ᑎᑎᕋᕐᕕᐊᓂ, ᐆᒪᔪᖕᓂᐊᖅᑎᒃᑯᑦ ᑎᑎᕋᕐᕕᐊᓂᑦ ᐊᖑᓇᓱᒃᑐᓕᕆᔨᒃᑯᓐᓂᓪᓘᓐᓃᑦ.

 

ᐃᑲᔫᑎᔅᓴᑦ: